1 Samuel 28:12 - Godigo dwagi yai po buku

¹² Tialima, te wego te Samuelba i wali, tama agai te Samuel pedalubo sogo sulama, aga te i dwai mu weyu, tama te Solbolo te tama po wali, “Magi baso nago ena usu sobawe? Naga digi nage te king Sol dao!” Te wego te po wai.

1 Samuel 28:12 Referans Kwoze

Te Israel me Juda Hani Sigo Tuni Bidigo Po Elalubo Buku Deli 14:5

Tiali goli, te we te profetgo beba sabalisiąbadi yaide, Genuai Bidigo te profet Ahiyabolo e tama po wali, “Te king Jeroboamgo ogwa moni gasi ebao,” wali. “Tama te king Jeroboamgo we aselama, te nagebolo hanalu wagasaibao, agai wai ma usu ilaibawe, ma meniwe, po hanaluyu wagasobao. Tama te we aga te gasa we gagawai mu elama asu, nagebolo ili po mu waibao,” wali. Tama te Genuai Bidi agai te profet Ahiyabolo te king Jeroboamgo we asobode pusabo po dabe ola mani.

1 Samuel 28:3

Polobadu te Samuel isibaso, tama tigidali Israel te agade gela olama, tama augwaligo aga te Ramade pubulali, te aga taunde digi. Tama te sogo Solgo te tigidali bidi me we te isali bidi dabe noma bidi dali po mibo we bidi augwali ela gudulali. Tama agai te bidi dabe te Israelde bidimainu me ebeo.

Tigidali Nai Gagalama Nigali Side 29:25

Tama kigamu, tegoba! Jekopgo Lea sulama koneyu, tama agai Labanbolo te po wai, “Magi baso nago te tiwai kolesaga enabolo yaliwe? Eno te Resel sainu nagede sę dene ebo sę yai. Magi baso nago ena ili po ola maniwe?” wali.

1 Samuel 28:11

Tama te wego Solba hanalu wali, “Tialima, nago homugo eno de i omainuwe?” Tama Solgo te po wali, “Nago te Samuel i wao.”

1 Samuel 28:13

Tama kingo te po wali, “Tagalao, nage wi me elamuo. Nago magi nai sualiwe?” Tialima, te wego te po wali, “Eno te bidi noma me deli te tǫ daidu asobo sualio.”