1 Samuel 30:6 - Godigo dwagi yai po buku

⁶ Te Devitgo bidi dabego homugo te boi bidi dabego te augwaligo we me wai sela pali homu elama, tama augwa haliga sęgę elama, tama Devitba wado po wali. Tama tialima, augwaligo agaba te masigi sąnama, tama aga ela muaibao wali. Tama Devit aga genuai sęgę mu elaluali. Tama Devitgo gedu haluasa po, te aga Genuai Bidiba wali, tama Godigo aga homu kolesaga dąų walalio.

1 Samuel 30:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 56:11

Eno konealubo homu te Godiba dąų obaso, tama tiyu, te eno magi naide wi me egobeo. Te bidi dabego mena sę enaba yaibawe? Menio.

Godigo Nogi Ugwaba Sabo Tęąbi Po Wabo Buku Dabe 62:5

Eno konealubo homu te God deliba naga dąų wabo dao. Tama eno te agai deligo ena tau sabo tonalubo dao.

Godigo Nogi Ugwaba Sabo Tęąbi Po Wabo Buku Dabe 18:6

Ena haliga sęgę dwai ebaso, tama eno Godiba i wai. Eno gedu haluasa po te ena Godiba weyu, te agai ena tau somainu yai. Aga te aga wiegi yai be mude bidiyu, tama eno po odali. Te eno gedu haluasa po wabo te agai oloba pedelali.

Godigo Nogi Ugwaba Sabo Tęąbi Po Wabo Buku Dabe 25:17

Nago eno haliga sęgę elalubo tigidali sela sąyao, tama eno haliga te nagame yai dua bidimainu yao. Nago ena tau selama, tama te sęgę dabego ena elalumainu me egobeo.

Hibru 13:6

Tama Godigo te po obaso, dago dena homu bomonama tama dago e tiwai po waiyąo, “Genuai Bidi da ena tau sabo bidi dao. Te ena wi me egobeo. Te bidi dabe augwaligo ena dali ebo dwai kolesaga tigidaligo ena dologowe? Menio!”

Polgo Po Pas Rom Dabeba Asęani 4:18

Abrahamgo Godigo te sę yaibao po wabo tų te agai me susiąbadi, tiali goli agai konealubo po mu dąų weyu, te tų suai bidigo ebo tiwai yalio. Tama aga te bidi hani hauwago wąį monu bidi pedelali, te Godigo wali po tiwai yalio, “Te nago bulai wai hani dabe e tiwai geninama tama pedalaibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 116:10

Eno tama po wabo sogo, te eno homu Godiba kęą pali, “Te genuai sęgęgo mu ena mesegelalio.”

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Ma Dobola Sali 17:4

Tama tibaso, Mosesgo gedu haluasa po bomonama Genuai Bidiba te tiwai wai, “Te we bidi augwaligo masigi sąnama, tama ena ela muainogo ebao. Tama eno magi sę augwalibolo egowe?”

Godigo Nogi Ugwaba Sabo Tęąbi Po Wabo Buku Dabe 42:11

Magi baso ena haliga sęgę sesemane sogo ebawe? Magi baso eno haliga midigi ebawe? Ena te Godiba konealubo homu dąų olama, tama agai ena tau sabo tonalueibao. Aga te eno God da, tama ena tau sabo dao. Tama tiyu, eno aga nogi ugwaba ma saibao.

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

2 Korin 4:8

Edao. E tiwai dao, te tigidali badu te bidi dabego dabolo te sęgę madu gebo dao, tiali goli tego da mu dolobeo. Te hauwa sogo dago dena pabo tų hania konebo menio, tiali goli tigidali sogo dena tų me elalubo dao, te mu dąų wabeo. Tama tibaso da Godigo sęde bomo kimi munu me isibo menio.

1 Samuel 1:10

Hana aga te homu dwai dene mu ebaso, tama gela udubadi genama, tama Genuai Bidiba gedu haluasa po walio.

Dwagi Yai Gesi Po Jongo Asęani 8:59

Te Juda bage augwaligo Jisasgo te po wabo odobaso, tama augwaligo masigi selama, Jisas aga elainogo yai. Tialima, aga geme duala siyu, ela pelama, tama te Moni Lotu Be tempel taga peyu, aga buluba teda pai.

