1 Samuel 27:8 - Godigo dwagi yai po buku

⁸ Te sogo Devitgo aga hani bidi dabe dali te pelama, te Gesurba, me Girsi, me Amalek, te tama bageba hwįgi pali. Te hani bage te Israel dabego boi bidi dabe elaluai, tama augwali te Isip pąde, te tǫ wa pai bulu te saut pedai badu bidali. Tama augwali tede te kibu be bidi sese umabo mu bidai dao.

1 Samuel 27:8 Referans Kwoze

Josua 13:2

Te elalubo bulu dabe te e dao: te tigidali Filistia dabego bulu me, te Gesur dabego bulu tigidali badi,

Josua 13:13

Tiali goli, te Israel dabe augwaligo te Gesur dabe, me te Maka dabe dali te augwali ela gudulube. Augwali te Israel dabe dali hodobo bidada peyu, tama megi e po asębo sogoba usu nagasai.

Te Israel Tobolu Bidi Dabe 1:29

Tama Efraimgo hanigo te Kenan we bidi te Geser hanude bidali te augwali me ela gudulisiąwai. Tama te Kenan we bidi augwali dali tede me bidaluai.

Josua 16:10

Tiali goli, augwaligo te Geserde bidali te Kenan bidi dabe te augwali me ela gudulubeo. Tama te Kenan dabe te Efraim dabe tomode bidaluali. Tama te Efraim dabego te Kenan dabe te augwaligo olo sę ebo bidi tiwai sę emainu yalio.

Tuni Bidi Dabego Po Elalubo Buku Deli 2:23

Tialima te Gesur me Siria te hani dabego te boi hwįagaselama, te Jairgo taun dabe sobadi te taun Kenat dali te aga pąde elaluali taun dabe me salio. Augwaligo te 60 taun dabe salio. Te badu we bidi dabe augwali te Makirgo bulali wąį nǫų dabe da, te Gileatgo aya dao.

2 Samuel 15:8

Magi baso meni, te ena te Gesur te Siria tǫ pedaide bidali sogo, eno te tama bomai po Genuai Bidiba dąų walali, te Genuai Bidigo ena te Jerusalemba ma odasa pabo sogo da, teda eno te agaba lotu waibao po wai,” Apsalomgo te po wali.

2 Samuel 14:32

Tama Apsalomgo te tama po wei ponani, “Eno nageba po ola toliyu, te nago ena suagasao wali, tiali goli nage asisąwai. Eno homugo nago te eno po selama, te kingba wagi pomainu homu yai. Eno po te tama tiwai. Te magi baso dagego ena te Gesurde bidibadi selama, te Jerusalemba ma odasa asali, te page eno konemainu yali. Te ena Gesurde me bididugi sogo da, teda wiegi yai mu igi dao. Tialima, megi da, eno homugo nage te kingba pelama, agabolo hanalugi pao, te agai te eno aga sugi pabo te usu da po wagowe? Tama agai homugo te eno dwai sę yai da homu ebaso da, teda aga ena ela mumainu yaibao,” wali.

2 Samuel 14:23

Tialima, Joap hogodolama, te Gesurba pelama, tama Apsalom te Jerusalemba ma odasa asai.

1 Samuel 30:1

Te Devit dali, aga ami bidi dabe dali, te sela sogo solama, tama augwali te augwa taunba sabolali, te Siklak taun, tama augwaligo te Siklak taun dolai sualio. Devit te Filistia ami dabe dali bidali sogo te Amalek dabe aselama, te saut badu bidali Juda we bidi dali hwįagasali. Tama augwaligo te Siklak dabe dali hwįnama, tama augwali aiyaba elaluama, tama te taun siyu, te taun siago ulali.

Ma Dobola Sali 17:8

Tama nosali Amalek hani bidi dabe aselama, Israel dabe te Refidim bulude bidibadi hwįagasai.

Ma Dobola Sali 15:22

Nosali Mosesgo Israel dabe augwali te mama tamu wę tagalama odasa pali, tama augwali te wa pai ni meni yai bulu Sur tedu pai. Tama augwali sela sogo te wa pai nai meni yai buludu pai, tama augwaligo wę me subeo.

Josua 12:5

Okgo te bulu du Hermon badu me, te Saleka, me te tigidali Basan badu pelama, te Gesur dabe badu, me Maka te sesegeba usu nigi pelama, tama te Gileat badu te tuni bidi Sihongo tolalubo badu sigi pelama, tonalubo dąį yai.

1 Samuel 29:6

Tama tibaso, Akisgo te Devit i olama, agabolo te tama po walali, “Te Sesemane Sogo Bidada Pabo Genuai Bidigo nogide, te dage Israel dabego God dao, eno te tiwai mu po nagebolo obao, nage te doloba pai bidi, tama ena digi eno homugo te nage ena dali asu, tama te wąbi hwįbo side da tau somai da homu eyu, wiegi yai homu yai. Eno te magi dwai sę nago ebo te susiąbadi, nage enaba asali sogoba usu nama te megi sogoba dąį yagasobao. Tiali goli, te gasa king dabego te nage da dali asomai da homu usu ebeo.

2 Samuel 3:3

Te tomo ogwa te Kileap. Te Kileapgo ida te Abigel, te Karmel bulu we. Polobadu Abigel te Nabalgo we da, tiali goli te Nabal isibaso, tama Devitgo aga sali. Te sela wali ogwa te Apsalom. Te Apsalomgo ida te Maka, te king Talmai te Gesur bulu bidigo wegi dao.

2 Samuel 3:22

Apner te Hebronde osogo bidali sogo, te Joap dali, te Devitgo ami bidi dabe dali, augwali te sogo tede bidisąwai. Augwali te boi bidi dabeba hwįgi pai. Tama dwasianu bidama gana, nosali Devitgo te Apner tagala palama pai madi, te Joapgo hanigo te hwįbode sali hauwa doado dali augwali te Hebronba sabolali.

2 Samuel 8:12

Agai te silva me gol dabe te Idom dabede, me Moapde, me Amon dabede, me Filistia dabede, me Amalek dabede te nai dabe sali, tama te Soba hanu tǫ te king Hadateserde te me sai dao. Agai te tobage sali nai dabe tigidalide te Godigo nai dao po olama, Godiba maduali.

Israel Hanigo Namba 13:29

Te Amalek dabe te saut badu bidibo, te Negevde. Tama te Hit dabe me, Jebus hani dabe me, Amor hani dabe me, augwali te bulu du badu bidibo suali. Tama te Kenan dabe te genuai tamu ąį Mediterenian pąde bidibo, tama me badu te wę Jordan sesegede bidibo,” augwaligo te po wai.

Israel Hanigo Namba 14:45

Tiali, te Israel dabe augwali pali, tama te Amalek dabe me Kenan dabe augwali bulu du taga solama, edaba dulama, te Israel dabe dali hwįagasali, tama augwali aiyaba elaluali. Tama augwaligo te Israel dabe pobeasa pelama, te hanu nogi Hormaba usu nigi pali.