1 Samuel 9:23 - Godigo dwagi yai po buku

²³ Tialima, Samuelgo te nai ulubo bidibolo te tiwai po wali, “Te eno nagebolo mayu te muao po wai kibu sipsip mi, te megi da, nago sesao,” wali.

1 Samuel 9:23 Referans Kwoze

1 Samuel 1:5

Elkanago te Hana godolo mu yali, tiali goli Elkanago te ofa ebo mi agabolo te genuai pedai me mabeo. Menio. Agai te mi pedai deli naga mani. Magi baso meni, Godigo te Hanago haliga paliama, tama aga wai me ame nabeo.

Tigidali Nai Gagalama Nigali Side 43:34

Tama te Josepgo sę ebo bidi dabego te Josepgo tebol saide nai selama, te ama dedebolo dobalama, tuali. Tama te ama dedego nai togolama, dobayali, te tuabo usu naga mani. Tiali goli, te Benjamingo nai te augwaligo genuai mu togwali, te a naga bidigo tuabo nai usu. Tialima, augwali te nai me, wę me te Josep dali hodobo tuyu, tama augwali homu pemene wiegi yai mu yali.

1 Samuel 9:22

Solgo po ola silibo si, teda Samuelgo aga te aga sę bidi dali selama, te genuai tebol sai elalubo be habu tomoba pali. Samuelgo te bidi sese deli olama, nogo si bidi i wali, te bidi dabe augwali te nai tuabo madi dualama elaluali. Tialima, Samuelgo Sol me, aga sę bidi dali, augwali sibolo te po weyu, te polalubo sai te tebol elalubo pesage badu duagi pao wali.

1 Samuel 9:24

Tialima, te nai ulubo bidigo te kibu sipsip sągą me deli te mi dwagi yai mu elalubadi, tama te tebol daiba te Sol pąba muani. Tama Samuelgo Solbolo te tama po wai, “Te kibu mi sao, te dago nage nai muai elaluali, tama nage te tuao. Eno nage tonaluali te megiba usu nani, tama tibaso, eno te i wali bidi dabe dali nago te nai tuiąo,” wali. Tama tialima, Solgo Samuel dali te sogo nai tuali.