1 Samuel 26:19 - Godigo dwagi yai po buku

¹⁹ Tialima, king, eno po te nago odomainu homu ebao. Te Genuai Bidigo digi te nage aselama, ena dolomainu yai baso da, teda eno agaba te ofa me deli eyu, tama agai te olo tau sabo wiegi yai kolesagago ena tau somainu yaibao. Tiali goli, te bidi dabego te nago ena elimainu ebo si da, teda eno homugo te Genuai Bidigo augwali dolomainu yaibao. Magi baso meni, augwaligo ena te Genuai Bidigo tǫ pedaide ela gudulama, tama ena te tibo godiba lotu wagi pomainu ilibao. Tama eno te Genuai Bidigo aga hani bageba mabo wiegi yai doado bage te eno me sogobeo.

1 Samuel 26:19 Referans Kwoze

2 Samuel 20:19

Odao. Te dago hanu te Israel bulu tǫ pedaide te polalubo hanu me deli dao. Dago te hwįbo sę dabe me isiąwai. Dago te dena king naga mu wali peyu ebao. Tiali goli, megi nago te hanu dolainu ebao. Magi baso nago te Genuai Bidigo nai te dolainu ebawe?” wali.

2 Samuel 16:11

Tama Devitgo te Abisaibolo me te gasa ofisa dabeba te tama po wai, “Odao. Te ena ogwago digi ena ela muabo homu eyu da, teda magi baso da te e Benjamin hani bidigo enaba te wado po wabode te da midigi sobawe? Genuai Bidigo digi agaba obaso, te enaba dwai po omainu homu yali bogo, tama tibaso, aga te po omainu gogola tagalao.

2 Samuel 14:16

Eno homugo te ena me, eno ogwa dali dolobo bidi te nago gogologobe da homu yali. Te agai tama tiyu da, teda te Godigo aga we bidi dabe daba mani tǫde te da si te tǫde ma bidainu ebo te usu egobe da, homu yai dao.

Godigo Nogi Ugwaba Sabo Tęąbi Po Wabo Buku Dabe 120:5

Ena dage tomode dwai dugulalu, tama te ena te bulu Mesek, me te Kedar dabe tomode dwai dugulaluali tobage tiwai ebao.

Tuni Bidi Dabego Po Elalubo Buku Deli 21:1

Te Satango te Israel dabe sęgę mawai hagede, tama agai Devitba homu kolesaga mobaso te Israel we bidi augwali nedao wai dao.

1 Samuel 18:10

Te nosali side Genuai Bidigo te dwai mobo haubo me deli te Sol aga bede bidibadi te agaba tagala palali. Tama deli sogo polo tama, te dwai mobo haubogo te Solgo homu kolesaga tonaluagaselama, tama Solgo te i ola biliyu, te esela pabo bidi mu tiwai ilali. Te sogo Devitgo te agai gita elibo sę iduali, te aga tigidali sogo ebo tiwai gilama yali. Tama Solgo aga sesemone ene tolalu,

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Polgo Si Wali Pas Timotiba Asęani - 2TI 4:14

Te bidi nogi Aleksander, agai mone ge sabo sę da te haniani nai te aga kapago nigibo bidi, te bidi agai enabolo dwai sę mu ilali. Nosali te Genuai Bidigo agabolo te dwai dene wei ponoyu, te aga yali dwai kolesaga usu nama te dene mawaibao.

Galesia 5:12

Tama dage te tigiwali togwa po wabo bidi dabe augwaligo dagego wiegi yai homu elalubo te homu kolesaga augwaligo dolainogo eyu, te tigiwali togobo po wabo dao. Tama eno homugo te bidi dabe augwaligo augwa digi domo dįao!

Polgo Po Pas Rom Dabeba Asęani 14:15

Magi baso meni. E tiwai dao: nago amago homu te tubo nai me deli te habu selai nai dao. Tama agai nago te nai tubo subaso, tama aga homu te nai habu selali po wai nai goli, tama aga te habu selali po bolama, agai me te nai tubaso, aga te tiwai tulaluama te dwai homu sęgę elaluaibao. Tama nago naga ama tama doloyu da, teda nago koneao, te kolesagade nago te aga ama dali dwagi yai homu eyu godolo eyu bidibo kolesaga nago tagalai dao. Krais isilama te ama ma dobola sainogo yali. Tama tibaso, nago nai tubo kolesagago te ama me dologio.

Aisaia 60:5

Nago te tebo sulama, te nago gesabidi ula umagia mu yaibao. Te nago hoboludu dali pua pelama, genuai pemene yaibao. Te genuai sipidu wiegi yai nai hauwa nageba sesaibao. Te nago mone hauwa mu te tigidali tǫ kantride saibao.

