1 Samuel 3:7 - Godigo dwagi yai po buku

⁷ Samuelgo te Genuai Bidi bugagia konebe, magi baso meni, Genuai Bidigo polobadu aga dali po me misąwai dao.

1 Samuel 3:7 Referans Kwoze

Godigo Sęba Tagala Palai Bidigo Po 19:2

Pol agai augwali te po hanalu wali, “Polobadu sogo dagego homu Jisasba mu muani sogo, te Godigo Dwagi Yai Mobo Bidi dage pageba asaliwe?” Augwaligo te po wei agade ponoyu, te po wali, “Godigo Dwagi Yai Mobo Bidi elalubo po dago polobadu odobeo,” wali.

Jeremaia 9:24

Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.

1 Korin 13:11

E tiwai yaibao. Polobadu ena dwasianu ogwa bidibadi, te sogo eno dwasianu ogwago po wabo tiwai yai dao. Eno te dwasianu ogwago homu ebo sę tiwai yai dao. Eno te dwasianu ogwago homu dodolobo kolesaga tiwai me eyu bidai dao. Eno kuna konesiąbaso, eno haniani sęde sǫą peyu bidali. Tiali goli nosali ena genuai bidi pedalama, tama eno bugagia konebaso, eno te dwasianu ogwago yali kolesaga yali te tagalai dao.

1 Samuel 3:6

tama nosali Genuai Bidigo aga i ma wali, tama Samuel te Eli pila muboba hodasa pelama, tama te po wai, “Nago ena i obaso, tama ena asalio.” Tiali goli, Eligo te po wali, “Ogwa, eno nage i me wabeo. Nage te naga betba pelama, ma pigi pao.”

1 Samuel 3:8

Tialima, nosali Genuai Bidigo Samuel te sela sogo weyu i wali, tama Samuel Eli bidiboba hogodasa pelama, te po wai, “Nago ena i obaso, ena asalio,” wali. Megi da, Eligo koneani, Genuai Bidigo naga te Samuel i obao walio.