1 Samuel 30:8 - Godigo dwagi yai po buku

⁸ Tama Devitgo Genuai Bidiba hanalu wali, “Te bidi dabe augwali te eno pobeasa pabo usu yaibawe? Tama ena pobaso da, teda eno augwali suabo usu yaibawe?” Tama Genuai Bidigo agabolo te po wali, “Nago augwali pobeasa pao. Te nage augwali paboba sabolama, tama augwali elama, tama te dagego we me wai dabe augwali ma dobola saibao,” te po wali.

1 Samuel 30:8 Referans Kwoze

1 Samuel 30:18

Tama Devitgo te aga we si ma dobola siyu, te gasa tigidali we dabe me, te wai dabe me sobadi, te Amalek dabe sela soali doado bage tigidali me, te ma sai dao.

1 Samuel 23:2

Devitgo te po odama, tama agai te Genuai Bidiba hanalu, te tama po wali, “Te ena pelama, te Filistia dabe dali hwįgi pabo te usu yaibawe, me meniwe?” Tama Genuai Bidigo agabolo te po wali, “Te usu dao. Nago augwaliba hwįgi pelama, tama te Keila dabe tau siyu, te augwali dolidali weyu te tama tiao,” wali.

2 Samuel 5:19

Tialima, Devitgo Genuai Bidiba te tama po hanalu wali, “Nago homugo eno te Filistia dabeba hwįgi pomainu homu ebawe? Tama ena pobaso da, teda nago ena tau siyu, te augwali aiyaba elalumainu yaibawe?” Tama Genuai Bidigo te tama po agaba wei ponani, “Awe, nage pao. Te augwali nage nogoba eno munama, tama te nago augwali aiyaba mu elalueibao,” wali.

2 Samuel 5:23

Tama Devitgo Genuai Bidiba hanalu, te po wali, “Te eno magi yagawe?” Tama Genuai Bidigo te po wei ponoyu, te tiwai po wai, “Dagego augwaliba hwįgi pao, tiali goli dage augwali bidibo dolo si me pelamuo. Dage te augwali tudi badu pelama, tama te ni balsam sili dolalubo pesage badu pelama, te hwįabo sisi elaluiąo,” wali.

1 Samuel 23:4

Augwaligo te tama po obaso, tialima Devitgo te Genuai Bidiba ma hanalu wali. Tama Genuai Bidigo te tiwai po te Devitbolo wai, “Dage te hogodama, pelama, tama te Filistia dabeba hwįgi pao,” wai. “Magi baso meni, eno dage tau siyu, tama dagego augwali aiyaba elalueibao.” Te po wali.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Israel Hanigo Namba 27:21

Tiali goli, Josua te Eleasar pageba pelama, tama eno homu kolesaga te tigidali nai dabede koneainogo yaibao, nosali. Tama Eleasargo te prisgo gudubo te name ugwa baude daganalubo te masigi si te dwasianu paus sao, te eno homu kolesaga konea sainogo. Tama Eleasargo te Josuabolo me te we bidi sesebolo te tigidali te sę ela silimainogo,” wali.

1 Samuel 28:6

Tama tiyu, agai te Genuai Bidiba te tama po hanalu wali, “Te eno mena tama sę yagawe?” Tiali goli, Genuai Bidigo te nade agabolo te po wei ponisiąyu, ma te Godigo homu konea pabo masigi me, ma te profet dabego pedauwalide me, te po wei me ponisiąwai. Genuai Bidigo te po me deli te wei me ponobeo. Mu menio.

Te Israel Tobolu Bidi Dabe 20:18

Megi da, te Israel dabe te lotu wabo pesage te Betelba pelama, tama augwaligo te Genuai Bidiba hanalu wai, “Te da mena hani bolo te hasia pelama, te Benjamingo hani dabe dali hwįgi paibawe?” Tama Genuai Bidigo te po wali, “Te Juda hani bolo polasa pomainao,” wali.

1 Samuel 14:37

Tialima, Solgo te tiwai po Godiba hanalu wali, “Te dago te Filistia dabeba hwįgi pogowe, ma meni egowe? Tama te usu yali da, teda nago da tau sobaso, te augwali aiyaba elalugowe?” Tiali goli, megi te sogo Godigo agai po wei me ponobeo.

Tigidali Nai Gagalama Nigali Side 14:16

tama augwaligo wi sali doado bage tigidali ma dobola sai. Abramgo te aga ogwa Lot ma sobadi, te aga tigidali doado bage me, te we dabe me, tama te Lotgo bidi hani dabe me, tigidali ma sai dao.

Ma Dobola Sali 15:9

“Te boi bidi dabe augwaligo te po wai, ‘Dago augwali pobelama, tama augwali dąų waibao. Tama dago augwaligo wiegi wiegi yai nai dena hanibolo dobola saibao. Tama tigidali nai dago sainogo yali nai te dago siyu naga yaibao. Tama dago augwali dali te poapi ge hwągo hwįnama, tama dena bomogo digi te dago augwali dolaibao.’”

1 Samuel 30:19

Te augwa doado bage deli te me hagabeo. Te aga ami dabego wai tigidali, te tigidali bidaluali. Tama augwa te tigidali ma dobola sai.

Te Israel Tobolu Bidi Dabe 8:4

Gideon dali, te aga ami 300 bidi dabe dali, aga te Jordan pabo ąįba sabolama, tama augwali te ąį ugaba nogali. Augwali bomonama bilali, tigi bomo kimi isiyu, tama nasi yali, tiali goli augwaligo te boi bidi dabe pobeasa bilidubadi gebo sę yalio.

1 Samuel 10:22

Tama tibaso, augwaligo te Genuai Bidiba hanalu, te tama wali, “Te bidi asaliwe, ma meniwe?” Tama Genuai Bidigo po wei ponoyu, te tiwai po wali, “Sol te duga walu doado bage tomode te geme dualalubao,” wai.