1 Samuel 9:20 - Godigo dwagi yai po buku

²⁰ Eno koneani, te dagego donki dabe te hagawali polobadu sela sogo bidali, tiali goli, nago augwalide homu hauwa me dogia pelamuo. Te bidi mebago augwali gegela suali. Tiali goli, odao, te Israel we bidi dabego niwai bidi godolo mu ebo dawe? Augwaligo nage dali, te nago ayago hani sibi dali godolo ebao, te tama dao,” Samuelgo te po wali.

1 Samuel 9:20 Referans Kwoze

1 Samuel 8:5

Augwali teba sabolama, tama augwaligo Samuelbolo te tiwai po wai, “Odao. Nage monu dabe yai, tama nago ogwa sigo te nago yali wiegi yai kolesaga tiwai me wali pabeo. Tama teyu, dago homugo te nago bidi me deli nogo tų ilama, te da tonaluabo king bidi pedalumainu yaibao. Tama tiyu da, te da te gasa tǫ pedai bidi dabe tiwai pedalumainu homu ebao,” augwaligo te po wai.

1 Samuel 12:13

Tialima, te e dao duga sa muani king bidi. Dagego te Genuai Bidiba te naide hanalu wali, tama Genuai Bidigo aga te dageba mani dao.

1 Samuel 9:3

Tialima, me sogo deli te bidi Kisgo donki kibu meba te tedela pelama, tama hagawai. Tama tibaso, Kisgo te tiwai po Solbolo wai, “Sol, nago te sę bidi me deli selama, dage sigo te donki dabe gegegi pao,” wali.

Kolosi 3:2

Sesemane sogo dagego te Godigo bidibo digide elalubo naide homu dąų wao. Dagego tǫde naiba duga homu mugio.

Godigo Nogi Ugwaba Sabo Tęąbi Po Wabo Buku Dabe 62:10

Tama tibaso, dagego te tama homu igimio, “Te hwįbo kolesaga me, te nai dabe wi sabo kolesaga me, te wiegi yai kolesaga da weyu, tama da te mone bidi pedalubaso, te usu yaiba,” homu me igio. Ma, te dagego mone me doado bage te hauwa pedalubaso da, teda dagego te nai dabeba naga duga homu mugio. Te usu egobeo.

Tuni Bidi Dabego Po Elalubo Buku Deli 29:3

Eno te sisinani nai dabe daide ugwadu, eno te ena gol dabe me silva digi mawai. Magi baso meni, eno te ena Godigo tempel bede dwagi yai homu godolo genuai ebaso eno te tama sę yalio.

1 Samuel 12:15

Tiali goli, te dagego Genuai Bidigo po odobo hagela ebo homu elama, tama dagego hagoma eyu, tama agai bomai po bolobaso da, teda te Genuai Bidigo tigi dene ilabo sę dageba yaibao, te agai duga wąį nǫų dabeba yali sę tiwai dageba yaibao,” wali.

1 Samuel 8:19

Tiali goli, te bidi dabego te Samuelgo wabo po odisiąma, tama augwaligo agabolo te tama po wai, “Tagalao, dago homugo te nago king me deli nigilao,” wali.

1 Samuel 4:20

Te pąde aga isainu, te aga tau sabo we dabego agabolo te tiwai po wali, “Nage wi me igio. Odao, nago ogwa ame nai dao,” wali. Tiali goli, wai aga idago te po odisiąma, tama te wego wali po wei ponobeo.

1 Samuel 9:19

Tama Samuelgo te po wei ponai, “Te bidi ena dao. Dage si ena pabodu te lotu wabo pesageba polasa piduao, tama dage si megi sogode ena dali nai tuiagameo. Tama do kigamu te nago koneabo sę po tigidali nagebolo olama, tama eno nage tagala palaibao.

1 Samuel 10:16

Tama Solgo te tiwai po wai, “Agai da sibolo te tiwai po wali, te bidi mebago te donki dabe gegela sualio, wai.” Tiali goli, Solgo te aga aya sabi bidibolo te Samuelgo aga te king pedelaibao wali po te aga aya sabi bidibolo wabeo.