1 Samuel 4:10 - Godigo dwagi yai po buku

¹⁰ Tialima, te Filistia dabego wąbi bomo elama, mu hwįnama, tama te Israel dabe aiyaba elalubaso, tama Israel dabe augwa buluba wi pepela walio. Te wąbi hwįani side te Filistia dabego te bidi umabo hauwa mu elalio, te e tama, 30,000 bidi tigidali elai dao.

1 Samuel 4:10 Referans Kwoze

Te Israel me Juda Hani Sigo Tuni Bidigo Po Elalubo Buku Si 14:12

Tama augwaligo boi hwį hwį pelama, tama te Israel hani ami soldia bidi dagego te Juda ami soldia bidi dabe augwali aiyaba elaluali, tama te Juda dabego ami bidi dabe augwali augwa buluba wi pela silali.

1 Samuel 4:2

Tama nosali te Filistia dabego augwa ami bidi dabe wasilama, tama te Israel dabe dali boi hwįani. Te boi genuai mu hodolama, tama te Filistia dabego te Israel dabe aiyaba elaluama, tama te bidi umabo, te bidi sese hauwa, te 4,000 bidi ela muai.

Bomai Po 28:25

“Tama Genuai Bidigo te boi bidi dabego dage aiyaba elalumainogo yaibao. Dage augwali dali hwįainogo deli sunumidu paibao. Tiali goli, dage augwalide wi soayu, sunumi hauwadu wi soaibao. Tama te tigidali tǫde we bidigo dagede te sę dabe pedalobo sulama, tama augwali noma dwai mu saibao.

Pris Sę Ebo Bomai Po 26:17

Te ena digi eno dageba boi bidi yaibao, tama eno te gasa bidi dabego dageba boi hwįagasomainogo elama, te dage aiyaba elalumainogo ilaibao. Tama te bidi dabego dage dali dwai homu mu eyu, augwaligo dage tonalubo sę yaibao. Te boi bidi dabego dage pobeasa asisąbadi goli tagalao, te duga digi odolali wi elama, te wi paibao,” wali.

2 Samuel 18:17

Tama augwa te Apsalomgo tigi selama, tama te buside genuai tǫ dedage me deliba aiyaba sąwani. Tama augwa te masigi hauwa selama, tama aga tigi daiba ugwadu te masigi sąnama, tama augwa te masigi pesage holali te genuai pedelai. Tama te Israel dabe wi pelayu, te augwa bulu deli deliba ma tedela palio.

Godigo Nogi Ugwaba Sabo Tęąbi Po Wabo Buku Dabe 78:9

Polobadu te Efraim dabego hwįani, te enesigi enego te hwįai. Tiali goli, te sogo te wąbi hodolama hwįbaso, tama augwali wi pai dao.

Tuni Bidi Dabego Po Elalubo Buku Si 25:22

Augwali hwį hwį pelama, Israel dabego Juda dabe aiyaba elaluali. Tama Juda dabego ami bidi dabe augwa buluba ma wi pali.

Tuni Bidi Dabego Po Elalubo Buku Si 13:17

Tama Abiya aga hani ami bidi dabe augwaligo Israel dabe dolama mu elama isilali, tama augwaligo te 500,000 Israel dabego wiegi yai hani ami bidi dabe elama isilali.

Te Israel me Juda Hani Sigo Tuni Bidigo Po Elalubo Buku Deli 22:36

Te giliga iba degasa dulubo pąde igi pabo si da, teda te Israel ami bidi dabe, me Juda ami bidi dabego te tiwai i walio, “Da tigidali te dena bulu tǫ pedai kantriba, me te dena bulu dabeba pela silinao,” walio.

Te Israel me Juda Hani Sigo Tuni Bidigo Po Elalubo Buku Deli 12:16

Tialima, megi da, te we bidi dabego koneani, te kingo te augwali dali po wabo odobo usu meni, tama augwaligo moni dagą weyu, e tama i wali, “Da te Devitgo hani king bidi dologode da bidibo hagela palio,” wali. “Da te Devitgo hani menio, tama da te Jesigo ogwago agai hani da menio. Da tigidali te Israel hani dabe naga dao, dena buluba ma begasa pinao. Tama dage te Devitgo hani dabe, duga digi duga hani tonaluao.” Augwaligo te po tama olama, tama augwa buluba tedela pali.

2 Samuel 20:1

Te sogo te bidi dwai me deli te Israel dabe tomode bidali, aga nogi Seba. Aga te Bikrigo ogwa, tama aga te Benjamingo hani bidi. Sebago te biugel bu weyu, te i olama, te tama po wali, “Te Devit tagalao, da te agai hani menio. Da te Jesigo ogwago hani bidi menio. Dago aga wali me pelamuo. Ae, te da Israel bidi tigidali, dena buluba ma pelainao,” po wai.

2 Samuel 19:8

Joapgo po ola simanobo si da, teda king Devit hogodasa pelama, te taun hanuba pabo sunumi pąba duagi pai. Tama aga ami bidi dabego tama po odali, te king aselama, te taun hanuba soabo sunumi pąba duayagaselama, tede bidibo po odai. Tama tibaso, te ami bidi dabe pelama, aga dali hodobo bidigi pai. Te tigidali Israel dabe wi pelayu, te augwa bidali deli deli buluba ma pela silalio.

2 Samuel 18:7

Augwali hwį hwį pelama, tama te Devitgo ami bidi dabego te Israel dabe aiyaba elaluama, tama augwali mu dolali. Te hwįbo genuai pelama, tama augwa te bulu tǫ pedai tigidali badu hwį hwį pela walio. Tama bidi hauwa te bulu tomode esela pelama, tama augwali isila pai. Tama tialima, te buside isali bidi dabego nambago te hwįbode isali bidi dabego namba te aiyaba elalualio. Te hwįani sogo tomode isali ami bidi dabego namba te umabo bidi sese, te 20,000 bidi tama isai dao.

Bomai Po 28:15

Tama Mosesgo po geninama weyu, te po wali, “Tiali goli, dagego Genuai Bidi dago Godigo po sela sąnama, tama dagego agai bomai po eno megi dagebolo mabo te po tigidali bugagia wali pisąma eyu da, teda e tama dwai sę dabe dageba pedelaibao,” wali.

Jeremaia 7:12

“Dage te Siloba pelama, eno te taunde yali sę suao. Hasia eno te Silo dąį ilali, te enaba lotu wabo pesage elalumainu yali, tiali goli, nosali eno suali, te Israel dabego dwai kolesaga ebaso, eno te taun dolai dao.

1 Samuel 3:11

Tama Genuai Bidigo agabolo te tiwai po wali, “Bugagia odao. Te pąde eno te magi sę me deli te Israel dabe tomode yaibao, tama augwaligo te sę yabo po odama, te augwali midigi dwai mu saibao.