Tuni Bidi Dabego Po Elalubo Buku Si 26:1 - Godigo dwagi yai po buku

¹ Te Amasia aga isibo si, te Juda dabe augwaligo aga ogwa sali, te Usia sali, tama augwaligo aga king bidimainu sa muani, te aga ayago pesage selama bidimainogo. Usia aga king pedelali sogo agai kibu be 16 tama elaluali.

Tuni Bidi Dabego Po Elalubo Buku Si 26:1 Referans Kwoze

Tuni Bidi Dabego Po Elalubo Buku Si 22:1

Te Jehoram aga king bidali sogo, te bidi mebago te hwįbo bidi dabe meba selama, tama augwali Juda buluba aselama, tama agai ogomani sese tama ela silali, tiali goli augwaligo Jehoramgo sabi ogwa mu Ahasia deli digi elebeo. Tama tialima, te king Jehoram isibo si, te Jerusalem dabego Ahasia augwa king pedelemainu sa muani, te aga ayago bidali pesage somainu. Ahasiago me nogi Joahas dao.

Tuni Bidi Dabego Po Elalubo Buku Si 33:25

Tama nosali te Juda we bidi dabego te Emon ela muani ofisa bidi dabe selama augwali me elama isilali. Tama augwaligo Josaia te Emon aga ogwa selama, tama augwaligo aga augwa king magi ilali.

Tuni Bidi Dabego Po Elalubo Buku Deli 3:12

Tama Joas te Amasiago aya, tama Amasia te Usiago aya da, agai gasa nogi me Asaria. Tama Usia te Jotamgo aya da,

Te Israel me Juda Hani Sigo Tuni Bidigo Po Elalubo Buku Si 14:21

Tama te nosali Juda hani augwaligo te gasa bidi me sali, te bidi nogi Usia, agai nogi me te Asaria, tama augwaligo te bidi aga dąį ilama, tama te king bidi nigilali. Te bidigo aga aya Amasiago sę yali pesagede bidiyu, sę yali. Usia agai kibu be te nogo si olama, te sągą a olama, te me badu sągągo kibisa deli wagi solama, te 16 kibu bede aga king bidi nigai.

Tuni Bidi Dabego Po Elalubo Buku Si 25:28

Tama bidi mebago agai tigi te hosde munama, tama Jerusalemba sela pali. Tama augwaligo aga te aga wąį dabego gų pagede pubulali.

Tuni Bidi Dabego Po Elalubo Buku Si 26:2

Aga king bidama, nosali agai boi hwįgi pelama, agai te taun Elat te boi bidi dabego nogode ma sigi pali. Tama agai te taun dolali madi ma dodolali.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Hosea 1:1

Te Usia, me Jotam, me Ahas, me Hesekia, te bage deli deli augwali te Juda dabego king dabe bida bida pali sogo, God Genuai Bidigo agai po Hoseabolo mawai. Hosea da te Berigo ogwa dao. Tama Jeroboam, te Jehoasgo ogwa, te Israel king bidai dao. Te bidi dabe king pedelama bididubadi, tama Genuai Bidigo Hoseabolo te po maduai.

Amos 1:1

E po da, te bidi Amosgo pusali po dao. Amos aga te Tekoa taun bidi da, tama aga te sipsip kibu hauwa page bidi me deli bidai dao. Godigo agabolo te Israel hanide e po mani sogo, aga te nade subo nai tiwai gilama yali. Te sogo Usia te Juda tǫ kantri king bidibo sogo, me te Jeroboam, te Joasgo ogwa, te Israel tǫ kantri king bidali. Te sogo Amosgo te nade subo nai tiwai sulama da, teda nosali badu te kibu be si bidama da, te genuai tǫ mali yai.

Te Israel me Juda Hani Sigo Tuni Bidigo Po Elalubo Buku Si 14:1

Jehoas agai te kibu be si pali, aga te Joahasgo ogwa da, aga te Israel hanigo king bidi bidali, Amasia, aga te Joasgo ogwa da, tama aga Juda hanigo king bidi nigilama bidali.