1 Samuel 26:7 - Godigo dwagi yai po buku

⁷ Tialima, te sogo hulide Devit dali Abisai si te Solgo bidibo pesage tomoba pai. Tama augwali sigo suali, aga te pesage tomode pila muyu, tama aga sesemone ene te aga tobolu pąde te tǫba tulama elaluali. Tama Apner dali te ami bidi dabe daligo aga bagua selama, piai elaluali.

1 Samuel 26:7 Referans Kwoze

Tigidali Nai Gagalama Nigali Side 45:19

Nago augwalibolo te Isipde te karis meba dali selama, te augwaligo augwa we wai puluba dali sela asomainu te po wao. Te augwaligo augwa aya me eba odasa asao po wao.

1 Samuel 17:20

Tialima, te sogo nosali Devit te kigamu mu hogodama peyu, tama gasa bidibolo te sipsip dabe tonaluao po wali. Tama agai te nai dabe selama, te Jesigo agabolo wali gilama te bage bidalubo pesageba pali. Tama te Israel dabe te hwįbo pesageba pobadi, te aga augwali bidibo pesageba pedelali. Te ami dabego i weyu, genuai po dagą dali pelawali.

1 Samuel 26:6

Tama Devitgo te Ahimelek te Hit hani, me Abisai, te Devit aga abe Seruiago ogwabolo walali. Abisai aga te Joapgo ama da. Devitgo augwali sibolo te tama po wali, “Te dage sigo de te Solgo bidibo pesageba pabo homu ebowe?” Tama Abisaigo te po wali, “Ena paibao.”

1 Samuel 26:8

Tialima, Abisaigo Devitbolo te tama po wai, “Megi da, te Godigo nago boi bidi te nago nogoba muanio. Te eno aga te aga sesemone enego digi enemainu eyu, te tǫba dąų walumainu ilao. Te eno aga deli sogo naga enama, tama aga isaibao. Eno aga si sogo me enegobeo,” wali.