Israel Hanigo Namba 14:10

Tiali goli, te Israel dabego te Kalep de Josua sigo po mu dao homu ebe. Tama augwaligo te bidi si masigi sąnama, augwali si ela muaibao po wali. Augwaligo te tama tiainogo ebadi, polo tama te we bidigo Godigo bomo yai ula te name ugwa be pedude dula sabo suali. Tama tibaso, augwaligo te bidi siba masigi sąbeo.

2 Korin 7:5

Magi baso meni. Polobadu da aselama te Masedonia tǫba sabolali, tama tede me da tigi dwasianu toma me nabeo. Menio. Te haniani sęgę daba pedalai. Dago po konila te Godigo po odisąbo bidi dabe dali wali, tama da homude wi yali.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Jeremaia 16:19

Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Jopgo Po Asęani Elalubo Buku 13:15

Eno gasa nai me tonalubeo. Ma, tama Godigo ena elama, isiliyu da, teda aga homugo naga dao. Tama tiali goli, hasia eno agai gedu e tama ola mawaibao, eno dwai sę me ebeo.

2 Korin 1:6

Te da sęgę tolobaso da, te dagego homu nagame iliyu tiaibao, tama Godigo dage ma somainogo ebao. Tama Godigo dago homu nagame ilibaso da, te dagego homu me nagame ilimainogo ebao. Te dage bomo elama dolaluyu, tama dago tolobo dene tiwai tolobaso da, teda Godigo dage homu nagame ilaibao.

Polgo Po Pas Rom Dabeba Asęani 4:20

Godigo po weyu, te nai nosali pedalaibao po wali, tama Abrahamgo tede homu elama, tama homu si eyu, tama agai te konealubo po tagalabo te homu me ebeo. Menio. Agai homu te Godigo poba begi pai, tama tebogo aga bomo ilali. Agai tama tiyu, te Godigo nogi ugwaba selama,

Matyu 27:22

Pailat agai augwalibolo te po wai, “Eno tama tiyu da, teda e bidi da Jisas, augwaligo Krais nogi ebo bidi, agabolo eno magi sę yagawe?” Tama augwali tigidaligo te po wai, “Aga ni pedaide elao.”

Matyu 21:9

Tama te bidi Jisas tomoba ilama peyu, tama we bidi meba augwali polasa pabo bage dali, nosali asobo we bidi dali augwaligo bomo elama i weyu, te Jisasgo nogi ugwaba siyu, te po wai, “Dago nage dali dwagi yai homu pemene ebao, te nage Devitgo hani bidi dao. Godigo nage dali dwagi yai sę yao, te nage te Genuai Bidigo nogide asali bidi dao. Dagalude bidibo bage me augwaligo aga nogi ugwaba sao.”

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Godigo Nogi Ugwaba Sabo Tęąbi Po Wabo Buku Dabe 62:1

Mu tama, eno konealubo homu te God deliba naga dąų weyu, tama sagia siyu, tama eno te agai ena tau sabo tonalubo dao. Aga deligo naga te ena ma selama, tama ena bidibo ula dali bidibo dao.

Te Israel Tobolu Bidi Dabe 18:25

Tama te Dango hanigo te po wali, “Te nago po me deli dabolo munu me olamuo. Tiyu, te bidi dabe wado ebo homu elama, te augwaligo dage dali hwįabuo. Tama augwaligo te nage dali, naga hani sibi dali ela muabuo,” wali.

Tigidali Nai Gagalama Nigali Side 32:7

Jekopgo te po odama, tama aga wi genuai mu elama, tama aga homu sęgę elama, tama homu hauwa yali. Tialima, agai te aga we bidi hani bugulali, te sipsip hani dabe, me te meme, me bulmakau, me kamel dali, tama hani si pedelali.

Godigo Nogi Ugwaba Sabo Tęąbi Po Wabo Buku Dabe 42:5

Magi baso ena sesemane sogo te haliga sęgę ebawe? Magi baso eno haliga midigi ebawe? Eno konealubo homu te Godiba dąų olama, tama agai ena tau sabo tonalueibao. Aga te eno God da, tama ena tau sabo da. Tama tiyu, eno aga nogi ugwaba ma saibao.

