1 Samuel 24:4 - Godigo dwagi yai po buku

⁴ Tialima, te Devitgo aga bidi dabego agabolo weyu, te po wali, “Te dao. Megi te nago wiegi yai sogo dao. Genuai Bidigo nagebolo waliyu, te agai te boi bidi nage mawaibao po wai, tama nago mena sę agade yainogo da, teda nago te sę yao. Megi da, te sę ebo sogo dao. Ae, nage pao.” Tialima, Devit te dua dua peyu, te Sol pąba pelama, tama te Solgo bobage ugwa aiyadu dwasianu pedainu togwa sali, tiali goli Solgo me konebeo.

1 Samuel 24:4 Referans Kwoze

1 Samuel 26:23

Genuai Bidigo te aga bugagia wali mu pabo bidi te wiegi yai iliyu, tama te doloba pai kolesaga ebo bidiba me te wiegi yai ilaibao. Nago homugo te megi naga agai nage te eno nogoba muani, tiali goli eno nage me dolobeo. Magi baso meni, eno koneani, te Genuai Bidigo nage sa munama, nage te king bidibao.

1 Samuel 24:10

Megi da, nago koneani, e sogo naga nage te bulu du ola bede bidibadi, tama Genuai Bidigo nage eno nogoba muanio. Tama eno hani bagego nage elao po wali, tiali goli eno olo tau sabo wiegi yai homu kolesagago nage tau siyu, eno te po wali, eno nage me dologobeo, magi baso meni, Genuai Bidigo digi nage sa mubaso, tama nage te king pedelai dao.

1 Samuel 24:18

Tama megi tama nago ena pusali, nago wiegi yai kolesaga enaba elama, tama ena nago nogoba te Genuai Bidigo muani sogo, nago ena me ela mubeo.

1 Samuel 23:17

Jonatango agabolo te tiwai po wali, “Nage wi munu me igio. Eno ayago nage me dologobeo. Nosali nage te Israel king pedalubo side, tama ena te nage tudi badu bidi nigilama bidaibao. Tama eno ayago me te sę yabo koneai dao,” wali.

1 Samuel 23:7

Tama bidi mebago Solbolo weyu, te tiwai po wali, “Devit te Keilaba pelama bidibao,” wai. Tialima, Solgo te po wai, “Wiegi yai mu da, megi te Godigo aga te ena nogoba mawaibao. Devit te obo elalubo taun tomoba pali, tama te kolesagade aga digi aga te kalabus tiwai ilali. Tama tiyu, eno aga tuainu ebo te sunumi gegebo sę dene yai dao.”

Jopgo Po Asęani Elalubo Buku 31:31

Eno sę bidi dabego e tama wabo dao, ‘Agai tigidali bidi nai mawai dao. Bidi me nai meni yai bidai menio,’ augwaligo te po wabo dao.

2 Samuel 4:8

augwali te Hebronba sabolali. Tama augwali sigo te Isboset tobolu sela peyu, te king Devitba tama agabolo waseligi pai. Tama augwali sigo te tama po kingbolo wali, “King o, suao! Te e da Isbosetgo tobolu da, te naga boi bidi, Solgo ogwa da. Polobadu te Solgo nage elainu usu sesa bilali, tama tialima, te Genuai Bidigo nage tau siyu, te Sol dali, te aga hani ogomani dabe daligo te dwai sę yali kolesaga wei ponani da,” te po wai.

Ma Dobola Sali 21:13

Tiali goli, agai homugo te bidi mu ela muabo homu isąyu da, tiali goli agai geda muyu naga te bidi elama, nosali aga isimainogo yai, tama te bidi elali bidi aga wi pomainao, te bidigi wi pabo buluba, te eno dagebolo sa muaibao, tama tede aga bugagia bidaibao.

1 Samuel 22:1

Devitgo te taun Get tagalama, tama aga wi pelama, te taun Adulam pąba pelama, tama te genuai bulu du ola be me delide bididuali. Te aga ama dede dali te aga hani bagego aga te bulude bidibo po odobaso, teda augwali pelama, aga dali bidigi pai.

Godigo Nogi Ugwaba Sabo Tęąbi Po Wabo Buku Dabe 57:1

God, nago te homu dene eyu, tau sabo kolesaga enaba yao. Magi baso meni, nago ena tonalumainu eyu, ena nageba asobao. Ena nage dali bidibaso, te ena bugagia bidibao, te ba kakaruk wai dabe te aga idago bogo dologode bugagia geme dualalubo tiwai gilama ebao. Ena te tiwai tama bididu, te ena dolainu yali nai tigidali silibo sogoba usu nigi paibao.

Godigo Nogi Ugwaba Sabo Tęąbi Po Wabo Buku Dabe 142:1

Eno te Genuai Bidiba bomonama i weyu, te agai ena tau somainu ebao. Eno agaba te hanalubo sę bomonama weyu, te agai homu dene eyu, ena tau somainu ebao.