1 Samuel 30:1 - Godigo dwagi yai po buku

¹ Te Devit dali, aga ami bidi dabe dali, te sela sogo solama, tama augwali te augwa taunba sabolali, te Siklak taun, tama augwaligo te Siklak taun dolai sualio. Devit te Filistia ami dabe dali bidali sogo te Amalek dabe aselama, te saut badu bidali Juda we bidi dali hwįagasali. Tama augwaligo te Siklak dabe dali hwįnama, tama augwali aiyaba elaluama, tama te taun siyu, te taun siago ulali.

1 Samuel 30:1 Referans Kwoze

1 Samuel 29:11

Tama tialima, kigamu mu Devit te aga ami bidi dabe dali te Filistia bulu tǫ pedaiba ma geasa pobadi yaide, tama te Filistia dabe te Jesril buluba palio.

1 Samuel 15:7

Tama Solgo hwįbo sę bomo mu ela pelama, tama te Amalek dabe aiyaba elaluali, te Havilago tǫde gagalasa pali, tama te tǫ wa pai bulu te Sur, te giliga pedalubo pedai badu, te Isip te badu usu nigi palio.

1 Samuel 29:4

Tiali goli, te ofisa dabego te Akisba wado po weyu, te po wai, “Aga te nago mani taunba ma geasa pomainu tagala palao. Nago aga te munu me da dali te hwįboba pomainu elamuo. Tiyu, aga homu hasegelama, tama da Filistia dabeba hwįyu, tama da ela muidalio. Te agai te tama tiyu da, teda te wiegi yai sunumi nigilibaso, te king Solgo aga wei ma eyu, te wiegi yai homu pemene yaibao.

Josua 11:6

Tialima, Genuai Bidigo Josuabolo te po wai, “Nage augwalide wi munu me elamuo. Do te tobage sogo ebode da, teda eno digi te Israel dabe augwali tau selama, tama augwaligo te boi bidi dabe tigidali ela muaibao. Tama dagego te hos dabe sągą genuai kigibili togolama, tama augwa te karis dabe dali siaba ulao,” wali.

2 Samuel 1:2

Tama te sela sogo wabode te gesi ogwa bidi me deli te Siklakba sabolali. Agai te aga ugwa pisilama, tama aga tobolude te tǫ piali, te aga homu dene ebo ola magasiyu tiai. Aga te Devitba pelama, tama kidu sugunama, tama gesabidi tǫba pogulama, Devitba homu dwagi yai ilali. Te bidi te Sol bidali pesage tagalama, asali.

Tigidali Nai Gagalama Nigali Side 24:62

Te Abrahamgo sę bidi agai te we gegeyu, tama digibulu mu peyu, digibulu ma asu, tama tibadi, te Aisak agai te bidi dabe augwali bidisiąwani badu taga soali, augwaligo te bulu nogi poali ‘Te ena subo Bidibo Ula Elalubo Bidigo wę ulu.’ Te nogi poai. Tama aga pelama, te Negeb pedai badu bidigi pai.

Josua 15:31

Siklak, Matmana, Sansana,

1 Samuel 15:8

Tama agai te Agak nogo pageabi yali, te Amalek dabe augwa king bidi da. Tama te Israel dabego te gasa tigidali Amalek dabe ela muani.

1 Samuel 27:6

Tialima, Akisgo te Devitgo po odama, tama agabolo te dwasianu taun me deli mani, augwa te nogi Siklak nogi yali. Tama tialima, te Siklak taun te Juda dabe kingo taun me pedelama, tama augwa taun elaluali te e buku asęani bidi dabe bidibo sogo usu nama elaluai dao.

1 Samuel 30:14

Da te saut te Juda tǫ pedai badu pelama, te Keret dabe dali hwįyu, te Juda dabe dali, me te Kalep dabe dali te hwįgi pelama, tama augwaligo doado bage sobadi yali. Tama da te Siklakba pelama, tama te taun siago ulubadi yali,” te po wali.

2 Samuel 1:1

Devit te aga ami dabe dali, augwaligo te Amalek dabe dali wąbi hwįani. Augwaligo te Amalek dabe aiyaba elalubo si da, teda augwa te Siklak taunba ma geasa solama, tama si sogo bidali. Te sogo te king Sol isalio.

2 Samuel 1:8

Tama agai enabolo te tama po hanalu wali, ‘Nage mena badu bidi dawe?’ Tama eno te po wai, ‘Ena te Amalek bidi me deli dao,’ walio.

2 Samuel 15:18

Tama king dolaludubadi, tama te ofisa dabe nogo sągą sąyu, tama polasa peyu, te king tonalubo ami bidi hani dabe dali pela wali, te augwali te hani Keret me Pelet hani dabe tama. Tama te Get hanu ami bidi tigidali te 600 bidi me te augwa nogo sągą sąsą pelayu, palio. Polobadu te 600 ami bidi dabe te Get hanude Devit dali bidai, tama augwa te aga wali asali.

Tuni Bidi Dabego Po Elalubo Buku Deli 12:21

Te bidi dabe augwali te polalubo ami dabe mu tama Devitgo augwali agai amide te ofisa dabe pedalumainu ilali. Tama augwaligo Devit tau selama, te hwįyu nai wi siyu ebo bidi hani dabe dali boi hwįai dao.

Jeremaia 41:12

Tama tialima, augwa ami hani dabe selama, te augwaligo Ismael wali pobelama, aga dali hwįainu yali. Tama augwali agaba sabolali, te taun Gibeon te genuai sigi ąį pąde elalubo madi pedaligi palio.

1 Samuel 29:10

Tialima, Devit, odao. Do da, te nage dali, te gasa Israel ami dabe dali, te huli tomode digi hogodama, tama doado bage sisi yao. Tama be posobo si da, teda dage hogodama, piąo,” wali.

Tuni Bidi Dabego Po Elalubo Buku Deli 12:22

Tama tigidali side te bidi hauwa te Devitba asesa aselama, te agai ami pedelainu yali. Tialima agai ami bidi hani te genuai mu pedelai.