1 Samuel 9:1 - Godigo dwagi yai po buku

¹ Bidi me deli bidai, te bidi nogi Kis, te Benjamin hani bidi. Kis te Abielgo ogwa, tama Abiel te Serorgo ogwa, tama Seror te Bekoratgo owga, aga te Afiago ogwa dao. Kisgo doado bage hauwa elaluali, tama te gasa bidi dabe tomode te aga nogi elalubo bidi bidai.

1 Samuel 9:1 Referans Kwoze

1 Samuel 14:51

Te Sol aga aya Kis, tama Kis me Ner, augwali si te Abielgo ogwa si dao.

Godigo Sęba Tagala Palai Bidigo Po 13:21

Tama te sogo augwaligo Godibolo hanalu wali, ‘Da gegasa pabo bidi, moni genuai gavman bidi dabolo mao,’ wali. Tama God agai te bidi Kis aga ogwa Sol te sa muani. Te bidi agai hani nogi Benjamin. Agai augwaligo moni genuai gavman bidi nigilama, tama bidali. Te sę eyu bidibadi, kibu be te 40 yia silali.

1 Samuel 25:2

Te Maon taun bidi me deli, te aga nogi Nabal bidali. Aga te Kalep hani bidi. Tama agai tǫ pedai me deli te Karmel taun elaluali. Aga te mone hauwa elalubo bidi mu, tama agai sipsip te 3,000 elaluai, me 1,000 meme dali elaluali. Aga we, te Abigel, aga te wiegi yai sawi yai we mu, tama aga wiegi yai homu kolesaga hauwa koneai elaluali. Tiali goli, Nabal te wado po wabo bidi, tama aga kolesaga te wiegi yai elalusiąwai. Te sogo Nabal te Karmel taunde bidiyu, tama augwaligo te agai sipsip nisi dabe togobo sę iduai.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

2 Samuel 19:32

Barsilaigo kibu be te bidi sese me si me si, te 80 kibu be bidai elaluai, tama aga monu dabe mu yai. Agai te mone doado bage hauwa elaluai, tama agai te king Devit tonalu, tama te Devit dali, aga hani dabe dali, augwali te hanu Mahanaimde bidali sogo nai geseyu bidai dao.

1 Samuel 10:23

Augwa te po odama, tama augwa udulama, tama Sol sela asai. Tama aga te we bidi dali dolaluali sogo, augwaligo aga suali, te dili bobage ugwanu gudai bidi, tama gasa bidi dabe te pęwadage elama, tama aga tiwai usu me ebeo.

Esta 2:5

Te gavmango moni hanu Susade te Juda bidi me deli bidai, te aga nogi Mordekai. Te aga Jairgo ogwa dao, tama Kis de Simei dali sigo hani, te Benjamin genuai hani dao.