1 Samuel 29:1 - Godigo dwagi yai po buku

¹ Te Filistia dabego augwa ami dabe sese selama, augwa te taun Afekba sisinagasali. Tama te Israel dabe augwa bidabo pesage te wę ulu pedalubo pąde nigilali, te Jesril bulu odogode te wę ulu odolali te tǫde pedalubo madi bidali.

1 Samuel 29:1 Referans Kwoze

1 Samuel 4:1

Tama Samuelgo te Israel dabebolo te tigidali e sę ebo po obaso, augwaligo agai poba olo bugagia muani. Te sogo te Filistia dabego te Israel dabe dali boi hwįagasu asobaso, tama te Israel dabe hogodama, augwali dali te boi hwįgi pai. Tama te Israel dabe bidabo pesage te bulu Ebeneser te pąde nigilama bidali, tama te Filistia dabe bidabo pesage te hanu Afek pąde nigilama bidai.

Te Israel me Juda Hani Sigo Tuni Bidigo Po Elalubo Buku Deli 21:1

Te Nabot te taun Jesril bidi me deli da, tama agai wain gi te king Ahapgo genuai be pąde te Jesril taunde elaluali. Tama nosali te Siria dabego genuai boi hwįagasali side,

Te Israel me Juda Hani Sigo Tuni Bidigo Po Elalubo Buku Deli 20:30

Tama te Siria gasa ami bidi dabe te taun Afek tomoba wi pai. Tama te taun bagulali genuai masigigo nigali obo aluasa dulu, te augwali mesega sigulama, te bidi sese umabo bidi, te 27,000 bidi te tiwai isai dao. Benhadat me wi pali, te taun tomoba pelama, te be me deli dąį habuba geme duala sigi pali.

Josua 19:30

me Uma, me Afek, me Rehop, te tama tǫ me hanu sobadi yali. Te 22 hanu, te tama hanu badi, te pąde elaluali bulu dabe dali sobadi yali.

Josua 12:18

Afek, Lasaron,

Te Israel me Juda Hani Sigo Tuni Bidigo Po Elalubo Buku Si 9:36

Tama augwali ma begasa pelama, te Jehubolo te sę yali po pusugi pali, tama agai e tama po pusali, “Te sę te Genuai Bidi God aga sę ebo bidigo pedauwalidu wali podu dolo mu pedalali, te Elaija aga te Tisbe hanude bidali bidi dao. Genuai Bidigo e tama po wai dao, ‘Te kwin we Jesebel isibo sogo, te yowigo agai tigi tueibao,’ wali, ‘te Jesril hanu tǫde tiaibao.

Te Israel me Juda Hani Sigo Tuni Bidigo Po Elalubo Buku Si 9:30

Tama te Jehu aga hani dali augwaligo te king Ahasia pobeasa pelama, tagaligi pai, tama augwali ma te Jesril hanu tųdu ma begasa asai. Tama te kwin we Jesebel te bulu pedai badu bidibo da, tama agai po odali, e tama po wai, Joram isai dao wali. Tama tialima, te kwin we Jesebel aga te gedude me, te aga tobolude me au yai, tama tilama, te kingo sigi be te dwasianu windo tųde dolaluyu, te tųba aiyaba tonaluai.

Te Israel me Juda Hani Sigo Tuni Bidigo Po Elalubo Buku Deli 21:23

Te Genuai Bidigo po te nago we Jesebelde me elaluali. Agai te tama po wai, ‘Te Jesebel isibo si da, te yowi dabego agai tigi te Jesril obo banis pąde tueibao,’ Genuai Bidigo te po wai dao.

1 Samuel 28:4

Te Filistia dabego te Israel dabe dali hwįainu yai. Tialima, te Filistia ami dabe te not pedai badu pelama, tama te augwa osogo bidabo pesage te Sunem taun pąde nigai. Tama Solgo te Israel ami bidi dabe sisinama, tama augwali pelama, te augwa bidabo pesage te bulu du Gilboade nigilama bidali.

Te Israel Tobolu Bidi Dabe 6:33

Megi da, te Midian dabe me, te Amalek dabe me, tama te olo kemi tǫ bulude bidibo bidi dabe me, augwali sisinai elaluali. Augwaligo te wę Jordan nogelama, tama te Jesril tǫ malu odogo bulude te osogo bidibo pesage nigilama bidai.

Josua 19:18

Te tǫ pedaigo te Jesril, Kesulot, Sunem, te tama hanu sali,

1 Samuel 28:25

Te nai sisi ela silama da, teda te wego te nai te Solba me, te aga ofisa dabe daliba, sela asama tama augwali tuali. Augwa tula silibo si da, teda te sogo hulide naga augwa te we taga soyu, tama soalio.

2 Samuel 2:9

Augwali te Mahanaimde bidalu, tama Apnergo te Isboset te Gileat tǫ, me Aser, me Jesril, me Efraim, me Benjamin, me te Israel tǫ tigidali tǫ gasa badu, te tama bulu bage bidigo king bidi pedalumainu nigilali.

2 Samuel 5:17

Te Filistia dabego te tama po odoyu, te Israel dabego te Devit te augwa king bidi nigilali po odobaso, tama te Filistia dabe hogodama, te hwįgi pelama, aga sainu yai. Tiali goli, Devitgo augwaligo te sę yabo koneama, te geme duala sigi pabo bomai pesageba dulama, tede bididuai.

Godigo Nogi Ugwaba Sabo Tęąbi Po Wabo Buku Dabe 83:7

Tama te Gebal dabe me, te Amon dabe, tama te Amalek dabe me dao. Te hani bage dabe, augwali te augwali te Filistia badu, me Tair badu bidali.

Josua 17:16

Tama te Josepgo wąį dabe augwaligo te po wali, “Te bulu du me te da usu me egobeo. Tiali goli, te Kenan dabe te malu tǫde bidiyu, tama te Betsande te pąde elalubo dwasianu bulu dabe dali, te Jesril malu tǫde me bidibo, augwaligo te boma pai hwįabo nai ain karis dabe elalubao,” wali.

Te Israel Tobolu Bidi Dabe 7:1

Tialima Jerubal, te tiwai te Gideon nogi, te aga bidi dabe dali tigidali augwali te kigamu digi mu hodaluama, tama augwaligo augwa osogo bidabo pesage te wę ulu Harot sesegede nigai. Tama te Midian dabego osogo bidibo pesage te Morego bulu du aiyadu pąde elaluali. Te Jerubalgo bidibo pesage pąde elaluai, tama aga hani meba te not badu bidai.