1 Samuel 31:2 - Godigo dwagi yai po buku

² Sol dali, te aga ogomani dali me, wi pali, tiali goli te Filistia dabego augwali pobeasa pelama, tama te Solgo ogwa sela ela muani, te Jonatan, me Abinadap, me Malkisua.

1 Samuel 31:2 Referans Kwoze

Tuni Bidi Dabego Po Elalubo Buku Deli 8:33

Te bidi Ner te Kisgo aya, tama Kis te Solgo aya da. Solgo ogwa dabe nogi e da, Jonatan, me Malkisua, me Abinadap, me Esbal, aga gasa nogi me da Isboset dao.

1 Samuel 14:49

Te Solgo ogwa dabe te e tiwai, Jonatan, me Isvi, me Malkisua. Tama agai wegi si nogi te e tiwai, gomunai wegi te Merap, te tomo wegi Mikal.

Tuni Bidi Dabego Po Elalubo Buku Deli 9:39

Ner te Kisgo aya, tama Kis te Solgo aya da. Te Solgo ogwa dabe nogi e tama da, Jonatan, me Malkisua, me Abinadap, me Esbal, aga gasa nogi me Isboset dao.

Te Israel me Juda Hani Sigo Tuni Bidigo Po Elalubo Buku Si 25:7

Te Babilon hani ami bidi dabego te king Sedekaiago ogwa dabe me oda sali, tama augwaligo te Ripla hanuba augwali odasa asali. Tama te bulude te king Nebukatnesargo te po wai, tama te augwaligo te king Sedekaiago ogwa dabe te augwaligo te augwa aya Sedekaiago gedugo tonalubadi yaide, augwaligo ela muani. Tama te kingo te po wali, tama augwaligo te king Sedekaiago gedu ge si dia sąyani. Tama augwaligo aga nogo sągą dabe te aligabo bonogo dunama, tama te Babilon buluba kalabusiba mugi pali.

2 Samuel 1:6

Tama te gesi ogwa bidigo te po wali, “Ena te Gilboa bulu dude bidiyu, tama eno suali, te Solgo aga sesemone te tǫba dodolama, tama aga digi te sesemone enede tialuainu dąų walubo sę eyu tonaluai. Tama me te boi bidi dabe te Sol pąba pabo sę iduali, te karisde dugawali ami dabe, me te hosde dugawali ami bidi dabe, augwaligo te tiwai yali.

1 Samuel 23:17

Jonatango agabolo te tiwai po wali, “Nage wi munu me igio. Eno ayago nage me dologobeo. Nosali nage te Israel king pedalubo side, tama ena te nage tudi badu bidi nigilama bidaibao. Tama eno ayago me te sę yabo koneai dao,” wali.

1 Samuel 14:22

Tama te meba Israel dabe te Efraimgo bage bulu dude geme dulaluali bage, augwaligo te tiwai po odali, te Filistia dabe wi palio wai. Tama augwali aselama, te Sol de Jonatan si tau selama, te Filistia dabe pobeasa pali.

1 Samuel 13:16

Tialima, Sol dali, Jonatan dali, te augwa si ami bidi me pelama, te Geba tǫ te Benjamingo tǫ badu bidigi pali. Tama te Filistia dabe augwa bidibo madi te Mikmasde bidaluai.

1 Samuel 13:2

Te Sol king bidi pedelama bidali sogo, te Israel dabe deli madi sisinaluali, tama Solgo te Israel bidi dabe te bidi sese umabo, te 3,000 bidi, te ami bidi nigilama, tama gasa bidi dabe te augwa buluba ma tagala palali. Agai te ami bidi dabede te bidi sese umabo, te 2,000 ami bidi te agai selama, tama augwali aga dali te bulu Mikmas te Betel bagego bulu dude bidaluai. Tama agai te 1,000 ami bidi te Jonatan dali tagala palali, te aga ogwa, tama augwali pelama, te Gibea tǫ te Benjamingo hanigo tǫ tomoba bidigi pali.

Ma Dobola Sali 20:5

Nago te tibo godiba, me te noma bidiba kidu sugunama, lotu me wagimio, magi basowe, ena Genuai Bidi Yawe te ena nago God, tama ena te tibo godigo hasegelemainogo ebo usu me egobeo. Mu menio. Tede eno hagela homu mu ebo dao. Tama ena hagela mu homu ebo we bidi dabe, augwaligo te naide magi sę yai elalubaso, te eno augwali dene iliyu, tama augwaligo wai hani sela, me me si me si nosali pedelabo hani, augwalibolo me te mabo dene tiwai ilaibao.

1 Samuel 28:19

Tama te sę naga nageba me egobeo. Menio. Aga te nage dali, te gasa Israel dabe dali, te Filistia dabego nogoba mawaibao. Do da, te nage dali, te naga ogwa dabe dali, te isama, tama ena dali te isali bidi dabe bidibo pesageba bidagasaibao. Tama Genuai Bidigo te Filistia ami dabego te dage Israel aiyaba elalumainu elama, tama dage aiyaba mu elalueibao,” Samuelgo te po wai.

Tuni Bidi Dabego Po Elalubo Buku Deli 10:2

Sol me te aga ogwa dabe dali wi palio, tiali goli te Filistia dabego augwali pobelama, te Solgo ogwa sela ela muai, te Jonatan, me Abinadap, me Malkisua dao.