Tuni Bidi Dabego Po Elalubo Buku Si 21:3 - Godigo dwagi yai po buku

³ Jehosafat isisąbadi agai aga te ogomanibolo te gol dabe hauwa mu, me silva dabe, me te haniani nai te genuai monego abelali nai dabe me augwalibolo dobayali. Tama me agai augwali deli delibolo sę mani, te Juda bulude bomai obo elalubo taun tonalumai tagalali. Tiali goli Jehoram king pedelama agai pesage selama king nigilama bidimainu sa muani. Magi baso meni, Jehoram aga te agai gomunai ogwa dao.

Tuni Bidi Dabego Po Elalubo Buku Si 21:3 Referans Kwoze

Tuni Bidi Dabego Po Elalubo Buku Si 11:23

Tiali goli, Rehoboam aga wiegi yai homu elaluyu, tama aga ogwa dabe aga te obo dąų wawalo bilali te hanu dabe tonalua pomainogo sa muna muna pali, te Juda distrik me Benjamin distrikde tonalumainogo tama tiali. Tama agai augwalibolo tubo nai dabe hauwa mu augwalibolo mani. Tama me agai augwaligo sabo we hauwa mu gegela mani.

Tuni Bidi Dabego Po Elalubo Buku Si 11:5

Te Rehoboam aga Jerusalemde bidiyu, agai meba sę bidi dabebolo te distrik Judade elalubo hanu bagulali masigigo nigai obo me badu bugagia dąų walao po wali.

Tigidali Nai Gagalama Nigali Side 25:6

Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Esekiel 46:16

“Ena God Genuai Bidi, eno e tama po obao. Tialima king aga ogwa me delibolo aga tǫ me togwa mani da, teda te tǫ te wai aga tǫ elaluyu, tama aga hani we wai tǫ nosali me elaluaibao.