1 Samuel 24:9 - Godigo dwagi yai po buku

⁹ Tama Devitgo Solba te tiwai po wali, “Magi baso nago olo te bidi dabego wabo poba muyu, te eno nage dolaibao homu ebo dawe?

1 Samuel 24:9 Referans Kwoze

Bugagia Bidibo Kolesagade Po Asęai Buku 29:12

Te kantri tonalubo tobolu bidi aga te bidi dabego tibo po ola momainu eyu da, teda te dwai kolesaga naga ebo bidi dabe te aga sę ebo ofisa bidi naga bidaibao.

Jems 3:6

Te sia dabo tiwai da bidigo kelego wabo po tiwai dao. Tama te sia dabo tiwai, dago wali dwasianu dwai po te genuai mu pedaluama, dago tigi tomode dwai meda mu elama, tama da dolobo page elalubo. Tama dago wabo dwai po aga page bulu da te Satan aga moni dwai sia dabo bulu dao.

Bugagia Bidibo Kolesagade Po Asęai Buku 26:28

Te bidigo te gasa bidi dabeba tibo po obaso da, teda te tiwai ola mobao, agai augwali wei homu isąbaso, tama augwali dolainu ebao. Tama te bidigo homu bega sabo po sesemane sogo obaso da, teda tego te gasa bidiba dwai sę mu ilibo dao.

Bugagia Bidibo Kolesagade Po Asęai Buku 25:23

Te posobo po wabogo te bidigo gesabidi tuluga siyu yaibao, te waligo te tulubage sela asobo tiwai ebo dao.

Bugagia Bidibo Kolesagade Po Asęai Buku 18:8

Dago te bidigo gasa bidiba te posobo po wabo odobo te wei mu ebo da. Te tobage po te pusai nai tiwai eyu, tama polo tama dago tubo dao.

Bugagia Bidibo Kolesagade Po Asęai Buku 17:4

Te dwai kolesaga ebo bidi dabe, me te po nigasa pusubo bidi dabego te tobage po dwai waboba te olo mubo dao.

Bugagia Bidibo Kolesagade Po Asęai Buku 16:28

Te dwai kolesaga ebo bidigo te augwa hasi digi tomode te po konila ebo kolesaga ilaibao. Tama te posobo po wabo bidigo te bidi aga abagi dali te wado po wabo sę ilaibao.

Godigo Nogi Ugwaba Sabo Tęąbi Po Wabo Buku Dabe 141:6

Te bidi mebago te dwai sę ebo bidi dabego tobolu bidi dabe selama, tama augwali te bobobage sauba sąwaibao. Te augwali te tiwai dolobo sogo da, teda te dwai sę ebo bidi dabe augwaligo koneama, te eno polobadu wali po te mu po da waibao.

Godigo Nogi Ugwaba Sabo Tęąbi Po Wabo Buku Dabe 101:5

Te eno te gasa bidi dabeba posobo po wabo bidi dolaibao. Tama eno te hagoma ebo bidi dabe bidimainu me sula tagalogobeo.

1 Samuel 26:19

Tialima, king, eno po te nago odomainu homu ebao. Te Genuai Bidigo digi te nage aselama, ena dolomainu yai baso da, teda eno agaba te ofa me deli eyu, tama agai te olo tau sabo wiegi yai kolesagago ena tau somainu yaibao. Tiali goli, te bidi dabego te nago ena elimainu ebo si da, teda eno homugo te Genuai Bidigo augwali dolomainu yaibao. Magi baso meni, augwaligo ena te Genuai Bidigo tǫ pedaide ela gudulama, tama ena te tibo godiba lotu wagi pomainu ilibao. Tama eno te Genuai Bidigo aga hani bageba mabo wiegi yai doado bage te eno me sogobeo.

Pris Sę Ebo Bomai Po 19:16

Duga abagi dabeba kisa sigi pelama biliyu, te gasa bidiba posobo po wagio. Te augwaligo bidi me deligo te genuai sęgę sai madi po tų ilibaso, te dagego aga po tųde tau sabo homu eyu da, teda dagego tau sao. Tiyu, dage pedauwali panialubaso, te po tųgo aga ela muao po wabuo. Eno homugo dagego tama tiwai yao, magi baso meni, ena duga Genuai Bidi dao,” wai dao.

1 Samuel 20:1

Sol te bulu Naiotba sabalubo si, te Devitgo te bulu taga soyu, tama Jonatan bidibo madi wi ma soali. Tama agai Jonatanbolo te tiwai po wali, “Ei, Jonatan! Magi baso nago ayago ena ela muainu ebawe? Eno magi dwai sę me deli isiąyu, ma dwai kolesaga me deli agaba me ebeo. Mu tama, eno magi dwai sę me deli me ebeo,” wali.

1 Samuel 24:8

Tialima, Devit te Sol pali tudi badu nosali aga te ola bedu buluba dia solama, tama Devitgo agaba i weyu, te tiwai po wali, “King Sol, eno genuai bidi dao!” Solgo te i wabo odama begelali, tama Devit kidu sugunama, tama tobolu tǫba pogulali, te Solba genuai nogi mayu tiali.

1 Samuel 24:10

Megi da, nago koneani, e sogo naga nage te bulu du ola bede bidibadi, tama Genuai Bidigo nage eno nogoba muanio. Tama eno hani bagego nage elao po wali, tiali goli eno olo tau sabo wiegi yai homu kolesagago nage tau siyu, eno te po wali, eno nage me dologobeo, magi baso meni, Genuai Bidigo digi nage sa mubaso, tama nage te king pedelai dao.

1 Samuel 26:18

Genuai bidi, eno magi dwai kolesaga ebaso, tama nago naga sę bidi ena nago gegebo sę ebawe?

Jeremaia 37:18

Tama Jeremaiago Sedekaiabolo te tiwai po hanalu wai, “Eno nageba dwai sęgę yai sę ebaso, te dagego ena kalabusiba muai dawe?

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.