1 Samuel 27:12 - Godigo dwagi yai po buku

¹² Tialima, Akisgo te Devitba homu kęą peyu, tama tiwai homu yali, ‘Agai te Israel dabeba hwįgi peyu, te aga abagi dabeba digi hwįgi poba,’ homu elama, ‘tama tibaso, augwaligo aga wei ebo homu meni yani. Megi da, te agai ena tau siyu, tama eno sę sesemane sogo yaibao,’ te po wai dao.

1 Samuel 27:12 Referans Kwoze

1 Samuel 13:4

Te bidi dabego te tiwai po augwalibolo wali, Solgo te Filistia hani ami bidi dabe aiyaba elalubaso, tama megi da, te tigidali Filistia dabego te Israel dabe dali boi bidi ebao. Tialima, te bidi dabego te po odama, tama augwali Sol dali te Gilgal buluba sisinagasai.

Tigidali Nai Gagalama Nigali Side 34:30

Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.

Ma Dobola Sali 5:21

Tama augwaligo te bidi si dali te po wai, “Dena homugo te Genuai Bidi Yawego dage sigo kolesaga osola suao, tama Genuai Bidi agai dage sibolo dene mawaibao, magi basowe, dage sigo te tuni bidi dali, te aga tobolu bidi dabe dali, augwaligo da te dwai nai tiwai mu, te homu ebo dage sigo ilalio. Te tuni bidigo da elemainogo dage sigo tų nigibao,” te po wai.

1 Samuel 27:11

Te Devit pelama hwįgi pabo sogo, agai te tigidali we bidi ela muyu yali. Agai te tama homu yali, ‘Tiyu me deli te Get taunba pelama, tama augwaliba te eno me, ena hani bage dali, dago ebo sę po wagi pidali,’ homu yai. Tigidali sogo Devit te Filistiade bidu, te tama kolesaga naga yalio.

1 Samuel 28:1

Dwasianu bidama gana, nosali te Filistia dabe augwa ami bidi dabe sisinama, te Israel dabeba hwįgi painu yai. Tama Akisgo Devitba te tama po wali, “Te nago koneani, te nage dali te naga hani bidi dabe te ena dali pelama, te Israel dabe dali hwįgi painu homu ebo, agawe?”

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.