1 Samuel 26:21 - Godigo dwagi yai po buku

²¹ Solgo te po odama, tama Devitba te tiwai po wai, “Hobede da. Eno dwai kolesaga yali. Tiali goli, Devit, te eno wai, nage enaba ma geasa asao. Eno nage dolabo usu me sogobeo, magi baso meni, te e sogo hulide nago ena me ela mubeo. Mu tama, te eno ebo kolesaga te mu geda muani. Eno dwai sę ebo te dwasianu me ebeo,” wali.

1 Samuel 26:21 Referans Kwoze

1 Samuel 24:17

Tama agai Devitba te tiwai po wali, “Nage wiegi yai bidi, te ena da dwai bidi mu dao. Nago enaba wiegi yai kolesaga mu yali, tiali goli eno dwai kolesaga nage dali yalio.

1 Samuel 15:24

Tama Solgo te tiwai po wei ponani, “Awe. Eno dwai sę yalio, tama eno Genuai Bidigo po me, nago po me, sela sąwani. Ena te ena ami bidi dabede wi ebaso, tama eno augwaligo po wali pai dao.

Ma Dobola Sali 9:27

Tama tuni bidigo po ola toloyu, te Moses de Aron si asao, te po wai. Tama augwali si aselama, tama tuni bidigo augwali dali te po wali, “Megi eno dwai sęgę salio. Genuai Bidi Yawego doloba pai kolesaga yai, tiali goli ena dali, te eno we bidi dabe dali, dago dwai kolesaga yalio.

Matyu 27:4

Tama agai augwalibolo te po wai, “Eno dwai sę elama, sęgę salio. Eno te magi dwai sę me isąwai bidi te boi bidi dabego nogoba manigo, tama aga isaibao,” wali. Tiali goli augwaligo te po wai, “Te dago sę menio. Te naga sę tali dao.”

1 Samuel 15:30

Tama Solgo po wei ponoyu, te tama po wali, “Mu da, eno dwai sę yalio. Tiali goli, te nage ena dali asobo homu usu eyu da, te eno dago Genuai Bidi Godiba lotu wagowe? Tama tiyu da, nago te tobolu bidi dabe me te gasa we bidi dabego te augwa homu ena bugagia ma konemainu ilao,” te po wai.

Godigo Nogi Ugwaba Sabo Tęąbi Po Wabo Buku Dabe 116:15

Te Godigo we bidi dabe aga gedude te usu mu elaluali. Tama me deli isibaso da, te aga magi homu me ebe, te olo nai da homu ebeo.

Godigo Nogi Ugwaba Sabo Tęąbi Po Wabo Buku Dabe 49:8

Bidigo mone masigigo God abelama, tama Godigo aga te bidibo ulade bidao omainogo, tama aga isidali weyu, dago tama tiali usu munu me egobeo.

1 Samuel 27:4

Solgo te tiwai po sabilibo odali, Devit wi pelama, te taun Getde bidibo po odobo sogo, agai te aga munu ma pobeasa me bilibeo.

1 Samuel 26:24

Eno te tama homu yali, eno homugo te nage dologobeo. Menio, eno nage te bugagia bidimainu ilali. Tialima, megi da, eno homugo te Genuai Bidigo te tiwai wiegi yai kolesaga enaba emainu homu yali, tama eno sęgę tigidali silama, te ena bugagia bidainu homu ebo dao,” te po wai.

1 Samuel 18:30

Te hauwa sogo te ami dabe augwa polalubo bidi kepten tego te Filistia ami bidi dabe odasa asu, te Israel dabeba hwįagasali, tiali goli Devitgo aga ami bidi dabe daligo te hwįbo bomo mu eyu, tama augwali aiyaba elalu iduali. Te Solgo gasa ofisa dabe te augwa hani ami dabe dali te augwaligo hwįbo bomo te Devitgo hwįbo bomo tiwai gilama me ebeo. Tama tibaso, te we bidi dabego te genuai nogi Devitba mayu yai dao.

Israel Hanigo Namba 22:34

Tialima, Balamgo Genuai Bidigo enselbolo te po wei ponani, “Eno dwai kolesaga yalio. Eno konebeo, nago ena elainu sunumide dolalubo eno subeo. Tama tialima, megi nago ena pabo godolo isąma ebaso da, teda ena ena buluba ma geasa paibao,” wali.

1 Samuel 26:22

Tialima, Devitgo Solbolo wali, “King, odao. Te nago sesemone ene te eno nogode elalubao. Eno homugo te nago bidi me deli tagala palama, sagasomainu yao.

Godigo Nogi Ugwaba Sabo Tęąbi Po Wabo Buku Dabe 72:14

Te dwai sę ebo bidi dabego augwali elaluama, tama augwali dolainu ebaso da, agai augwali ma siyu ebo dao. Agai augwali godolo elama, wei ebaso te tiwai eyu ebo dao.

1 Samuel 13:13

Tialima, Samuelgo agabolo te po wai, “Nago kolesaga mu geda muanio. Nago te dena Genuai Bidi Godigo te nagebolo mani po, te nago wali me pabeo. Te nago agai po wali pigi sogo da, teda agai nage me, naga hani daligo me, te Israel bage sesemane sogo tonalumainu iligi dao.

Te Israel me Juda Hani Sigo Tuni Bidigo Po Elalubo Buku Si 1:13

Tialima, kingo gasa kepten me dali, te 50 ami bidi dali, te Elaija pageba ma tagala palali. Tiali goli, te sela wagi siyu pali kepten, te bidi agai te e tiwai kolesaga yai, aga te Elaija bidibo bulu duba holama, tama aga te Elaija bidibo pąba sabolama, tama te kepten agai te kidu sugunama, Elaija agabolo e tiwai po olama wai, “Godigo po pusa mabo bidio.” Keptengo agai te bomai po weyu, e tiwai po wali, “Nago ena dali, te eno ami bidi dali, te nago ena dali te bugai homu pemene yao,” wai. “Tama nago da doligio,” wali.

Te Israel me Juda Hani Sigo Tuni Bidigo Po Elalubo Buku Si 1:14

“Eno koneanio, te dagalude elalubo isi tulaluama, te kepten si dali, te bidi sese a naga, 100 ami bidi dali, te augwali isigo dai dao.” Keptengo bomai po weyu, te po wai, “Eno homugo nago ena dali, te eno 50 ami bidi dali homu dene eyu, tama da doligio,” wali.