Tuni Bidi Dabego Po Elalubo Buku Si 2:3 - Godigo dwagi yai po buku

³ Tama Solomongo te king Hiram te taun Tair bidibolo po ola toliyu, e tiwai po wali, “Polobadu nago eno aya king Devit agai aga be sę emainogo nago agabolo ni bǫ tolai dao. Tama tialima, eno homugo nago te tiwai deli kolesaga naga ena dali me yao.

Tuni Bidi Dabego Po Elalubo Buku Si 2:3 Referans Kwoze

Tuni Bidi Dabego Po Elalubo Buku Deli 14:1

Te king Hiram te taun Tair bidigo te agai gavman ofisa bidi meba te Devitba tagala palali. Tama me agai te ni bǫ tigi dabe me te kapenda bidi dabe dali, te masigigo be nigibo sę yabo bidi dabe me tagala palali, te augwaligo king Devitgo genuai wiegi yai be sę emainogo yai dao.

2 Samuel 5:11

Te king Hiram te Tair taun bidigo te polalubo bidi meba te Devitba tagala palali. Tama agai te wiegi yai ni bǫ tigi dabe me, te be sę ebo kamda bidi me, te masigide sę ebo koneai bidi dabe augwali tagala palama, te king Devitgo genuai be sę emainu yai.

Ma Dobola Sali 25:30

Tama sesemane sogo dagego enabolo maiabo bret te tebolba naga munama, tama eno gedude munaluaibao,” wali.

Ma Dobola Sali 29:38

“Tigidali sogo dagego te kibu sipsip wai si te kibu be deli yai elalubadi, tama te altaba munama, ofa yao.

Ma Dobola Sali 29:39

Tama sipsip me deli te kigamu ofa eyu, tama gasa sipsip me te pio mu ofa yao.

Ma Dobola Sali 29:41

Tama dagego te gasa sipsip me deli te pio ofa yao. Te deli tigi poai plaua me, te oliv wel me, te wain ąį me selama, tama te kigamu yali ofa tiwai gilama yao. Te tubo naigo ofa ebo dagego te nai ena Genuai Bidibolo mobao, tama te siago deyu, tama wiegi yai denami ebo te eno godolo ebo dao.

Ma Dobola Sali 30:7

“Te tigidali sogo kigamu Aron aselama, te lam sole sisi yagasaibao, tama te tiagasobo sogo agai te pusu wiegi yai ebo pauda meba te altaba denami elainogo ulao.

Pris Sę Ebo Bomai Po 23:2

“Te Israel we bidi dabebolo te genuai lotu wabo side eno augwaliba bodolu muyu dąį ilai dao po walao. Dage sisinama, e tama side lotu waiyąo.

Israel Hanigo Namba 28:9

Tama Genuai Bidigo Mosesbolo te Israel bagebolo e pusabo po wali, “‘Te Sabat side dagego te omai sipsip kibu si, kibu be deli yai sipsip si ofa yao, tama te keni dabego augwaligo tigi me dolisąma yai sao. Tama kilo si yai wiegi yai plaua selama, tama oliv wel dali begelao, te wit ulubo ofa tiwai. Tama te wit ulubo ofa me te wain gelebo ofa te sipsip dali ulao.

Israel Hanigo Namba 28:11

Tama Genuai Bidigo Mosesbolo te we bidibolo te po omainu yali, “‘Te tigidali poluago namba wan deide dagego Genuai Bidiba ofa yao. Te da, te isigo mu dela silabo ofa dao. Dagego kau kibu omai si ofa eyu, me sipsip kibu omai si ofa eyu, me 7 sipsip kibu omai te kibu be deli yai, te ofa yao. Tama te hasa dabe tigidali te augwaligo tigi keni dabego me dolisąma yai dabe sao.

Tuni Bidi Dabego Po Elalubo Buku Si 4:19

Solomongo te sę bidi dabebolo te Godigo tempel be tomode muabo nai dabe geselao po wali. Tialima augwaligo gol selama alta geselali, tama me augwaligo Godiba mabo bret muabo tebol dabe me geselali.

Tuni Bidi Dabego Po Elalubo Buku Si 8:13

Agai te ofa tigidali sogo mu iyu iduali, te Mosesgo wali gilama tiali. Tama me agai te Sabat side dabe me ofa iyu, me te genuai sogo dabe me ofa iyu, me gesi polua nanobo side me ofa iyu, me tigidali kibu bede sela sogo genuai side me ofa iyu yali. Te da te Yis Meni Yai Bret Ulubo Genuai Sogo, me Wiegi Yai Homu Ebo te Gide Nai Dabe Sabo Sogo, me te Osogo Bidabo Bede Bidibo Genuai Sogo me.

Tuni Bidi Dabego Po Elalubo Buku Si 13:11

Te tigidali sogo kigamu me pio augwaligo isigo dela silibo ofa eyu, me augwaligo wiegi yai denami ebo pauda dabe ulama, Genuai Bidiba denami holiyu ebo dao. Tama augwaligo Godibolo te ofa tiwai mani te bret siyu ebo dao, tama augwaligo te bret te Godigo gedude doloba pai elalubo tebolba mugi peyu ebo dao. Tama tigidali sogo pio augwaligo lam sole udalobo dao, augwaligo te golgo nigali te lam ni dagede udaliyu ebo dao. Dago Genuai Bidi dena Godigo po wali pabo dao, tama te sę dabe tama ebo dao. Tiali goli dage da, menio, dagego aga tudiba mu ola manio.

Tuni Bidi Dabego Po Elalubo Buku Si 24:14

Te sę bidi dabe augwaligo Genuai Bidigo tempel be dodolobo sę silali, tama te gol me silva bugai munaluali. Tama tialima te bos bidi dabego te gol dali silva dali si selama, augwali king de Jehoiada sibolo mani. Tama augwali sigo selama, gasa sę bidi dabebolo menama, augwalibolo te ofa yabo nai plet dabe, te wiegi yai denami ebo pauda ulabo plet dabe geselao po wali, tama te plet dabe me kap dabe me geselao po wali, tama Genuai Bidigo be tomode sę yabo nai meba me geselali. Te Jehoiada bidibadi te we bidi augwali Genuai Bidigo beba pelama, augwaligo isigo mu dela silibo ofa mu iyu yali, te tigidali sogo.

Esra 6:3

“Te hasia polasa kibu be mude te king Sairus te king bidali sogode, agai te po weyu, augwaligo te Jerusalemde te Godigo tempel be daga page masigi dabe muyu, tama te be ma sę yao po wai. Tama augwaligo te siaba tigidali domainu ulubo ofa dabe me, tama te gasa tobage ofa dabe me emainao po wai. Te be daga bobobage ugwanu holali usu nama, te 27 mita, tama aga genuai usu nama, te me te 27 mita dao.

Nehemia 10:34

“Tama da tigidali we bidi, me te pris dabe, me Livai dabe, dago te bomo yai pogo po wali pelama, tama dago te satu gagali elama, te mena mena hani nigilama, te sia sigi pelama, te selasa asiyu, te dena Genuai Bidi te Godiba sela asali ofa dabe ulabo sia sigi pomainu yaibao.”