1 Samuel 26:23 - Godigo dwagi yai po buku

²³ Genuai Bidigo te aga bugagia wali mu pabo bidi te wiegi yai iliyu, tama te doloba pai kolesaga ebo bidiba me te wiegi yai ilaibao. Nago homugo te megi naga agai nage te eno nogoba muani, tiali goli eno nage me dolobeo. Magi baso meni, eno koneani, te Genuai Bidigo nage sa munama, nage te king bidibao.

1 Samuel 26:23 Referans Kwoze

Godigo Nogi Ugwaba Sabo Tęąbi Po Wabo Buku Dabe 62:12

“Tama sesemane sogo eno te tigidali we bidi godolo mu ebao.” Te po wabo si eno mu odalio. Genuai Bidi, nago te da tigidali we bidigo ebo kolesagade usu nama, te sę wei si ma ilibo dao.

Nehemia 13:14

Tama God, eno homugo nago eno te yali tigidali sę te nago be tonaluali, me te lotu wabo dodolobo sę yali kolesaga, te nago homugo konemainu yai. Eno homugo te eno wiegi yai sę yali po te nago naga bukude sela sągio.

Te Israel me Juda Hani Sigo Tuni Bidigo Po Elalubo Buku Deli 8:32

teda Genuai Bidi, nage te dagalude bidiyu, tama nago augwali sigo te po wabo odolama, tama augwaligo te po tų dodolao. Tama nago te dwai sę yali bidiba te dwai dene ilama, tama te dwai kolesaga agaba wei ponao. Tama nago te dwai sę isiąwani bidiba te wiegi yai sę eyu, te agai dwai sę isiąwani te bidiba ola mayu, te tama tiao,” wali.

1 Samuel 26:11

Genuai Bidigo agai te sa muani king te eno aga dolomainu ilibeo. Dago te agai sesemone me te sene wę naga selama, tama da pinao.” Devitgo te po wali.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

1 Samuel 24:12

Genuai Bidigo digi te da sigo ebo kolesaga dagalama, tama dego te dwai sę yali sueibao. Agai nageba te dwai dene mayu, te nago ena dali yali dwai kolesaga wei ponoyu tiaibao. Tiali goli, eno digi eno te nageba dwai sę me iligobeo.

1 Samuel 24:18

Tama megi tama nago ena pusali, nago wiegi yai kolesaga enaba elama, tama ena nago nogoba te Genuai Bidigo muani sogo, nago ena me ela mubeo.

1 Samuel 24:19

Eno koneani, te bidi me deligo aga boi bidi dolabo sunumi elalubaso da, teda agai te aga olo me tagala palogobeo. Tiali goli, nago te wiegi yai kolesaga megi enaba yaligo, tama tiyu eno homugo te Genuai Bidigo nage wiegi yai bugagia mu ilimainu yaibao.

1 Samuel 26:22

Tialima, Devitgo Solbolo wali, “King, odao. Te nago sesemone ene te eno nogode elalubao. Eno homugo te nago bidi me deli tagala palama, sagasomainu yao.

2 Samuel 22:21

“Eno te doloba pai kolesaga wali pobaso, tama tiyu, Genuai Bidigo te wiegi yai nai hauwa enaba mawai. Eno te dwai sę me deli isiąbaso, tama Godigo ena wiegi yai bugagia ilai dao.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

2 Samuel 22:25

Tama tiyu, Genuai Bidigo eno doloba pai kolesaga te homu kone palama, tama agai wiegi yai kolesaga enaba wei ponani, magi baso meni, ena te aga gedude magi dwai sę isąyu, te wiegi yai mu bidali.”

Jopgo Po Asęani Elalubo Buku 34:11

Agai da bidi dabe dago kolesaga dolo osola sulama, tama dago te yali sęde naga usu nama, te dene mabo dao.