1 Samuel 25:1 - Godigo dwagi yai po buku

¹ Nosali Samuel isibaso, tama tigidali Israel we bidi sisinagaselama, tama agade gela wali. Tama augwaligo aga te Ramade te aga be pąde pubulali. Nosali te Samuel isai madide, Devit te aga bidi dabe dali te tǫ wa pai Paran buluba bidigi pai.

1 Samuel 25:1 Referans Kwoze

1 Samuel 28:3

Polobadu te Samuel isibaso, tama tigidali Israel te agade gela olama, tama augwaligo aga te Ramade pubulali, te aga taunde digi. Tama te sogo Solgo te tigidali bidi me we te isali bidi dabe noma bidi dali po mibo we bidi augwali ela gudulali. Tama agai te bidi dabe te Israelde bidimainu me ebeo.

Bomai Po 34:8

Te Moses polo isai digi Israel dabe augwali te Moap dabego te malu bulude bidiyu, augwali gela udubadi, 30 be bubuga usu nani.

Israel Hanigo Namba 20:29

Tama augwali sigo tigidali we bidibolo e tama po wali, “Aron polo isalio,” po wali. Tama augwali sese agade gela odubadi, polua deli usu nani.

Tuni Bidi Dabego Po Elalubo Buku Si 33:20

Manase aga isibaso, augwaligo aga king dabego obo tomode pubulali, te king dabego be obo tomode. Tama aga ogwa Emongo agai pesage selama, tama aga king pedelali.

Godigo Sęba Tagala Palai Bidigo Po 8:2

Tama Jisas wali bugagia pabo bidi me badu augwaligo moni homu dene mu elama, diligi aselama, moni gela olama, Stiven pubaligi pali.

Israel Hanigo Namba 10:12

Tama te Israel dabego sulama, te nai meni yai bulu Sainai taga peyu pali. Tama te pǫ pelama, te nai meni yai bulu Paranba doligi pelama, elaluali.

Tigidali Nai Gagalama Nigali Side 21:21

Tama aga idago aga we me deli te Isip bulu we selama, aga ogwa mani.

Te Israel me Juda Hani Sigo Tuni Bidigo Po Elalubo Buku Deli 2:34

Benaiago te po odama, tama aga te Genuai Bidigo ugwa beba ma pelama, tama te Joap ela mugi pai. Tama augwa te Joapgo tigi te aga beba sela pali, te bulu tǫ pesage wai madi, tama augwaligo aga te aga be pąde pubulali.

Israel Hanigo Namba 13:3

Mosesgo Genuai Bidigo po odama wali peyu, augwali te Paran bulu kemi sane yai bulude bidiyu, agai te hani tobolu bidi dabe tagala palali.

Aisaia 14:18

“Te gasa tuni bidi dabe isibo sogo, te we bidi dabego wiegi yai sę elama, tama augwaligo te wiegi yai gų pageba pubaligi pabo dao.

Godigo Nogi Ugwaba Sabo Tęąbi Po Wabo Buku Dabe 120:5

Ena dage tomode dwai dugulalu, tama te ena te bulu Mesek, me te Kedar dabe tomode dwai dugulaluali tobage tiwai ebao.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

Israel Hanigo Namba 12:16

Tama nosali augwaligo te bulu Haserot taga pelama, tama Paran bulugo nai meni yai buluba ugwa be nani nigigi pelama, bidigi pali.

Tigidali Nai Gagalama Nigali Side 50:11

Te Kenan bage augwaligo te Isipdu asali bage te Atat bulude gela me homu dene ebo sulama, tama augwaligo te po wai, “Te sę ebo te Isip dabego genuai gela weyu, te homu dene ebo kolesaga dao.” Tama tibaso, augwaligo te bulu nogi te Abel Misraim nogi yali. Te bulu te giliga pedalubo te Jordan badu elaluali.

Te Israel me Juda Hani Sigo Tuni Bidigo Po Elalubo Buku Si 21:18

Tama te king Manase isali, tama augwaligo te aga te kingo be sesegede te obo tomode te tǫ me deli elalubo madigi te king Manase pubulali. Te tǫ te augwaligo e tama nogi wabo, te tǫ te Usago tǫ da. Te aga ogwa, agai nogi te e dao, Emon, tama te bidi agai te bidigo sę yali silide te aga king sę yali.

Tigidali Nai Gagalama Nigali Side 23:2

tama aga te Kiriat Arba, te gasa nogi Hebron, te Kenan pedai badu tede isai. Tama Abrahamgo te Sarade homu dene mu ebaso, aga tigi osogo muani madiba hogonigi peyu, tama agai aga we hagede gela wai.

1 Samuel 1:19

Tialima, Elkana aga we wai puluba dali te Silo bulude tede hulide pilama, tama kigamu mu augwali hogodama, tama Genuai Bidiba lotu po wali. Augwa te lotu po ola silama, tialima te augwali te augwa bulu te Rama teba ma pai. Nosali Genuai Bidigo te Hanago gedu haluasa po wali te homu kone palama, tama te Hanago hanalu wali po tiwai gilama te wali palio.

Sekaraia 1:5

Megi da, dagego wąį dabe polo isila pai dao, tama te profet dabe augwali me isai dao.