1 Samuel 26:24 - Godigo dwagi yai po buku

²⁴ Eno te tama homu yali, eno homugo te nage dologobeo. Menio, eno nage te bugagia bidimainu ilali. Tialima, megi da, eno homugo te Genuai Bidigo te tiwai wiegi yai kolesaga enaba emainu homu yali, tama eno sęgę tigidali silama, te ena bugagia bidainu homu ebo dao,” te po wai.

1 Samuel 26:24 Referans Kwoze

Matyu 5:7

Te gasa bidi dabe augwali dali homu dene eyu augwali olo mu tau sabo we bidi dabe, te augwali homu pemene wiegi yai emainao. Te Godigo augwalibolo me te homu dene eyu olo mu tau sabo kolesaga yaibao.

Kraisgo Geme Dualali Sę Pedelabo Po Jonbolo Ola Mani 7:14

Tama eno agabolo te po wei ponai, “Genuai bidi, naga digi nago koneai.” Tama agai enabolo te po wai, “Te we bidi dabe augwali te boi bidigo nogode genuai sęgę dali te dene dali sali we bidi dabe dao. Tama augwaligo te sęgę bugagia tolaluama, tama te sęgę tolalubo sogo silalio. Tama augwaligo augwa ugwa te kibu sipsip wai kanemego ąį telawai, tama augwaligo ugwa te tedela yai dao.

2 Tesalonaika 3:2

Dagego koneai, bidi hauwa augwaligo Godigo dwagi yai po odoyu, homude dąų wabeo. Tama tibaso, te tobage mu dwai sę ebo bidi dabe augwaligo da Godigo po sela pabo bidi dali dwai sę idali weyu, dagego te sęde me Godibolo gedu haluasa po wao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Matyu 7:2

Te dagego gasa we bidigo ebo kolesaga osola sulama, tama augwali sęgę mabo tiwai gilama tama God agai dagego ebo kolesaga me osola sulama, tama dagebolo sęgę mawaibao. Dagego augwali usu sali usu nigo naga te Godigo dage me usu saibao.

Godigo Nogi Ugwaba Sabo Tęąbi Po Wabo Buku Dabe 144:2

Agai te ena godolo ebo God da, tama ena sesemane bobegelalubo dao. Tama aga te geme duala sabo pesage elalu, te ena ma sali. Eno konealubo homu agaba kęą pobaso, tama agai ena bugagia bidimainu ebo dao. Agai te Israel hani isąwai we bidi dabe aiyaba elaluama, ena dologoba munama, bidibo dao.

Godigo Nogi Ugwaba Sabo Tęąbi Po Wabo Buku Dabe 54:7

Nago ena tau selama, tama enaba te pedelali tigidali sęgęgo te ena aiyaba me elalubeo. Tama eno suali, te nago eno boi bidi dabe aiyaba elalubo subo dao.

Godigo Nogi Ugwaba Sabo Tęąbi Po Wabo Buku Dabe 18:48

Genuai Bidi, naga digi ena tau selama, tama te boi bidi dabego ena me dolobeo. Mu tama, Genuai Bidi, nago naga ena te hwįbode tau selama, tama eno te boi bidi dabe aiyaba elaluai. Nago ena tau siyu, tama te hwįbo bidi dabego ena me ela mubeo.

Godigo Nogi Ugwaba Sabo Tęąbi Po Wabo Buku Dabe 18:25

Te bidigo nage wali mu asobaso da, teda nago te nago po dolo wali pelama, tama nago aga tonalubo dao. Te bidi dolasa biliyu, tama te magi naide te magi me deli isiąbaso, nago agade te wiegi yai homu ebo dao.

Godigo Nogi Ugwaba Sabo Tęąbi Po Wabo Buku Dabe 18:1

God, eno nage wei mu ebao. Nago ena dąų walai.

Tigidali Nai Gagalama Nigali Side 48:16

Te mobo bidi enselgo tigide pedelali God, te agai ena tonaluyu, tama ena me dolobe, eno homugo aga digi mobo te augwali si momainao. Te eno homugo te eno nogi me, te eno wąį Abrahamgo nogi me, te eno aya Aisakgo nogi me, te augwali sigo hanide elaluaibao. Te augwali sigo wai hauwa mu ame nenama, tama genuai hani bage pedelaibao. Godigo augwali side tama timainao,” wali.

1 Samuel 18:30

Te hauwa sogo te ami dabe augwa polalubo bidi kepten tego te Filistia ami bidi dabe odasa asu, te Israel dabeba hwįagasali, tiali goli Devitgo aga ami bidi dabe daligo te hwįbo bomo mu eyu, tama augwali aiyaba elalu iduali. Te Solgo gasa ofisa dabe te augwa hani ami dabe dali te augwaligo hwįbo bomo te Devitgo hwįbo bomo tiwai gilama me ebeo. Tama tibaso, te we bidi dabego te genuai nogi Devitba mayu yai dao.

1 Samuel 24:16

Devitgo po ola silibo side, tama Solgo agabolo te po wali, “Devit, eno waio, nago digi enaba te po oba, agawe?” Tama Sol gela walio.

2 Samuel 4:9

Tiali goli, Devitgo augwali siba te tiwai po wei ponani, “Te Sesemane Sogo Bidibo Genuai Bidigo aga ena te dolabo te tobage sę dabe ma dobola sali. Tama aga nogide, eno dagebolo te tiwai mu po obao.

Godigo Nogi Ugwaba Sabo Tęąbi Po Wabo Buku Dabe 34:20

Genuai Bidigo aga mu tonaluaibao, tama agai tigigo dili me deli me togwa pogobeo.