1 Samuel 26:16 - Godigo dwagi yai po buku

¹⁶ Apner, odao. Nago wiegi yai sę me ebo. Tama dage ami bage, dage tigidaligo te duga tonalubo bidi te bugagia me tonalubeo, te Genuai Bidigo sa munama te king bidibo, te bidi dao. Tama te Sesemane Sogo Bidibo Genuai Bidigo nogide, eno mu po obao, te dagego te bidi bugagia tonalusiąbaso, te kingo dage tigidali ela mugi sogo da, te usu igi dao. Dage pelama, te king aga tobolu muani pąde te sesemone me sene ąį sugi pao. Te nai si te munalubowe, ma meniwe?”

1 Samuel 26:16 Referans Kwoze

Efesus 2:3

Tama da me, da tigidali polobadu te hani tiwai bidaluali. Dago tigigo tǫde ebo dwai dwai kolesaga wali peyu, tama dago tigide pusu yabo kolesaga ela piduai. Dago homude pusu yabo kolesaga me dago ela piduai. Tama te kolesaga edubadi, Godigo da dali sębę eduai, agai te gasa we bidi tigidali dali sębę iduali tiwai. Tama God agai da eligi sogo da, teda te dolo egi dao, po meni.

Godigo Nogi Ugwaba Sabo Tęąbi Po Wabo Buku Dabe 102:20

Agai te kalabus bidi dabe augwa tolali sęgęde gela wabo odali. Tama agai te po tų silama tama augwa te kalabus silali bidi dabe tau siyu, te augwali me isidali weyu yalio.

Godigo Nogi Ugwaba Sabo Tęąbi Po Wabo Buku Dabe 79:11

Nago te kalabuside bidibo bidi dabego gela wabo odao. Tama te nago genuai bomogo, nago te bidi dabe te boi bidi dabego po weyu, te isimainao po wali bidi dabe, augwali ma sao.

2 Samuel 19:28

Nago te eno ayago hani we bidi tigidali eligi da. Tiali goli nago olo tau sabo wiegi yai homu ebo kolesaga enaba eyu, tama nago ena te nago bede sesemane sogo nai tuagasomainu ilali. Tama tibaso, te eno nageba te gasa nai me ma enaba mao olama, me hanalugobeo,” Mefibosetgo te po wali.

2 Samuel 12:5

Devitgo Natango te wali po odolama da, teda Devit aga haliga sębe dwai mu te mone hauwa elalubo bidi dali eyu, tama po wali, “Te Genuai Bidigo nogide, eno mu po tama obao, te tobage kolesaga yali bidi te aga dwai bidi mu dao. Te augwaligo aga ela muabo sunumi te wiegi yai mu tama nigali dao.

1 Samuel 26:11

Genuai Bidigo agai te sa muani king te eno aga dolomainu ilibeo. Dago te agai sesemone me te sene wę naga selama, tama da pinao.” Devitgo te po wali.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

1 Samuel 20:31

Magi baso meni, te bidi bidibo sogo digi, nago te tǫ pedaide king bidi me pedalugobeo. Tama tiyu, nago te bidi polo tagala palama, te aga selasa asao, te eno aga ela muaibao,” wali.

1 Samuel 24:6

Tama aga bidi dabe bidibo madiba ma pelama, tama augwaliba te tiwai po walali, “Genuai Bidigo enabolo te eno king dolomainu ilibeo, magi baso meni, te Genuai Bidigo digi aga nigilama, tama aga te king munama bidali. Eno te Genuai Bidigo sa muani kingba dwai kolesaga deli me egobeo,” wali.

1 Samuel 26:15

Tama Devitgo po wei ponoyu, te tiwai po wali, “Te nage bidi mugo oba, agawe? Te Israelde mena bidi te nage tiwai dawe? Te mu menio. Nago augwali aiyaba elaluai. Tama tiyu, magi baso naga tonalubo bidi, te king bugagia tonalubo meni dawe? Te nago konebe, agawe? Megi naga tama, te bidi me deli te king bidibo pesage tomoba pelama, te king ela muainu yali.

Te Israel me Juda Hani Sigo Tuni Bidigo Po Elalubo Buku Deli 2:26

Solomongo te pris Abiatarbolo te tiwai po wali, “Nage te hanu Anatotba ma pelama, tama naga tǫba bidigi pao,” wali. “Nago te dwai sę yai elalubaso, tama nage isimainu yaibao, tiali goli te eno nage me eligobeo. Magi baso meni, polobadu nage te eno aya Devit dali bidai, tama nago te dena Genuai Bidigo te Dąų Wali Bomai Po Muani Halobage tolasa bilali. Tama Devitgo te sęgę me dwai sę hauwa tolali sogo da, teda nage aga dali bidiyu, tama nago me te sęgę dabe toliyu yai dao.” Solomongo te po wai.