Bugagia Bidibo Kolesagade Po Asęai Buku 30:10

“Nage te sę tonalubo bosman bidiba pelama, tama agai sę ebo bidiba posobo po me wagi pelamuo. Tiyu, te sę bidigo nageba te dwai sę emainu i ola mabo po obaso da, tama te nage sęgę elaluabuo.”

Te Israel me Juda Hani Sigo Tuni Bidigo Po Elalubo Buku Deli 22:22

Te Genuai Bidigo agaba hanalu wai, ‘Nago te Ahap mena tama tųba geanobo po waibawe?’ Tialima, te mobo noma bidigo Genuai Bidiba te tama po wali, ‘Te ena pelama, te Ahap aga profet dabego digi aga tibo po momainogo ilaibao.’ Tama Genuai Bidigo te noma mobo bidibolo te tiwai po wali, ‘Nage pelama, aga geanobo po wagi pao, te agai nago poba homu mueibao,’ Genuai Bidigo te po wai,” Mikaiago te tiwai wali.

2 Samuel 24:1

Me sogo deli sogo ma Genuai Bidigo te Israel dabeba wado elama, tama agai te Devitba homu kolesaga menama, te Devitgo augwaliba te sęgę sesemainu yai. Genuai Bidigo Devitba te tama po wai, “Nage pelama, te Israel me Juda we bidi augwali nedegi pao,” wai.

1 Samuel 25:24

Tama aga te Devit pąba pelama, tama kidu sugunigi pelama, tama tobolu te tǫba pogulali. Tama agai Devitbolo te tama wali, “Genuai bidi, eno nage dali po miainu ebao. Tama nago eno po odabo homu yaibawe? Te nage wado ilabo homu ebo ąǫ ilali sę, te page enade naga elalubao.

Pris Sę Ebo Bomai Po 26:31

Te eno dagego taun dabe me lotu be dabe dolaibao, tama eno dagego te ebo ofa dabe homu godolo me egobeo.

Tigidali Nai Gagalama Nigali Side 44:18

Juda te Josepba pelama, te po wali, “Genuai bidi, te dago po nage dali omainogo yao. Nage genuai bidi mu te Fero aga tiwai dao. Tiali goli, eno homugo te nago ena dali wado po me olamuo.

1 Samuel 24:9

Tama Devitgo Solba te tiwai po wali, “Magi baso nago olo te bidi dabego wabo poba muyu, te eno nage dolaibao homu ebo dawe?

1 Samuel 27:1

Nosali Devitgo te tama homu yali, ‘Te pąde sogo tama te Solgo ena ela muaibao,’ homu yali. ‘Tama te wiegi yai mu da ena te Filistia tǫ pedaiba wi pelama, bidigi pobaso da, teda Solgo ena me sogobe da,’ homu yali. ‘Tama Sol te hagela ebaso, tama ena gegebo sę munu ma egobeo,’ te homu yali.

2 Samuel 21:3

Megi da, te Gibeon dabego Devit suagasobaso, tama agai augwaliba te tama po wai, “Eno homugo dago dageba te dwai sę yali dodolainu ebao, tama dagego te Genuai Bidiba hanaluama, te aga we bidi hani dabolo wiegi yai sę emainu yao. Dagego homugo eno magi sęgo te dwai sę yali dodolumainu homu ebawe?” Devitgo te Gibeon bage te po hanalu wali.

Israel Hanigo Namba 36:7

Tama tiali da, dage deli deli Israel hani dabego duga tǫ dugade naga elalua paibao. Tama duga hani mebago me sogobeo.

Israel Hanigo Namba 36:9

Tama tialima, dagego te gasa hanigo dagego tǫ somainu sula tagaligio. Menio. Deli deli hanigo augwa tǫ mu naga tolaluaibao,” Mosesgo te po wai.

Bomai Po 13:3

Dagego agai po me odamuo. Dago God Genuai Bidigo dage agai pode tulalubowe olama usu somainogo tiaibao. Dagego dago Genuai Bidi dagego homudu, me dagego kolesagadu sese tama aga mu godolo ebowe weyu, ma meniwe olama, tama tiaibao.

2 Samuel 16:10

Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”

Godigo Nogi Ugwaba Sabo Tęąbi Po Wabo Buku Dabe 20:4

Eno homugo Godigo te nago wei ebo nai tigidali momainu yao. Tama nago yainu homu yali sę tigidali te agai nage tau sobaso, tama nago te sę ebo usu yaibao.