1 Samuel 7:17 - Godigo dwagi yai po buku

¹⁷ Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

1 Samuel 7:17 Referans Kwoze

1 Samuel 1:19

Tialima, Elkana aga we wai puluba dali te Silo bulude tede hulide pilama, tama kigamu mu augwali hogodama, tama Genuai Bidiba lotu po wali. Augwa te lotu po ola silama, tialima te augwali te augwa bulu te Rama teba ma pai. Nosali Genuai Bidigo te Hanago gedu haluasa po wali te homu kone palama, tama te Hanago hanalu wali po tiwai gilama te wali palio.

1 Samuel 8:4

Tama tibaso, te Israel polalubo tobolu bidi dabe deliba sisinama, tama pelama, Samuel te Rama hanude bidibo sugi pali.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.

1 Samuel 11:15

Tama teyu, tigidali te Gilgal hanu taunba pelama, tama te Genuai Bidigo gedude augwaligo te tiwai po wai, “Sol aga te dago king dao.” Tama augwa te God dali deli haliga yabo ofa yali. Tama Sol dali, te tigidali Israel dabe daligo te yali sęde wiegi yai homu pemene mu yai dao.

Tigidali Nai Gagalama Nigali Side 35:7

Tama agai te alta sai me deli nigilama, tama te bulu nogi poali, te Betel God da wali, magi baso meni, God aga digi aga te Jekopbolo waselai, te aga amade wi elama soali, te sogo aga ola mani.

Tigidali Nai Gagalama Nigali Side 33:20

Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.

1 Samuel 2:11

Hanago te tama gedu haluasa po olama, tama aga ma pali. Tiali goli, te gesi ogwa bidi Samuel te Silo bulude bidama, tama te Genuai Bidigo sę yali, tama te pris Eligo aga tonalubadi te sę yai.

1 Samuel 9:12

Tialima, te we dabego augwali sigo po wei ponoyu, te po wai, “Geme dulai po haninibo bidi te ede bidibao. Megi tama aga te taunba pali, magi baso meni, te bidi dabego te dwasianu bulu dude ofa yainu ebaso pali. Aga te dage si pabodu polasa pali, tama dage si asesa polo piąo.

1 Samuel 14:35

Tama Solgo te masigi te Genuai Bidigo alta tiwai ilama dąį ilali, te hasia sogo naga agai te alta nigibo sę yai.

1 Samuel 15:34

Tama nosali Samuel te Ramaba ma geasa peyu, tama te king Sol aga be te Gibeaba palio.

1 Samuel 28:3

Polobadu te Samuel isibaso, tama tigidali Israel te agade gela olama, tama augwaligo aga te Ramade pubulali, te aga taunde digi. Tama te sogo Solgo te tigidali bidi me we te isali bidi dabe noma bidi dali po mibo we bidi augwali ela gudulali. Tama agai te bidi dabe te Israelde bidimainu me ebeo.

Aisaia 10:29

Augwali aiya dulama, wę odogo nogegi pali. Tama augwali ugwaba holama, hanu Gebaba pigi pali. Te Rama hanu we bidi wi genuai mu eyu, midigi sali. Tama te hanu Gibea, te tuni bidi Solgo hanu, augwali hanu tagalama, wi pepelawali.

Te Israel Tobolu Bidi Dabe 4:5

Aga te ni me deli te ni pam dologode dulalu bidibadi, tama te Israel dabe agaba aselama, tama agai augwaligo po tų dodolomainu eyu, augwaligo agai po odagasiyu yali. Te ni te bulu Rama me Betel te Efraimgo bulu du tomode elaluali.

Te Israel Tobolu Bidi Dabe 6:24

Tama tibaso, Gideongo Genuai Bidigo alta me deli te bulude nigilama, tama agai te alta nogi weyu, “Te Genuai Bidi aga te homu nagame dua ebo bidi da,” wali. Te nigali alta te Abiesergo hani bagego tǫ pedai badu e po asębo sogode me elalubao, augwaligo te bulu nogi Ofra wai dao.