Tuni Bidi Dabego Po Elalubo Buku Si 1:3 - Godigo dwagi yai po buku

³ Tama nosali augwali sese tama aga dali te lotu wabo pesage te hanu Gibeonba pali. Magi baso meni. Godigo ugwa be te hanude elalubaso. Te haus sel te polobadu Moses, te Genuai Bidi aga sę bidigo, sę yani te sel ugwa be dao, te nai meni yai wa pai bulude sę yani sel ugwa be.

Tuni Bidi Dabego Po Elalubo Buku Si 1:3 Referans Kwoze

Tuni Bidi Dabego Po Elalubo Buku Deli 21:29

Te sogo, te Genuai Bidigo sel ugwa be me te agaba ofa ebo alta dabe, te lotu wabo pesage mu te Gibeon taunde elaluali. Polobadu Mosesgo te sel ugwa be sę yani te Israel dabe augwali te tǫ wa pai bulude bidali sogo te tobage be sę yai dao.

Tuni Bidi Dabego Po Elalubo Buku Deli 16:39

Tama Devitgo te pris Sadok aga ama dali dąį ilali, te gasa pris dabe, te Gibeon taunde elalubo sel ugwa bede lotu wabo sę tonalumainu yalio.

Bomai Po 34:5

Tama tialima, Moses, te Genuai Bidigo sę ebo bidi, aga te Moap dabego tǫ dagede tede bidama, tama aga tede isali, te Genuai Bidigo agabolo te hasia polo walali gilama tama tiali.

Pris Sę Ebo Bomai Po 1:1

Genuai Bidi aga Ugwa Be tomode bididu, te Moses asao olama i walima, te agabolo te po wai,

Ma Dobola Sali 40:34

Tama te ugwa be sę silibo si, teda Genuai Bidigo pǫgo te ugwa be mesega sagaselama, tama aga genuai bomo yai ulago te be pągąna sai dao.

Ma Dobola Sali 40:2

“Odao, te hasia nanobo polua, te dei deli wabode, te dagego eno ugwa be sę yao.

Ma Dobola Sali 36:8

Te tigidali sę bidigo te sę ebo mu koneama, tama augwaligo te Godigo ugwa be sę yai. Augwaligo te ugwa be sę yani, te genuai ugwa name nogo sigo sę yai. Augwaligo te gasa wiegi yai ugwa selama, tama augwaligo te mama yai, me sisi yai hobigo te name ugwa au ilai, te hobi te augwaligo sipsip nisigo nigai. Tama te sę mu koneai bidi augwaligo te mobo bidi ensel noma te tigidali ugwade hobobolo pai dao.

Te Israel me Juda Hani Sigo Tuni Bidigo Po Elalubo Buku Deli 8:4

Tama te meba pris me Livai dabe daligo te Genuai Bidigo ugwa lotu be, me te Godigo nai da weyu sa muani te ugwa bede muani doado bage me selama, tama te Genuai Bidigo tempel be pąba selasa pali.

Tuni Bidi Dabego Po Elalubo Buku Si 1:13

Tama tialima Solomon aga Gibeonde te Godigo sel ugwa be te lotu wabo pesage taga pelama, tama aga Jerusalemba ma pali. Tama aga king Jerusalemde bidiyu, te Israel dabe tonaluali.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,