1 Samuel 26:10 - Godigo dwagi yai po buku

¹⁰ Tama Devitgo po ma mu weyu, te po wai, “Te Sesemane Sogo Bidibo Genuai Bidigo nogide eno nagebolo obao, te Genuai Bidigo digi Sol elabo, me ma Sol aga digi isabo sogo bodolu elalu, ma te boi bidi dabego aga te hwįbode elabo te elalubao.

1 Samuel 26:10 Referans Kwoze

Bomai Po 31:14

Nosali Godigo Mosesbolo walali, “Tamadi tama nage isaibao. Tama tialima, Josua i olama, eno ugwa beba odasa asao, tama eno agabolo eno godolo elama agai emainogo ebo sę po ola mawaibao,” wali. Tama tialima, Moses de Josua si te sel ugwa beba pali.

Tigidali Nai Gagalama Nigali Side 47:29

Te pąde Jekop isainu yali. Tama tibaso, aga ogwa Josep i olama, agabolo te po wali, “Te nago enabolo usu da po weyu da, teda nago nogo si te eno sągą si tomoba munama, tama nago bomai po dąų mu weyu, te nago ena bugagia tonaluama, tama ena isibode nago ena te Isipde munu me pubulamuo.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Godigo Nogi Ugwaba Sabo Tęąbi Po Wabo Buku Dabe 37:13

Tiali goli, Genuai Bidigo te sogo me deli te bodolu pedalubo koneyu, tama te sogo te dwai sę ebo bidi dabe dolaibao. Tama tiyu, Genuai Bidigo augwaliba gisugu mabo dao.

1 Samuel 31:6

Tama tialima, te sogo naga te Sol dali, te aga ogwa sela badi, tama te gesi ogwa bidi me, tama te Sol tonaluali ami bidi dabe me, te tigidali isalio.

1 Samuel 25:38

Tama te tiwai te nogo si sogo bidama da, tama Genuai Bidigo te Nabal ela muanio.

1 Samuel 25:26

Odao. Genuai Bidigo digi nage paliama, tama nago te boi bidi dabeba te dwai kolesaga isiąyu, tama augwali me ela mubeo. Tama te Sesemane Sogo Bidibo Genuai Bidigo nogide eno po bomo elama weyu, te tiwai po obao, te nago boi bidi dabeba te Godigo dene ilimainu yaibao, te Nabalba yabo sę tiwai gilama yaibao.

Bomai Po 32:35

Te dwai sę yali wei ponobo kolesaga te eno sę dao. Ena digi te eno dwai dene wei augwalibolo ponaibao. Te mani bodolude augwali tuloluaibao. Pęwadage sogo mu augwali tolaluama, tama augwali sese mu dola silaibao,’ Genuai Bidigo te po wali.”

Kraisgo Geme Dualali Sę Pedelabo Po Jonbolo Ola Mani 18:8

Agai te homu ebaso, polo te haniani dwai sę mu agabolo te deli sogo naga pedalaibao. Te genuai gasi pedaliyu, tama bidi hauwa augwaligo dwai gela weyu, tama genuai nasi yaibao. Tama siago te Babilon tigidali daibao. Magi baso meni, te genuai bomo mu elalubo Genuai Bidi God aga digi dagalama tama Babilon hanuba te dwai dene wei ponobo dao,” te po wabo te dagaludu asobo eno odali.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

Kolesaga Koneai Bidigo Pusali Po Elalubo Buku 3:2

Godigo bidi da e tǫde ame nabo sogo bodolu dąį muani, te isabo sogo bodolu me muanio. Agai te nai wai bulabo sogo bodolu dąį ilibadi, te nai gudabo sogo me bodolu muai dao.

Godigo Nogi Ugwaba Sabo Tęąbi Po Wabo Buku Dabe 94:23

Augwaligo dwai kolesaga hauwa mu yai, tama agai augwaligo dwai sę yali wei begelaibao. Genuai Bidi dago God, megi agai augwali tigidali dolaibao.

Godigo Nogi Ugwaba Sabo Tęąbi Po Wabo Buku Dabe 37:10

Te pąde tama digi sogo, te dwai sę ebo bidi dabe mu hagawaibao. Te nago augwa pesagede te augwali gegebo sę yaibao, tiali goli nago augwali me sugobeo.

Jopgo Po Asęani Elalubo Buku 14:5

Da e tǫde bidabo bubuga dali, kibu be dali si polo bodolu muai dao. Bidi mego aga bidabo bubuga bobobage ma ilabo usu egobeo.

Jopgo Po Asęani Elalubo Buku 7:1

“Da e tǫde bidibo sogo, da e tiwai dao, bidigo da kegelama, wąbi hwįbo bidi nigibo. Da te sę ebo bidi dabe tiwai gilama, bomai sę naga tigidali sogo yaibao.

1 Samuel 24:15

Tama tibaso, te da si tomode te dego dwai sę yali te Genuai Bidigo digi dagalumainu yaibao. Agai ena tau siyu, te po dodoliyu, te nago ena me dologobeo. Tama eyu, agai da sibolo ola mawaibao, eno nagede dwai sę me deli me ebeo,” wali.

Hibru 10:30

Dago koneani, te Godigo me sogo po weyu te po wai, “Te dwai kolesaga wei ponobo sę, te eno yabo sę dao. Ena digi eno te dwai dene sabo te wei ponaibao.” Tama dago koneani, agai po ma wai, “Genuai Bidi aga digi aga we bidi augwali te po tų ebode dagalaibao,” te po wai dao.

1 Samuel 24:12

Genuai Bidigo digi te da sigo ebo kolesaga dagalama, tama dego te dwai sę yali sueibao. Agai nageba te dwai dene mayu, te nago ena dali yali dwai kolesaga wei ponoyu tiaibao. Tiali goli, eno digi eno te nageba dwai sę me iligobeo.

1 Samuel 25:39

Devitgo te Nabal isali po odama, tama agai te tiwai po wai, “Eno Genuai Bidiba wiegi yai homu pemene ebao. Aga digi te dwai kolesaga Nabalgo enaba yali te homu koneama, tama agai wei ponani. Nabalgo te dwai kolesaga ebaso, tama Genuai Bidigo agaba dene manio. Tama Genuai Bidigo aga sę bidi eno sunumi palialigo, tama eno dwai sę me ebeo,” wali. Tialima, nosali Devitgo sę bidi meba tagala palama, te Devitgo aga sabo po te Abigelbolo wagi pai.

1 Samuel 31:4

Tama aga te hwįbo doado bage sabilibo te gesi bidi i olama, tama agabolo te tiwai po wai, “Te nago bainat hwą selama, ena ela muao,” wali. “Te Godigo po odisiąwai Filistia dabego te enade dwai gagadi sę eyu, ena ela muidali weyu, te nago ena ela muao,” wali. Tiali goli, te gesi ogwa bidi aga wi dwai mu eyu, tama agai Sol te bainat hwągo me enebeo. Tama tialima, Sol aga bainat hwą aga digi tolasa te bainat poa pali daiba ugadu degasa dulama, tama te bainatgo aga tigide enama, tama aga isai dao.