1 Samuel 27:6 - Godigo dwagi yai po buku

⁶ Tialima, Akisgo te Devitgo po odama, tama agabolo te dwasianu taun me deli mani, augwa te nogi Siklak nogi yali. Tama tialima, te Siklak taun te Juda dabe kingo taun me pedelama, tama augwa taun elaluali te e buku asęani bidi dabe bidibo sogo usu nama elaluai dao.

1 Samuel 27:6 Referans Kwoze

Nehemia 11:28

Tama meba te Siklakde bidali, me te Mekonade, me te Mekona pąde elalubo bulu dabede bidai.

Josua 15:31

Siklak, Matmana, Sansana,

Tuni Bidi Dabego Po Elalubo Buku Deli 12:20

Tama Devit te aga bidali taun Siklakba ma soali sogo, te Manasego ami hani bidi aga dali soalio. Augwa nogi e tama da, Atna, me Josabat, me Jediael, me Maikel, te me gasa Josabat, me Elihu, me Siletai. Te Manase hanigo amide augwali te bidi sese hauwa te 1,000 amigo ofisa bidi bidai dao.

Tuni Bidi Dabego Po Elalubo Buku Deli 12:1

Te Sol, Kisgo ogwa, agai te Devit pobeasa bilibo sę ebaso, Devit pelama, te taun Siklakba bidigi pali. Devit te Siklakde bidibadi, tama te bomai ami bidi dabe meba aga dali bidagasali. Tama augwaligo aga te boi hwįbo tau siyu bidalio.

Tuni Bidi Dabego Po Elalubo Buku Deli 4:30

me Betuel, me Horma, me Siklak,

2 Samuel 1:1

Devit te aga ami dabe dali, augwaligo te Amalek dabe dali wąbi hwįani. Augwaligo te Amalek dabe aiyaba elalubo si da, teda augwa te Siklak taunba ma geasa solama, tama si sogo bidali. Te sogo te king Sol isalio.

1 Samuel 30:14

Da te saut te Juda tǫ pedai badu pelama, te Keret dabe dali hwįyu, te Juda dabe dali, me te Kalep dabe dali te hwįgi pelama, tama augwaligo doado bage sobadi yali. Tama da te Siklakba pelama, tama te taun siago ulubadi yali,” te po wali.

1 Samuel 30:1

Te Devit dali, aga ami bidi dabe dali, te sela sogo solama, tama augwali te augwa taunba sabolali, te Siklak taun, tama augwaligo te Siklak taun dolai sualio. Devit te Filistia ami dabe dali bidali sogo te Amalek dabe aselama, te saut badu bidali Juda we bidi dali hwįagasali. Tama augwaligo te Siklak dabe dali hwįnama, tama augwali aiyaba elaluama, tama te taun siyu, te taun siago ulali.

1 Samuel 19:5

Te agai Goliat elali sogo, te aga isabo me, te aga bugagia bidabo, te me agai tǫba eyu godolo me ebeo. Tama tialima, te Devitgo nogode, Genuai Bidigo da Israel tau sabo te geninama mu elalu, tama te boi bidi aiyaba mu elalualio. Tama naga digi sulama, tama nage wiegi yai homu pemene mu yai. Agai te dwai sę me eyu, tama magi nai me delide dwai sę yali me elalubeo. Tama tialima, magi baso nago aga olo dali ela muainu ebawe? Te nago tama tiyu da, teda nago dwai sę yali elalueibao,” te po wali.

Josua 19:5

Siklak, Bet Markabot, Hasarsusa,

1 Samuel 27:5

Nosali Devitgo te king Akisbolo te tama po wai, “Te nago ena wei ebaso da, teda nago ena te nago dwasianu buside elalubo taun me deliba ena bidigi pomainu yao. Tiyu, da nage dali te genuai taunde bidiyu, tama nago da tonalubo sę dene yabuo,” wali.

1 Samuel 29:4

Tiali goli, te ofisa dabego te Akisba wado po weyu, te po wai, “Aga te nago mani taunba ma geasa pomainu tagala palao. Nago aga te munu me da dali te hwįboba pomainu elamuo. Tiyu, aga homu hasegelama, tama da Filistia dabeba hwįyu, tama da ela muidalio. Te agai te tama tiyu da, teda te wiegi yai sunumi nigilibaso, te king Solgo aga wei ma eyu, te wiegi yai homu pemene yaibao.