1 Samuel 4:19 - Godigo dwagi yai po buku

¹⁹ Te sogo Eli aga ogwago we, te Finiasgo we, aga haliga elaluai, tama aga wai ame nabo te pąde yagasali. Tialima, agai te tiwai po odali, te Filistia dabego te Godigo Dąų Wali Bomai Po Muani Halobage sela pali po wali, tama aga wąį monu me aga bidi me, augwali si isali po odai. Tama polo tama, te wai ame nabo dene agaba pedelama, agai te wai ame nani.

1 Samuel 4:19 Referans Kwoze

1 Samuel 4:18

Eligo te Dąų Wali Bomai Po Muani Halobage te sali po odama, teda aga te dualaluali sia sai tudi badu te Godigo be sunumi pąde tulaluali. Aga monu dabe eyu, te tigi nisai bidai, tama aga te sia tudiba degasa dulu, te aga dogoni mage toga peyu, tama isalio. Agai te Israel dabe tonalubo sę idubadi, te kibu be bidi sese si, 40 kibu be bidai dao.

1 Samuel 4:20

Te pąde aga isainu, te aga tau sabo we dabego agabolo te tiwai po wali, “Nage wi me igio. Odao, nago ogwa ame nai dao,” wali. Tiali goli, wai aga idago te po odisiąma, tama te wego wali po wei ponobeo.

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Tigidali Nai Gagalama Nigali Side 35:17

Te aga te tiwai genuai dene sabo sogo, te aga tau sabo wego agabolo te po wali, “Nage wi me elamuo. Te gasa ogwa wai me dao,” wali.

Te Israel me Juda Hani Sigo Tuni Bidigo Po Elalubo Buku Deli 14:1

Tama te tiali sogo Abiya, te king Jeroboamgo ogwa, gasi yali.

Godigo Nogi Ugwaba Sabo Tęąbi Po Wabo Buku Dabe 78:64

Te boi bidi dabego te pris dabe ela mubaso, tama augwa we dabego te augwalide homu dene eyu, tama gela wainu ebo te usu ebeo.

Jeremaia 26:6

Te dagego eno po wali pisąbaso da, teda eno te eno e be dolaibao, te eno polobadu te Silo taun be dolali tiwai yaibao. Tama te gasa tǫ kantri we bidi dabego augwa boi bidi dabeba dwai po wabo sogo, augwa te tiwai po waibao, “Dage dolobaso, te Jerusalem dolali tiwai yao.” Augwaligo te po waibao.’ Nago te po te Juda we bidibolo pusao,” Genuai Bidigo Jeremaiabolo wali.