1 Samuel 30:16 - Godigo dwagi yai po buku

¹⁶ Tama te Isip bidigo Devit te Amalek dabeba sela pali. Te Amalek dabe te tǫ pedai badu digi bidalu, tama augwa te genuai nai daa tubo sę eyu bidali, magi baso meni, augwaligo te Filistia dabede me te Juda dabego tǫde me, te doado bage hauwa umabo mu sali.

1 Samuel 30:16 Referans Kwoze

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Aisaia 22:13

Tiali goli, dagego te hobede yabo sę yai menio. Meni. Dage gisugu olama, gana pelama bidalio. Tama dagego bulmakau kibu me sipsip kibu elama, tama moni daa mu tuai dao. Tama dagego wain wę dabe tama tuali. Tama dagego e tama po wai dao, “Asao. Da wę dali nai dali tuinao,” wali. “Magi baso meni, do da isaibao,” tama po wali.

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

2 Samuel 13:28

Te Apsalomgo Devit taga soyu, te Balhasor buluba ma soabo sogo, agai te aga sę bidi dabeba te tama po walali, “Te nai daa tubo sogo, dagego te Amnon bugagia tonaluao. Te aga gęǫ page ebo sogo, teda eno dagebolo olama, tama dagego aga ela muiyagameo. Dage wi me elamuo, magi baso meni, ena digi eno te aga ela mua po obao. Tama dagego aga ela muyu naga yao, tama dage munu me wia selamuo.”

1 Samuel 30:14

Da te saut te Juda tǫ pedai badu pelama, te Keret dabe dali hwįyu, te Juda dabe dali, me te Kalep dabe dali te hwįgi pelama, tama augwaligo doado bage sobadi yali. Tama da te Siklakba pelama, tama te taun siago ulubadi yali,” te po wali.

Ma Dobola Sali 32:6

Tialima, te sogo nosali kigamu mu, te we bidi dabe augwaligo te ofa eyu, te siaba ulabo kibu bulmakau dabe sela asali. Tama augwaligo homu kolesaga deliba naga muainogo te ofa yabo kibu sipsip dabe me sela asai. Tama augwaligo te nai tuyu, te bomai wę tuyu elama, tama nosali te bidi dabe augwali pelama, te we dabe dali gagali igi pai.

Josua 22:8

tama agai te po wali, “Dagego te boide sali doado bage hauwa elalubao, tama megi dage duga buluba ma piąo. Dagego te bulmakau hauwa elalubo, me silva, me gol, me bras, me ain, tama ugwa me hauwa elalubao. Tama dagego te boi bidide sali doado bage meba te duga ude bidali abagi dabe mao,” wali.

1 Samuel 30:15

Tialima, Devitgo agaba hanalu wali, “Nago te Amalek dabeba ena odasa pobaso da, te usu yaiba, agawe?” Tama agai te po wali, “Eno usu yaibao. Tiali goli, nago te Godigo nogide te bomai po dąų waliyu, te nago ena munu me ela musiąyu, ma ena te tonalubo bidigo nogoba magobe po wao,” wali. Tialima, Devitgo te bomai po agaba dąų walali.

Godigo Nogi Ugwaba Sabo Tęąbi Po Wabo Buku Dabe 119:162

Eno te nago dąų wali pode homu dąų weyu, wiegi yai pemene homu umagi mu ebao, te bidi me deligo te gol mone hauwa sobaso, pemene ebo tiwai ebao.

Aisaia 9:3

Genuai Bidi, nago naga we bidi genuai hani pedalomainu yalio. Tama nago augwali wiegi yai homu emainu geninanio. Augwali naga gedude wiegi yai homu yalio. Te augwaligo augwa gi nai hasia inawai siyu ebo homu tiwai yalio. Tama me, te ami bidi dabego wąbi hwįnama, gasa bidi dabe aiyaba elaluama, te augwaligo sali nai dabe dobayu ebo homu tiwai yalio.

Te Israel Tobolu Bidi Dabe 8:11

Tama Gideon te masigi kemi tǫ wa pai bulu sesege badu sunumi wali pali. Te sunumi te giliga pedalubo badu te Noba me Jokbeha te tǫ pedai si badu elaluali. Tama polo tama mu Gideon teba sabolama, te wąbi hwįbo hodolali, tama te Midian dabego ami bidi dabe te dwai noma mu selama, midigi sai.

Tuni Bidi Dabego Po Elalubo Buku Deli 4:43

Polobadu te Amalek dwasianu hani te Israel dabede wi solama te badu bidigi soai. Tialima te Simeongo hanigo te Amalek hani tigidali ela munama, tama te Simeon hani te tǫba bidigi pali, te bidada pali te buku asęani bidi bidali sogoba usu nai dao.