1 Samuel 26:15 - Godigo dwagi yai po buku

¹⁵ Tama Devitgo po wei ponoyu, te tiwai po wali, “Te nage bidi mugo oba, agawe? Te Israelde mena bidi te nage tiwai dawe? Te mu menio. Nago augwali aiyaba elaluai. Tama tiyu, magi baso naga tonalubo bidi, te king bugagia tonalubo meni dawe? Te nago konebe, agawe? Megi naga tama, te bidi me deli te king bidibo pesage tomoba pelama, te king ela muainu yali.

1 Samuel 26:15 Referans Kwoze

1 Samuel 26:14

Tama aga te Solgo ami dabeba me te Apnerba i wai. Agai te tiwai po wai, “Apner! Nago eno i wabo odaliwe, ma meniwe?” Tialima, Apnergo agaba te i wei ponoyu, te tama po wai, “Nage dego tama nago te kingba i obawe?”

1 Samuel 26:16

Apner, odao. Nago wiegi yai sę me ebo. Tama dage ami bage, dage tigidaligo te duga tonalubo bidi te bugagia me tonalubeo, te Genuai Bidigo sa munama te king bidibo, te bidi dao. Tama te Sesemane Sogo Bidibo Genuai Bidigo nogide, eno mu po obao, te dagego te bidi bugagia tonalusiąbaso, te kingo dage tigidali ela mugi sogo da, te usu igi dao. Dage pelama, te king aga tobolu muani pąde te sesemone me sene ąį sugi pao. Te nai si te munalubowe, ma meniwe?”

2 Samuel 3:38

Tama kingo te aga ofisa dabebolo te tiwai po wali, “Odiąo. Te e sogode da Israelgo bomai bidi mu me deli te isali dao.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Matyu 26:40

Tama aga wali pabo bidi dabe bidiboba aga pelama, tama suali, augwali godege pila muai. Tama agai augwali hodolama, tama Pitabolo agai te po wai, “Magi yaliwe, dagego ena dali te dwasianu sogo tonalugobewe?