1 Samuel 9:25 - Godigo dwagi yai po buku

²⁵ Tama nosali augwali te ofa yali bulu tagalama, tama te taunba dulai. Tama Samuelgo te Sol te aga be peduba odasa holama, tama Sol dali po miani. Tama hulide Sol te Samuel dali te bulude piali.

1 Samuel 9:25 Referans Kwoze

Godigo Sęba Tagala Palai Bidigo Po 10:9

Te do te bidi sela augwali pelama, te Jopa be nani pąba sabaligi pobadi, te giligade Pita te be pedu sai yai madigi teba holama, bidali, te Godibolo po wainu yali.

Bomai Po 22:8

“Te dagego gesi be me sę ebo sogo, dagego te be nigilama, te sawale yai pedu sesegede dagego dwasianu obo yao, te bidi me tula muidali weyu. Tama tiyu da, te obo elaluali goli, te bidi me tulaluyu, isilibaso da, teda dagego sęgę sogobeo, te page aga digi dao,” Mosesgo te po wali.

Nehemia 8:16

Tialima, te we bidi pelama, te ni nologo sigi pelama, tama sela aselama, te osogo bidabo be dabe sę yani. Mebago te augwa be ugwadu daide digi sę yani, tama mebago te augwa be obo tomode sę yani, te augwa be mesalode, tama mebago te Godigo tempel be obo banis bagulali madi sę yai, tama mebago te Wę Sabo Madi Sunumi pąde te bidi sisinibo madi pąde sę yani, tama te Efraim Sunumi pąde elalubo sisinibo madi sę yani.

2 Samuel 11:2

Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.

Matyu 10:27

Tama te hulide eno dagebolo ola mabo po, te po dagego te giligade we bidibolo pusao. Tama dagego te olode duadigi odali po, te dagego te be daiba holama, te po augwalibolo pusao.

Matyu 24:17

Tama te be daide ugwadu bidibo bidi te aga be aiya dulama, te doado bage me sigilugobeo, aga wi naga pao.

Dwagi Yai Gesi Po Lukgo Asęani 5:19

Tiali goli, te we bidi hauwa mu te be tomode pągąna sai elaluali. Augwaligo sunumi gegali. Meni baso, be peduba te togobilidu holali. Te be asege be dao. Te be pedu haluali nai dagala munama, tama augwaligo te bidi aga te ni gologobe wa dali te we bidi bidibo tomoba, te Jisas bidibo digi gesabidi badu aiyaba tagalaluama mugulalio.

1 Samuel 9:26

Te kigamu mu Samuel hogodama, tama Sol i olama, te po wai, “Nage hodaluao. Eno te nage naga buluba tagala palaibao.” Tialima, Sol hodaluama, tama aga Samuel dali te be taga solama, tama sunumiba pali, te Sol aga sę ebo bidi augwali si dali pali.