1 Samuel 6:3 - Godigo dwagi yai po buku

³ Tialima, te pris dabego me, te po page konebo bidi dabe daligo te tiwai po wai, “Te dagego te Israel dabego Godigo te halobage te augwa buluba ma tolabo homu ebaso da, te dolo da, dagego olo me tolamuo. Dagego te duga yali dwai sę silimainu ofa yabo nai meba dali tolao. Dagego tama teyu da, teda duga te gasi dabe usu elama, tama dagego bugagia koneaibao, te Godigo dwai dene dageba mabo sę page koneaibao,” wali.

1 Samuel 6:3 Referans Kwoze

1 Samuel 6:9

Tama dagego te karis mena tama pabowe suainu, te bugagia tonaluiąo. Te aga te taun hanu Betsemes tǫ te halobage asali bulu tǫ badu wali pobaso da, teda dagego bugagia koneiąo, te Israel dabego Godigo te dwai sę daba tagala palali da waibao. Tiali goli, karis te tiwai elama pisąbaso da, teda dagego koneama, Godigo te genuai sęgę daba tagala palobeo. Menio. Te sęgę olo naga pedelali wabo dao,” augwaligo te po wai.

Bomai Po 16:16

“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.

Ma Dobola Sali 23:15

Tama dagego te Bo Disiąwai Nai Bret te genuai side te me bodolu munama, tama sisinama, lotu po wainogo, te eno wali po gilama tiwai yao. Tama dagego te bo disiąwai nai bret te a naga olama nogo me badu si, te tama sogo polua nogi Abip, te sogode te nai tuabo bodolu muai dao. Magi basowe, te poluade naga dagego te bulu Isip taga soai. Tama dagego enaba lotu po wagasainogo da, dagego te ofa yabo nai deli me selasa asiąo.”

Ma Dobola Sali 34:20

Tiali goli, dagego homugo te duga te bidi duabo donki kibu gomunai wai ma abela homu ebaso da, teda duga sipsip wai me deli selama, te donki hasegelama, tama sipsip wai ofa yao. Tama dagego ma abelesiąwani da, teda dagego te donki mage togwao. Tama me te duga gomunai ogwa tigidali te ma abelao.” “Te dagego enaba lotu po wagasabo homu ebaso da, te dagego ofa yabo nai deli digi sela asao, olo asigio.”

Jopgo Po Asęani Elalubo Buku 10:2

Eno Godibolo e tama waibao, ‘God, nago ena olo dali po tų ela magi. Ma, nago ena dali wado eyu da, teda nago eno yali dwai sęgę dolo ola mao.’”

1 Samuel 5:11

Tama tibaso, augwaligo te Filistia king dabe i olama, asobo side, tama augwaligo te tiwai po te king dabebolo wali, “Dagego te Israel dabego Godigo e Dąų Wali Bomai Po Munalubo Halobage te augwa buluba ma tolao. Tama tibaso da, te agai da me, dago we wai dabe dali, me eligobeo.” Augwaligo te tiwai po wali, magi baso meni, Godigo augwaliba te dene mabo sę umabo eyu, tama hauwa we bidi isai. Tama teyu, augwali tigidali wi dwai mu yai.

1 Samuel 5:9

Tiali goli, augwaligo te halobage te Gat hanuba sela pali goli, Genuai Bidigo te hanude bidali we bidi dabeba me te dwai dene mobaso, te augwali wi mu ilalio. Tama agai tigidali we bidi augwaliba te dili keni dwai mu pedalumainu elama, tama augwali mu dolalio.

1 Samuel 5:7

Te Asdot bulu bidi dabego te sęgę pedalubo sulama, tama augwa te po wai, “Te Israel dabego Godigo te dabolo, me te dago god Dagonbolo te dwai dene mawai. Tama teyu, dago te Dąų Wali Bomai Po Muani Halobage, te dago bulude munalumainu me elamu dao,” wali.

Pris Sę Ebo Bomai Po 6:6

Te sipsip omai me deli agai te prisba sela pelama, te aga yali kolesaga sia somainogo te Genuai Bidiba ofa eyu dola palobo sę yao. Prisgo agabolo walama, te wiegi yai sipsip mu sao po wao, te keni kenigo aga tigi me dolisąwai selama sesao. Tama hasia bolo prisgo te bidigo sesebo sipsip abelabo mone nogiyu dąį ilao. Tama bidigo te sipsip tiwai te prisba selasa asao.

Pris Sę Ebo Bomai Po 5:6

Tama agai te sipsip so kibu deli, ma meme kibu so deli selama, te Genuai Bidiba selasa asama, te aga yali sęgę sela sąbo ofa tiwai yagasao. Tama prisgo te kibugo te bidigo sęgę sela sąyu ofa ilibaso da, Godigo agai sęgę sela sąwaibao.”

1 Samuel 6:8

Tialima, tama te Genuai Bidigo halobage selama, tama te karis daiba muao. Tama te bolo piksa noma, me te dili keni piksa noma dabe dagego te golgo nigai, te dwai sę yali silimainu ebo ofa tiwai yabo nigali nai, te bokis me deliba munama, te bokis te karisba munama, te halobage pąba muao,” wali. “Tama nosali te so bulmakau si pomainu ilama, tama te karis kekasa solama, tama augwa pomainu yao.

Ma Dobola Sali 8:15

Tama tuni bidi te gedeli dabe isali sulama, tama agai koneani, te dwai sogo silali. Tama tibaso, agai kolesaga ma doyu, gagea pai, te Genuai Bidigo agade po wali tiwai gilama tiwai, tama agai Moses de Aron sigo po odobeo.