1 Samuel 26:12 - Godigo dwagi yai po buku

¹² Tialima, Devitgo te aga tobolu pąde munaluali sesemone ene me sene wę dali si sali. Tama aga dali, te Abisai me, augwali si palio. Tama te bidi me deligo ma augwali sigo te tiali sę me konebeo. Tama te sogo te bidi me deli te me hodalubeo. Menio. Augwali te ni pulu tiwai mu piali, magi baso meni, Genuai Bidigo digi te tigidali bidi bomo elama, mu pimainu ilalio.

1 Samuel 26:12 Referans Kwoze

Tigidali Nai Gagalama Nigali Side 2:21

Tialima, Yawe Godigo te bidi piao olama, isai tiwai elaluali. Tama bidi pila mubadi, Godigo te bidigo punali dili me deli selama, tama te pesagede te mi ma dąų walali.

Tigidali Nai Gagalama Nigali Side 15:12

Tama elama, tama te giliga degegi painu ebode te Abram aga godege pialima, te isai tiwai mu yai. Agai pilamubadi, te agai nade subo nai tiwai te moni dwai be huli mu sulama, te aga wi dwai mu eyu bidali.

Aisaia 29:10

Genuai Bidigo dagego gedu sęgę ilali. Tama dage te bidi godege mu pilama, isai tiwai bidali. Tama Genuai Bidigo te profet bidi dabego augwaligo suabo nai dabe goli augwaligo susiąmainu yaibao.

Esta 6:1

Te sogo hulide digi, te king bidi aga godege bugagia piabo ąǫ ebeo. Tama agai augwalibolo po olama, augwaligo agai te tonalubo tǫ pedaide ebo po tigidali asębo te buku sesao po wali, tama augwaligo po meba te bukude asęani nedainogo tialio.

1 Samuel 26:7

Tialima, te sogo hulide Devit dali Abisai si te Solgo bidibo pesage tomoba pai. Tama augwali sigo suali, aga te pesage tomode pila muyu, tama aga sesemone ene te aga tobolu pąde te tǫba tulama elaluali. Tama Apner dali te ami bidi dabe daligo aga bagua selama, piai elaluali.

1 Samuel 24:4

Tialima, te Devitgo aga bidi dabego agabolo weyu, te po wali, “Te dao. Megi te nago wiegi yai sogo dao. Genuai Bidigo nagebolo waliyu, te agai te boi bidi nage mawaibao po wai, tama nago mena sę agade yainogo da, teda nago te sę yao. Megi da, te sę ebo sogo dao. Ae, nage pao.” Tialima, Devit te dua dua peyu, te Sol pąba pelama, tama te Solgo bobage ugwa aiyadu dwasianu pedainu togwa sali, tiali goli Solgo me konebeo.

1 Samuel 26:13

Tialima, Devit soyu, te bulu du si tomode te odogo malu bulu si nogelama, solama, tama te Sol bidibo pesage dwasianu digi bulu gana elaluali, tama te bulu du me deli bageba holama dolugulai.