1 Samuel 7:11 - Godigo dwagi yai po buku

¹¹ Tama te Israel bidi dabego te Mispa tagalama, tama te Filistia dabe pobeasa pelama, tama te sunumide hauwa bidi elala pidubadi, te augwali te bulu Betkar pąba sabolai.

1 Samuel 7:11 Referans Kwoze

1 Samuel 7:10

Te Samuelgo ofa idubadi, te Filistia dabe pąba aselama, boi hwįainu yai. Tiali goli, Genuai Bidigo te dagaludu delege be bomo mu elama, te Filistia dabego ugwadu delege be elebo odobaso, tama augwali homu mu puna pelama, tama augwali wi tedela pobadi, tama te Israel dabego augwali sualio.

1 Samuel 7:12

Tama nosali Samuelgo te genuai masigi me deli selama, tama te masigi te bulu Mispa de Sen, te bulu si tomode ugwaba dodolama, muani. Tama Samuelgo te tiwai po wai, “Te masigigo te Genuai Bidigo da tau sesa asali usu nagasobo dąį ilibo masigi dao.” Tama agai te masigi nogi poliyu, te tiwai wai, Te Tau Sali Masigi dao.

Josua 10:10

Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.