1 Samuel 25:11 - Godigo dwagi yai po buku

¹¹ Dage menadu asali, te eno konebeo. Tama tiyu, eno te bret me, wę me, te kibu dabe te sipsip nisi togobo sę ebo bidi dabe ela maiabo nai, te dageba selama me magobeo. Mu menio,” wali.

1 Samuel 25:11 Referans Kwoze

Te Israel Tobolu Bidi Dabe 8:6

Tiali goli, te Sukot hanude bidali genuai bidi dabego te po wai, “Magi baso te dago nago ami bidi dabe nai momainogowe? Dagego te tuni bidi si Seba me Salmuna te bidi me pageabi elama nogo tubeo.”

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

1 Pita 4:9

Tama tibaso te kolesaga yao. Tama te kolesaga eyu, te dwagi yai homu eyu, tama duga hasi dage deli deligo te gasa we bidi dali te nai gesebo sę yao.

2 Korin 6:9

Te we bidi mebago gedude te da nogi meni yai bage da, da koneabo bidi meni ebo tiwai ebo dao, tiali goli bidi hauwago da koneani. Da te isainogo ebo bidi tiwai ebo dao, tiali goli meni, da bidibo ula dali me bididubo dao. Te Godigo da dodoloyu te keloago elebo tiwai ebo, tiali goli agai da me ela mubeo.

Jopgo Po Asęani Elalubo Buku 31:17

Eno ena nai dabe yogo elama, ena nai dabe dąų walama, enaduba tubeo. Menio. Eno me badu te augwa aya isai wai bǫų dabe te tiana wai bǫų dabe te nai mawai dao.

1 Samuel 24:13

Te polobadu digi te wali po nago koneani, ‘Te bidi dwaigo naga te dwai kolesaga yaibao.’ Tiali goli, ena te bidi dwai meni tiyu, te eno dwai kolesaga nageba me egobeo. Mu menio.

Bomai Po 8:17

Tama tialima, dage homugo te wiegi yai nai dabe dena nogogo te nigilali dao, te homu me elamuo. Menio.

Te Israel Tobolu Bidi Dabe 8:15

Nosali Gideon te Sukot hanu bidi dabe bidibo madiba sabolama, te tama po wali, “Dagego te sogo homu kone palu, tama dagego ena gisugu mayu, tama dagego te po wali, dagego te eno ami bidi dabe te bomo kimi meni eyu nasi ebadi, te dagego augwaligo nai me magobe po wali, magi baso ebe, eno te king bidi si te Seba me Salmuna te bidi si nogo tulama sisąbaso te tama tiali. Tiali goli, megi da, suiąo. Te augwali si e bidibao!” Gideongo tama po wali.

1 Samuel 25:7

Devitgo te tiwai po odali, te bidi dabego nago sipsip nisi togobo sę ebo po wai. Tama Devitgo nago bugagia konemainu yali, te nago sipsip tonalubo bidi dabe te da dali te Karmelde bidali sogo, dago augwaliba te dwai sę me ilibeo. Tama dago te augwaligo doado bage wi me sabeo.

1 Samuel 25:12

Te Devitgo tagala palali bidi dabego te po odama, tama augwa te Devitba ma geasa pelama, tama te Nabalgo wali po tigidali agaba walali.

Te Israel Tobolu Bidi Dabe 8:8

Tialima, Gideon mu pelama, tama te bulu Penuelba sabolama, tama agai te bulu bidi dabebolo me te nai meba mao wabo po hanalu wali. Tiali goli, te Penuel bidi dabego po wei ponoyu, te Sukot bidi dabego wali po tiwai naga walio.