2 Samuel 17:8

Nago koneani, naga aya, Devit, te aga ami bidi dabe dali, augwali te hwįbo bomai bidi dabe dao. Augwali te haliga sębę dwai mu elama tama bidibao, te so hasa beago te aga wai dabe tigidali te bidigo wi sela paide te haliga sębę ebo tiwai elalubao. Te nago ayago te hwįbo kolesaga mu koneani, tama tibaso, aga te we bidi dali hulide piainu eyu, te usu me egobeo.

Te Israel me Juda Hani Sigo Tuni Bidigo Po Elalubo Buku Si 4:27

Tiali goli, te we te bulu duba te Elisa bidibo madigi asama, sabalobo sogode, agai te basi gulama, tama te Elisago sągą tuali. Gehasigo te wego tama tibo sulama, tama agai homugo te we dwasianu digibulu ganama pao olama, dega palali. Tiali goli, Elisago Gehasibolo e tiwai po tama wali, “Tegio, sula tagalao,” wali, “eno koneanio, aga genuai sęgę mu ebaso ebao. Tiali goli, Genuai Bidigo agai te sęgę ebo po enabolo wabeo,” wali.

1 Samuel 23:16

Tama Jonatango aga sugi pelama, tama wiegi yai po agaba weyu, te Devitgo konealubo po Godiba bomo elaluabo po wai.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Godigo Nogi Ugwaba Sabo Tęąbi Po Wabo Buku Dabe 31:24

Dage te Genuai Bidiba konealubo homu dąų wali we bidi tigidali, dage bomo elama dolalu, tama duga haliga sesemane bomo sao.

Godigo Nogi Ugwaba Sabo Tęąbi Po Wabo Buku Dabe 71:4

Ena God, nago ena te dwai bidi dabego nogode ma sao. Augwaligo bomo mu eyu, tama augwaligo kolesaga dwai mu ebao.

Godigo Nogi Ugwaba Sabo Tęąbi Po Wabo Buku Dabe 71:5

Genuai Bidi, eno konealubo homu nageba naga muani. Polobadu ena gesi ogwa bidide digi, te nageba konealubo homu dąų wali, tama eno konealubo homu dąų ola asali, megiba usu nagasobao.

Jona 2:2

Agai te po wai, “Genuai Bidio, eno sęgę tolali, tama eno nagebolo i wali, tama nago eno i wabo odali. Ena te isibo bidi dabe dwai bulude bidibaso, tama eno nageba gela wali. Tama nago eno gela wabo odai dao.

Te Israel Tobolu Bidi Dabe 20:22

Tama te Israel bidi te lotu wabo pesageba ma geasa pelama, tama augwaligo te Genuai Bidiba gela udubadi, te giliga dega sigulali. Augwaligo agaba hanalu wali, “Te dago dena ama dede te Benjamingo hani dabe dali ma hwįgowe, ma meni yaibawe?” Tama Genuai Bidigo augwaliba te po walali, “Dagego te augwali dali ma hwįgi pao,” wai. Tama tibaso, te Israel dabe te bomo ma selama, tama augwaligo te hwįgi pabo ami bidi dabe te hasia sogo te wasilali pesageba ma pelama, te ami bidi dabe ma wasilai dao.

1 Samuel 28:15

Tama Samuelgo Solba te tiwai po wali, “Magi baso nago ena hodolama, tama ena ma asomainu i obawe?” Tama Solgo te tama po Samuelba wei ponani, “Eno sęgę genuai mu elalubao. Magi baso meni, te Filistia dabego enaba hwįagasobo side, tama Godigo ena tagalalio. Te agai enaba te profet dabego pedauwalide me, ma te nade me, te po ena dali me wabeo. Te eno mena sę elama te eno homugo konemainu ebao. Tama tiyu, te nago enabolo omainu te eno nage i wali,” Solgo te po wali.

Godigo Nogi Ugwaba Sabo Tęąbi Po Wabo Buku Dabe 138:3

Te eno nageba i wabo sogo, nago eno gedu haluasa po wabo odolama, tama nago naga bomo digi enaba menama, tama ena bomo mu elalu bidalio.