1 Samuel 25:8 - Godigo dwagi yai po buku

⁸ Te nago augwaliba hanalu da, teda augwaligo te tobage deli po tiwai nageba waibao. Megi nago te genuai nai daa tubo po obaso, te Devitgo da nageba tagala palali. Tama tiyu, agai homugo te nago daba olo tau mabo wiegi yai kolesaga emainu homu yai. Da te nago sę bidi tiwai, tama nage te Devitgo aya tiwai dao. Tama tiyu, nago nai meba elalubaso da, te nago dabolo maiabo homu yao,’ te po wao,” Devitgo te po wali.

1 Samuel 25:8 Referans Kwoze

Esta 9:19

Te tama tialide, te obo menisiąwai dwasianu hanude bidali te Juda dabe, augwaligo te polua Adar dei 14 tede te olo bidiyu, te dwagi yai homu pemene ebo genuai side tiwai bodolu muai. Augwaligo te side bodolu muyu, te genuai nai daa tuyu, tama augwa hasi deli delibolo te wiegi yai homu ilibo kolesaga yabo bodolu muai dao.

Dwagi Yai Gesi Po Lukgo Asęani 11:41

Tiali goli, te duga munalubo pou dabe, kap dabe tomode munalubo nai dabe te nai meni yai bidi dabebolo menama, dagego te tiwai kolesaga eyu da, te dage magi dwai meda meni yai wiegi yai mu ma yaibao.

Kolesaga Koneai Bidigo Pusali Po Elalubo Buku 11:2

Nago konebe, mena sogo dwai sę e tǫba pedelabo elalubao, tialima nago mone sabo bisnis sunumi te nogo a naga olama, me badu si, ma a naga olama, me badu sela, te badu munama elalumainao.

Esta 9:22

Te side si sogo te Juda dabe augwaligo te augwa boi bidi dabe sela sąwani side dao. Tama te poluade naga te augwali homu sęgę me homu dene yali hasegelama, tama dwagi yai homu pedelai. Tama Mordekaigo augwalibolo weyu, te side si sogo te genuai nai daa tuyu, tama abagi dedebolo, me te magi nai meni yai bidi dabebolo, te nai dobayu yao po wai.

1 Samuel 24:11

Eno aya, suao, nago eno e tolalubo ugwa dage pedai bugagia suao. Eno te nago ugwade togwa sali, tiali goli eno nage me elibeo. Tama teyu, nago bugagia koneao, eno nageba dwai sę yabo homu me, te nage dolabo homu me elalubeo. Eno nagede hagoma eyu, nage dologode bidibo hagela homu ebeo. Eno tede sęgę sabeo. Eno dwai sę me deli nageba me ebe, tiali goli, nago ena gegebo sę eyu, te ena ela muainu ebao.

1 Samuel 3:6

tama nosali Genuai Bidigo aga i ma wali, tama Samuel te Eli pila muboba hodasa pelama, tama te po wai, “Nago ena i obaso, tama ena asalio.” Tiali goli, Eligo te po wali, “Ogwa, eno nage i me wabeo. Nage te naga betba pelama, ma pigi pao.”

1 Samuel 25:9

Tialima, te Devitgo bidi dabe pelama, tama te po te Devitgo nogide te Nabalba wagi pelama, tama augwali tonalu bidali.