1 Samuel 23:7 - Godigo dwagi yai po buku

⁷ Tama bidi mebago Solbolo weyu, te tiwai po wali, “Devit te Keilaba pelama bidibao,” wai. Tialima, Solgo te po wai, “Wiegi yai mu da, megi te Godigo aga te ena nogoba mawaibao. Devit te obo elalubo taun tomoba pali, tama te kolesagade aga digi aga te kalabus tiwai ilali. Tama tiyu, eno aga tuainu ebo te sunumi gegebo sę dene yai dao.”

1 Samuel 23:7 Referans Kwoze

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

1 Samuel 23:14

Devit pelama, te bulu meba wiegi yai madi te Sif bulu pąde, te bulu du dabede geme dualaluali. Te bulu pedai te bidi meniama, olo elalubo bulu tama. Tama Solgo Devit sesemane sogo gegabo sę yali, tiali goli Godigo te Solgo aga somainu me ilibeo.

Ma Dobola Sali 15:9

“Te boi bidi dabe augwaligo te po wai, ‘Dago augwali pobelama, tama augwali dąų waibao. Tama dago augwaligo wiegi wiegi yai nai dena hanibolo dobola saibao. Tama tigidali nai dago sainogo yali nai te dago siyu naga yaibao. Tama dago augwali dali te poapi ge hwągo hwįnama, tama dena bomogo digi te dago augwali dolaibao.’”

Ma Dobola Sali 14:3

Tama augwali tama tibaso da, teda te Isip tuni bidigo augwali soali gegelama suyu, te po waibao, ‘Te Israel hani augwali te pabo tų susiąma gegede biliyu, te masigi sane yai bulude olo bilama, tama augwaligo te badu tų taga pabo menio,’ tuni bidigo te homu yaibao.

1 Samuel 23:6

Te Devit te Keilaba pisiąbadi, tama Abiatar, te Ahimelekgo ogwa, te king Solde wi peyu, tama te Devitba asali sogo, Abiatargo te prisgo masigi si elalubo ugwa sesali, augwa te Godigo homu konea sabo nai, tama te sela asai. Tama augwali te Keilaba pabo sogo, teda Abiatargo te ugwa pedai augwa dali peyu sela pai dao.

1 Samuel 23:8

Tialima, nosali Solgo te aga ami bidi tigidali i olama, tama augwali te bulu Keila pelama, te Devit aga bidi dabe dali bidibo teba bagua sigi painu yali.

Godigo Nogi Ugwaba Sabo Tęąbi Po Wabo Buku Dabe 31:21

Genuai Bidigo nogi ugwaba sao. Agai enaba dwagi yai sę umabo mu elama, tama agai ena tau sabo wiegi yai sę yali, te boi bidi dabego ena pobeasa biliyu, dolainu yali sogo te ena tau sai.