1 Samuel 8:7 - Godigo dwagi yai po buku

⁷ Tama Genuai Bidigo agabolo te tiwai po wai, “Te we bidi dabego te tigidali sęde wali po odao,” wai. “Te nago homugo te augwaligo nage hagela homu ebaso, te nage sela sąyabo homu eyu me wabeo. Menio. Augwaligo homugo te ena augwa king bidi bidibo te hagela homu ebaso, tama teyu, augwaligo ena sela sąbao.

1 Samuel 8:7 Referans Kwoze

1 Samuel 10:19

Godigo dage ma dobola sali, te dwai sę ebo me sęgę te dageba pedalubaso sali. Tiali goli, megi dagego aga tudiba togoliyu, tama dagego te po obao, te Godigo dage tonalubo te dagego hagela ebo homu yai. Dagego homugo te eno dagebolo te king bidi me deli momainu yali. Tialima, megi da, te dage pelama, te duga hani sibi dali te Genuai Bidigo geduba dolalugi piąo,” wali.

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

Ma Dobola Sali 16:8

Tama Mosesgo po ma wai, “Genuai Bidi aga digi dage te nai mi pio mabode te dagego tuagameo. Tama agai te nai bret kigamu te dagego homugo somainogo mawaibao. Magi basowe, dagego po hauwa aga dali wabo odai. Tiali goli, da si te olo nai tiwai dao. Dagego wado po te Genuai Bidi dali naga obao.”

Dwagi Yai Gesi Po Lukgo Asęani 19:14

Tama te po olama, tama te digibulu gasa buluba pabo gagalali. Tiali goli, te genuai bidi dologode bidaibao wabo bagego bidi me badu tagala palu, te po wai, ‘Dagego te gavman genuai polalubo bidibolo te po wao, “E bidi dago buludu asai bidi, da tonalubo bidi nigibo hagelabo” wao,’ te po wali.”

Matyu 10:40

“Bidigo dagego eno sę ebo sulama, tama wiegi yai kolesaga dagebolo ebaso da, teda agai te tiwai kolesaga dagebolo naga ebo meni, te ena dali me ebao. Tama bidigo wiegi yai kolesaga ena dali ebo bidi, agai te God dali me te wiegi yai kolesaga ebao, te agai ena tagala palobaso ena asai dao.

Dwagi Yai Gesi Po Jongo Asęani 13:16

Tama te sę page ola mayu, eno dagebolo mu po obao, sę ebo bidi agai aga genuai bidigo nogi aiyaba elalugobeo. Tama te po sela pabo bidigo aga tagala palali bidigo nogi aiyaba elalugobeo.

Aisaia 66:4

Te pagede tama te augwaligo tolabo sęgę eno sa muani, augwa te wi mu ebo sęgę dao. Magi baso meni, eno augwaliba i obadi, te eno i wabo augwaligo wei ponobeo. Te eno po me augwaliba pusubadi, tiali goli augwa wali me pabeo. Menio. Augwa eno po sela sąyu, te eno gedude dwai kolesaga naga yali, te eno godolo homu isąbo kolesaga dabe mu dao.”

Israel Hanigo Namba 22:20

Tialima, te sogo hulide God Balam pageba aselama, te po agabolo wagasali, “Te bidi dabe aselama, nage augwali dali pinao olama, hanalu wagasali dao. Tiali megi da, nage augwali dali pagameo. Tiali goli, nago tigidali sę eno nagebolo wabo te sę naga yagameo. Nago gasa sę dabe me naga homugo me elamuo,” wali.

Te Israel Tobolu Bidi Dabe 8:23

Tiali goli, Gideongo te po wali, “Ena te dagego tobolu bidi me bidigobeo. Tama eno wai dabe me te dagego tobolu bidi me bidigobeo. Genuai Bidi naga te dagego tobolu bidi bidaibao,” wali.

1 Samuel 8:8

Bugagia odao. Te eno augwali te Isipde selama, odasa asali, te megiba usu nagasu, te augwaligo ena tudiba munama, tama te tibo god dabeba lotu wai. Tama megi me, te augwaligo nage tudiba mubao.

1 Samuel 8:22

Tama Genuai Bidigo Samuelbolo te tiwai po wai, “Tialima, nago augwa po wali pelama, tama augwa king bidi me deli nigilao.” Genuai Bidigo po ola silibo si, tama Samuel pelama, te Israel bidi dabebolo te tiwai po wai, “Dage tigidali te duga buluba ma geasa pelama, tama nosali te eno dage i ma waibao,” wai.

1 Samuel 12:1

Nosali Samuelgo Israel dabebolo te tiwai po wai, “Dagego odiąo. Eno te dagego enabolo hanalu wali sę tigidali yali, tama eno dageba te dage tonaluabo king bidi me deli mawai.

1 Samuel 12:12

“Tama te tigidali sogo God, dena Genuai Bidi naga, te dena king bidi bidai. Tiali goli, nosali dagego suali, te Nahas, te Amon dabego kingo, te dage dali boi hwįagasainu yali. Tama tibaso, te God dagego king bidi bidibo te dagego homugo hagela yali. Tama dagego enabolo po wagasu, te tiwai po wali, ‘Tagalao. Dago homugo te nago king bidi me deli nigilao,’ wai.

Jeremaia 34:14

‘Te a naga olama, me badu si te kibu be tigidalide, dagego te duga abagi dabe te olo sę ebo bidi me we dabe te tagala palama, te augwa olo pomainao. Te abagi dabe dagego olo sę ebo bidi, me olo sę ebo we dabe, te dagede olo sę ebaso da, teda augwaligo dagego sę ebo te kibu be a naga me badu delide naga sę emainao, tama nosali dagego augwali olo tagala palao.’ Te dagego wąį dabego te po koneani, tiali goli, augwaligo eno po odama, te augwaligo wali pabeo,” wali.

Esekiel 2:3

“Tǫde bidio, megi eno nage te Israel dabe augwaliba tagala palaibao, te augwali eno po sela sąyu, hagoma eyu, te ena tudiba mubo we bidi dabe da. Augwali te augwa wąį nǫų dabego hagoma ebo tiwai yai bidi dabe dao.

Esekiel 3:7

Tiali digi, te Israel dabego da, me tegobeo. Te augwali me deligo nago po wali me pogobeo. Augwaligo te eno wabo po digi me odisąwaibao, te magi elama augwaligo nago po odaibawe? Magi baso meni, augwaligo tobolu te masigi dila pai tiwai elalu, te tigidaligo po naga sela sąbo bidi dao.