1 Samuel 5:12 - Godigo dwagi yai po buku

¹² Tama te bulu we bidi augwali meba isibeo, tiali goli, te dwai dili keni augwali tigiba pedelama elaluali. Tama augwa te Godigo tau somainu i weyu yalio.

1 Samuel 5:12 Referans Kwoze

Ma Dobola Sali 12:30

Tama te sogo hulide naga, te tuni bidi aga dali, gavman sę ebo bidi dabe me, tama te Isip we bidi tigidali, augwali hodaloama, te wai dabe isai suai. Tama Isip tǫ tigidali habu badu tigidali we bidi genuai gela ola pali, magi basowe, tigidali be deli delide wai ogwa isasa pai.

Amos 5:19

Te si asobo, dage geda mugobeo. E tiwai yaibao. Te bidi me deli te dwai hasa laionde wi pabo tiwai elama, tama aga te laion hasa tagalama, wi pobadi, te gasa moni dwai hasa me nogi bea te aga deliba gesabidi si unulama, tama beago aga gąų kelainogo yali. Tama te bidi te hasa bea wi pelama, tama aga be tomoba wi peyu, sana pabo homu elama, bugagia bidaiba homu yai. Tama toma tumainogo, aga te be dagaba nogo tola sigi pabo tiwai yali, tiali goli, tegoba, te be dagade bidali dwai hasamanigo aga gąų kelai dao, tama te bidi isai dao.

Jeremaia 48:3

Te taun Horonaimde genuai gela wabo odao. Augwa te tiwai i waibao, ‘Tigidali nai mu dolali dao.’

Jeremaia 25:34

Dage tobolu bidi dabe, me we bidi tonalubo bidi dabe, dage gela weyu, hobede dwai mu yao. Te dage tǫba degasa dulama, hogogobe paibao. Magi baso meni, megi da, te boi bidi dabe aselama, te dage ela munama, te bidalubo we bidi dabe sela sąbo sogo elalubao. Te dage tulaluama doloyu, te wiegi yai tǫgo nigai sospen tǫba tulaluama dolobo tiwai yaibao.

Jeremaia 14:2

“Juda kantri tǫde te genuai sęgę elalu gela udali. Te aga hanu dabe dwai mu elalubao. Te aga we bidi dabe tǫ bulu pila munana peyu, te dwai gela mu udubao. Tama te Jerusalem dabe umagia gela u waibao.

Te Israel me Juda Hani Sigo Tuni Bidigo Po Elalubo Buku Deli 19:17

Te Hasael king bididubadi, agai te we bidi hauwa ela mueibao. Te meba agade wi pobaso da, teda Jehugo augwali ela mueibao. Te Jehude meba wi sobaso da, teda Elisago augwali ela mueibao.

1 Samuel 9:16

“Do te tama tobage tebo sogo, te eno te Benjamin hani bidi me deli te nageba tagala palaibao,” wali. “Tama nago aga toboluba te wel geliyu, te aga te eno we bidi Israel dabego king bidi pedalumainu ilao. Eno suali, te Filistia dabego genuai sęgę me, dene me, te tigidali Israel dabeba mobaso, tama te Israel dabego enaba gela weyu, te eno augwali tau sao po wabo odali. Tama tibaso, te bidigo augwali tau siyu, tama te Filistia dabego bomode bidalubo te ma dobola somainu yaibao,” wali.

1 Samuel 6:1

Te Genuai Bidigo Dąų Wali Bomai Po Munalubo Halobage te Filistia bagego bulude munalubadi, te polua a naga me badu si bidali,