1 Samuel 7:12 - Godigo dwagi yai po buku

¹² Tama nosali Samuelgo te genuai masigi me deli selama, tama te masigi te bulu Mispa de Sen, te bulu si tomode ugwaba dodolama, muani. Tama Samuelgo te tiwai po wai, “Te masigigo te Genuai Bidigo da tau sesa asali usu nagasobo dąį ilibo masigi dao.” Tama agai te masigi nogi poliyu, te tiwai wai, Te Tau Sali Masigi dao.

1 Samuel 7:12 Referans Kwoze

2 Korin 1:10

Te Esia tǫde dwai nai mugo da ela muainogo yali, tiali goli Godigo tede da ma dobola sai. Tama megi me te agai da ma sidu gebo dao. Tama tibaso, dago dena homu te tobage sę ebo God agaba dąų weyu, tama dago homu e tiwai ebo dao, sesemane sogo te dwai naigo da dolainogo ebadi, te agai da ma selama, tama da bugagia bidaibao.

Josua 4:9

Tama Josuago te gasa masigi dabe te nogo si olama, sągą badu si masigi te pris dabego te dąų wali po muani halobage tolaluyu dolaluali madi, te Jordan ąį tomode te sesege badu te masigi dabe dodolai. Tama te masigi dabe me elalubo dao.

Godigo Sęba Tagala Palai Bidigo Po 26:22

Tiali goli, Godigo tigidali sogo agai ena tau sesa aselama, te megi eba sabolalio. Tialima, megi eno e po tųde mu po tigidali we bidi me, te tobolu bidi me, te olo bidibolo me, obao. Te Godigo pedauwalide po selama pusali bidigo asęani po me, te Mosesgo pusali po me, te eno megi e pusubo po me te deli po tama dao. Augwaligo te pusali po tiwai eno ela pelama, gasa pobadi me pusubeo.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Tigidali Nai Gagalama Nigali Side 35:14

Tialima, Jekopgo te Godigo aga dali po miani pesagede te bobage masigi me deli selama, te ugwaba dodolama, muani. Tama agai te masigi daiba ugwadu te wain wę me, wel dali si te ofa tiwai elama gelali.

1 Samuel 5:1

Te Filistia dabego te Godigo Dąų Wali Bomai Po Muani Halobage selama, tama augwa te bulu Ebeneser tagalama, tama te halobage tolasa peyu, te augwa taun hanu me deli, te Asdotba pali.

Aisaia 19:19

Tama te sogo te Genuai Bidigo te alta me te bulu Isip hanude elaluaibao. Tama me te masigi pos me elaluaibao. Augwaligo Genuai Bidigo mu dąį ilama, elaluaibao. Te bulu Isip dąį side elaluaibao.

Godigo Nogi Ugwaba Sabo Tęąbi Po Wabo Buku Dabe 71:17

God, nago ena te sogo te dwasianude digi ola mani, tama megi e sogoba usu nagasobao, tama eno nago te wiegi wiegi yai sę dabe ebo po pusudu gebo dao.

Godigo Nogi Ugwaba Sabo Tęąbi Po Wabo Buku Dabe 71:6

Sesemane sogo ena nago nogode naga bidiyu bilali. Idago ena ame nabode, te nago ena tonalua asali, te megiba usu nagasobao. Tama tialima, te eno sesemane sogo nago nogi ugwaba saibao.

1 Samuel 4:1

Tama Samuelgo te Israel dabebolo te tigidali e sę ebo po obaso, augwaligo agai poba olo bugagia muani. Te sogo te Filistia dabego te Israel dabe dali boi hwįagasu asobaso, tama te Israel dabe hogodama, augwali dali te boi hwįgi pai. Tama te Israel dabe bidabo pesage te bulu Ebeneser te pąde nigilama bidali, tama te Filistia dabe bidabo pesage te hanu Afek pąde nigilama bidai.

Ma Dobola Sali 17:15

Genuai Bidigo po wai digi, tama Mosesgo te Genuai Bidibolo nai ula maiabo alta sai me deli nigilama, tama te alta sai yali nogi e tiwai wai, “Genuai Bidi aga eno te nide walama, ugwaba sabo plak ugwa tiwai dao.”

1 Samuel 7:11

Tama te Israel bidi dabego te Mispa tagalama, tama te Filistia dabe pobeasa pelama, tama te sunumide hauwa bidi elala pidubadi, te augwali te bulu Betkar pąba sabolai.

1 Samuel 14:35

Tama Solgo te masigi te Genuai Bidigo alta tiwai ilama dąį ilali, te hasia sogo naga agai te alta nigibo sę yai.