Tuni Bidi Dabego Po Elalubo Buku Si 1:10 - Godigo dwagi yai po buku

¹⁰ Tama eno homugo nago enabolo wiegi yai hobolu du dali, wiegi yai kolesaga dali momainao homu ebao. Te tama tilama da, eno te we bidi bugagia tonaluabo usu yaibao. Tialima meni eyu da, teda nago te genuai we bidi hani tonaluabo bidi meni yaibao. Eno deligo eno usu munu me egobeo,” Solomongo te po wai.

Tuni Bidi Dabego Po Elalubo Buku Si 1:10 Referans Kwoze

Te Israel me Juda Hani Sigo Tuni Bidigo Po Elalubo Buku Deli 3:9

Tama tibaso, eno homugo nago enabolo te konebo wiegi yai homu kolesaga mao, te tama eno nago te we bidi bugagia tonalumainogo tiao, tama te mena kolesaga te wiegi yai ebo, ma te mena dwai kolesaga ebo me, te eno bugagia dagalamainu te tama tiao. Te meni ebaso da, teda te mena bidi me deligo nago te genuai we bidi hani dabe tonalubaso, te usu egobeo. Ena digi eno te usu mu me egobeo,” wali.

Bugagia Bidibo Kolesagade Po Asęai Buku 4:7

Te polasa nago sabo nai, te wiegi yai homu ebo kolesaga. Mu tama, te nago gasa nai hauwa sainu ebadi, tiali goli wiegi yai homu kolesaga da, te polalubo hasia nai mu dao.

2 Samuel 5:2

Polobadu, Sol te king bidali sogo, tialima naga digi te da Israel ami bidi dabe tonalu, tama augwali te hwįbo madiba odasa peyu yai. Tama Genuai Bidigo nageba weyu, te aga we bidi dabe da tonalubo bidi nage pedelama, tama nage dago king pedelaiba po wai dao,” augwaligo te po wai.

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.

2 Korin 3:5

Mu tama, dena digi te sę ebo usu egobeo, tama tiyu dena digi dago te magi sę me deli yaibao po me wagobeo. Menio. God deligo naga te dago sę emainogo ebo usu ilibo dao.

Godigo Nogi Ugwaba Sabo Tęąbi Po Wabo Buku Dabe 119:73

Nago digi nago ena nigali, tama nago ena bugagia tonalubao. Nago wiegi yai homu kolesaga enaba mao, te eno nago bomo yai po tigidali bugagia konea sabo sę emainogo yao.

Godigo Nogi Ugwaba Sabo Tęąbi Po Wabo Buku Dabe 119:34

Nago te dwagi yai po enabolo hania bugagia ola mayu da, te eno wali paibao. Eno homugo ena hodolobaso da, te eno te dwagi yai po tigidali wali paibao.

Israel Hanigo Namba 27:17

Te augwali bugagia bidimainogo tau siyu, me wąbi hwįbode augwali bugagia tonaluyu yabo. Tama naga hani te sipsip kibu aga tolalubo bidi meni yai tiwai bidigobeo,” Mosesgo te po wali.

Bomai Po 31:2

“Ena 120 kibu be me bidibao, tama ena dagego polalubo bidi me bidigobeo. Tama me ma, Genuai Bidigo enabolo te po wai dao, ‘Nage te Jordan wę nogegobeo,’ wai dao.

2 Korin 2:16

Te bidi dolabo tų tomode bidibo hanigo te odobo denami te isabo denami odobo dao, tama augwali te isabo madi pedalaibao. Tama te Godigo augwali ma sabo tų tomode bidibo hanigo te odobo denami te bidibo ula sabo denami odobo dao, tama agai te bidibo ula augwaliba pedalomainogo yaibao. Te sęde Godigo da tau sisąyu tama dago te sę ebo usu egowe? Mu menio. Tialima aga da tau mu sabo dao.

Tuni Bidi Dabego Po Elalubo Buku Deli 22:12

Te eno homugo Genuai Bidigo te wiegi yai homu konebo homu kolesaga nagebolo menama, tama nago te dago Genuai Bidi te Godigo bomai po tigidali wali paibao, te agai nage te Israel king pedalumainu ilibo sogo te tama tiaibao.

Bugagia Bidibo Kolesagade Po Asęai Buku 8:15

Eno te king dabe me, te tobolu bidigo me te bulu tǫ pedai kantri bugagia tonalumainu tau siyu, tama te wiegi yai bomai po me munama, te bulu tǫ pedai kantrigo te doloba pai kolesaga wali pomainu tau sabo dao.