1 Samuel 7:16 - Godigo dwagi yai po buku

¹⁶ Te tigidali kibu bede aga te Betelba, me Gilgalba, me Mispa, te bulu selaba pelama, tama te Israel dabego po tų ebo po odolama, tama augwaligo sęgę elalubo dodoliyu yai dao.

1 Samuel 7:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 75:2

Godigo te tama po wali, “Eno te po tų yabo sogo bodolu me deli te dąį ilai elalubao. Tama eno po tų te dolo mu paibao. Te me kone tua pogobeo.

Te Israel Tobolu Bidi Dabe 12:14

Agai ogwa dabe te bidi sese si te 40 elaluali, tama te ogwago wai dabe te 30 elaluai. Tama augwali te donki dabe te 70 donkide dualasa bilali. Apdon te Israel dabego tobolu bidi bidibadi, te kibu be 8 bidai dao.

Te Israel Tobolu Bidi Dabe 10:4

Te agai ogwa dabe te 30 ogwa dabe elaluali, tama augwali te kibu donki te 30 donkide dualama bilali. Te augwaligo hanu 30 te Gileat tǫde elaluali. Tama te hanu dabe augwaligo nogi eyu, te Jairgo Ugwa Be Hanu da wali, te nogi elalua asali te megi e sogoba usu nagasali elalubao.

Te Israel Tobolu Bidi Dabe 5:10

“Dage te tedela yai donki te sadelde duabo genuai bidi dabe, tama dage te sągągo bilibo olo bidi dabe, dagego te nai po page pusao.

Tigidali Nai Gagalama Nigali Side 28:19

Agai te bulu nogi te Betel nogi poai. Polobadu te bidi dabego te bulu pąde elalubo hanu nogi Lus nogi yai.

Tigidali Nai Gagalama Nigali Side 35:6

Tama Jekop aga hani dali augwali tigidali te bulu Lusba pali, te bulu gasa nogi me Betel wabo, te Kenan tǫ pedai badu elalubo buluba tama pali.

Josua 5:9

Nosali Genuai Bidigo Josuabolo te po wai, “Polobadu dage te Isip tǫde olo sę eyu bidai, tama dage hale mu yai. Tiali goli, megi eno dage te hale yali sę te dagala sąbao,” wai. Tama tibaso, te e sogo megi bubugade augwaligo te bulu nogi Gilgal wali, te page e dao, “Dagala sąwai.”

Josua 5:10

Te Israel dabe augwali te bulu nogi Gilgal te doloba pai tǫ Jerikode bidaluyu, tama te namba wan polua, dei te 14de, tede augwaligo te hulide te Pasova nai tuai dao.

1 Samuel 7:5

Nosali Samuelgo te Israel dabeba po ola tolu, te tiwai po wai, “Dage te hanu Mispa teba sisinagasao, tama eno Genuai Bidiba gedu haluasa po olama, dage tau somainu yaibao,” wali.

1 Samuel 11:14

Solgo po ola silibo si, tialima Samuelgo te we bidi dabebolo te po wai, “Da te taun Gilgalba pelama, tama po hanilama weyu, te Sol dena king bidi bidibao po waibao,” wali.

Amos 5:5

Dage te gasa tǫ kantri taun Berseba iba pelama, lotu me wagi pelamuo. Dagego ena te Betelde gegebo sę me elamuo, magi baso meni, te taun da mu dolaibao. Dage te u taun Gilgalba pelama, lotu me olamuo, magi baso meni, te Gilgal we bidi augwali gudulama, te gasa buluba kalabus paibao,” wali.

Josua 18:26

Mispa, Kefira, Mosa,

1 Samuel 10:17

Nosali Samuelgo te tigidali Israel dabe te Mispa buluba te Genuai Bidi geduba sisinagasomainu i wai dao.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.