1 Samuel 8:8 - Godigo dwagi yai po buku

⁸ Bugagia odao. Te eno augwali te Isipde selama, odasa asali, te megiba usu nagasu, te augwaligo ena tudiba munama, tama te tibo god dabeba lotu wai. Tama megi me, te augwaligo nage tudiba mubao.

1 Samuel 8:8 Referans Kwoze

Ma Dobola Sali 32:1

Te Moses te Sainai bulu duba holama, tama bobage sogo bidali, tama aga gesege mu yali, tama aga polo me asobeo. Tama te we bidi augwali te Aron pageba sisinigi pelama, agabolo te po wai, “Te magi nai te bidi Mosesba pedelali, te dago konebeo, te bidigo da te Isipde selama, tama da odasa eba asai. Tama nago god me deli nigilama, tama pabodu polasa peyu, tama da tųdu odasa pomainogo yaibao.” Augwaligo te po wai.

Te Israel Tobolu Bidi Dabe 13:1

Te Israel dabego dwai sę te Genuai Bidi gedude ma yali, tama agai augwali te Filistia dabego tolalumainu ilama, tama augwali te hanigo tonalubadi, te kibu be bidi sese si te 40 bidalio.

Te Israel Tobolu Bidi Dabe 6:1

Te Israel dabego Genuai Bidigo gedude dwai sę ma yai. Tama agai augwali te Midian dabego aiyaba elalumainu ilama, tama augwali te Midian dabego tonalubadi te kibu be nogo a naga olama, me badu nogo si kibu be bidai.

Te Israel Tobolu Bidi Dabe 4:1

Ehut isai madi tama Israel dabego te Genuai Bidi Godigo gedude dwai sę ma ilali.

Te Israel Tobolu Bidi Dabe 2:20

Tama tibaso, Genuai Bidigo te dwai sębę mu te Israel dabe dali eyu, tama wado yali, tama agai te po wali, “Te we bidi augwaligo te augwa wąį dabebolo wali pao wali te dau wali po bolali. Te augwaligo eno po wali me pisąbaso,

Bomai Po 9:24

Te ena dage dali sę gagalama, dage dali megi bida bida asoboba tama, dagego God dali tobolu gagea pabo dao,” wali.

Israel Hanigo Namba 16:41

Te sogo bidama me sogo bubugade, tigidali we bidigo Moses de Aron si dali wado po wali. Augwaligo e tama po wali, “Dage sigo Genuai Bidigo we bidi meba elalio.”

Ma Dobola Sali 17:2

Tama tibaso, te we bidi augwaligo wado po Moses dali wai. Tama augwaligo te po wai, “Da wę mao. Da tuaibao.” Tama Mosesgo augwaligo po wei ponoyu, te po wai, “Magi baso dagego wado po ena dali obawe? Dagego homugo aga usu siyu, Genuai Bidigo bomo dagebolo ma ola momainogo ebawe?”

Ma Dobola Sali 16:3

Augwaligo te bidi si dali te po wai, “Dago homugo Genuai Bidigo da Isipde eligi sogo da, usu igi dao. Polobadu da Isipde bidibadi, mena tiwai nai dabe, me hasa mi me, te dago homugo digi sai dao. Tiali goli, dage sigo da e nai meni yai wa pai buluba odasa asai, tama dage sigo homugo da nai sili bidilama, tama da tigidali isimainogo homu yai. Tama da Isipde bidibadi isigi sogo da, te wiegi yai mu igi dao,” wali.

1 Samuel 8:7

Tama Genuai Bidigo agabolo te tiwai po wai, “Te we bidi dabego te tigidali sęde wali po odao,” wai. “Te nago homugo te augwaligo nage hagela homu ebaso, te nage sela sąyabo homu eyu me wabeo. Menio. Augwaligo homugo te ena augwa king bidi bidibo te hagela homu ebaso, tama teyu, augwaligo ena sela sąbao.

1 Samuel 8:9

Tama teyu, eno homugo te nago augwaligo po wali pelama, tama augwa king bidi nigilao. Tiali goli, hasia bolo te nago te po augwaliba pusao, te kingo tigidali kolesaga augwaliba yabo po. Tama nago bomai po augwaliba mayu, te augwaligo hanalu wali sęde te homu bugagia kone palomainu yao,” wali.

Jeremaia 34:14

‘Te a naga olama, me badu si te kibu be tigidalide, dagego te duga abagi dabe te olo sę ebo bidi me we dabe te tagala palama, te augwa olo pomainao. Te abagi dabe dagego olo sę ebo bidi, me olo sę ebo we dabe, te dagede olo sę ebaso da, teda augwaligo dagego sę ebo te kibu be a naga me badu delide naga sę emainao, tama nosali dagego augwali olo tagala palao.’ Te dagego wąį dabego te po koneani, tiali goli, augwaligo eno po odama, te augwaligo wali pabeo,” wali.

Esekiel 2:3

“Tǫde bidio, megi eno nage te Israel dabe augwaliba tagala palaibao, te augwali eno po sela sąyu, hagoma eyu, te ena tudiba mubo we bidi dabe da. Augwali te augwa wąį nǫų dabego hagoma ebo tiwai yai bidi dabe dao.

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.