1 Samuel 3:15 - Godigo dwagi yai po buku

¹⁵ Tialima, Samuelgo te po wabo odama, tama aga te betde pila munama, te be posa pali. Tama kigamude Samuel hodaluama, tama Genuai Bidigo be sunumi dagi pali. Tiali goli, Samuelgo te nade subo tiwai yali sę po te Elibolo wabo te aga wi yali.

1 Samuel 3:15 Referans Kwoze

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

1 Samuel 1:9

Me sogo deli sogo augwali te Silode bidalu, tama augwa nai tula silibo si, tialima Hana hogodasa palima, te Genuai Bidiba ofa maiabo name ugwa be pąba doligi pali. Te sogo te pris bidi Eli te aga duabo sia saide dulalubadi, te Genuai Bidigo be obo bagulali tomoba pabo sunumi pąde dao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

1 Samuel 3:10

Tama nosali Genuai Bidi ma dolagaselama, tama agaba i weyu, te polobadu wali po tiwai gilama wali, “Samuel! Samuel!” Tama Samuelgo te po wali, “Nago po megi da wao, ena nago sę bidi tama eno nago po waboba olo muai elalubao,” wali.

1 Samuel 3:16

Tiali goli Eligo Samuel i weyu, te tiwai wali, “Samuel, eno ogwa, nage e asao.” Tialima, Samuelgo te po wai, “Awe, ena asobao,” wali.

Tuni Bidi Dabego Po Elalubo Buku Deli 15:23

Tama augwaligo te Berekia, me Elkana, me Obetidom, me Jehia, te me si me si bidigo te Dąų Wali Bomai Po Muani Halobage tonaluabo bidi dąį ilali. Tama augwaligo te halobage tolasa asobodu polasa pabo pris meba dąį ilama, te bu wabo nai biugel bu ola pomainu yali. Te pris dabe nogi e dao, Sebania, me Josafat, me Netanel, me Amasai, me Sekaraia, me Benaia, me Elieser dao.