1 Samuel 23:5 - Godigo dwagi yai po buku

⁵ Tialima, Devit aga bidi dabe dali te Keilaba pelama, tama te Filistia dabeba hwįgi pali. Tama augwaligo te Filistia dabe hauwa ela munama, tama augwaligo bulmakau dabe sali. Te hwįanigo te Devitgo te Keila dabe ma dobola selama, tama augwali me dolobeo.

1 Samuel 23:5 Referans Kwoze

1 Samuel 23:4

Augwaligo te tama po obaso, tialima Devitgo te Genuai Bidiba ma hanalu wali. Tama Genuai Bidigo te tiwai po te Devitbolo wai, “Dage te hogodama, pelama, tama te Filistia dabeba hwįgi pao,” wai. “Magi baso meni, eno dage tau siyu, tama dagego augwali aiyaba elalueibao.” Te po wali.

1 Samuel 23:6

Te Devit te Keilaba pisiąbadi, tama Abiatar, te Ahimelekgo ogwa, te king Solde wi peyu, tama te Devitba asali sogo, Abiatargo te prisgo masigi si elalubo ugwa sesali, augwa te Godigo homu konea sabo nai, tama te sela asai. Tama augwali te Keilaba pabo sogo, teda Abiatargo te ugwa pedai augwa dali peyu sela pai dao.

1 Samuel 19:8

Me sogo nosali, te Filistia dabe me Israel dabe dali ma hwįani. Tialima, Devit te ami dabe dali pelama, te Filistia dabeba hwįbo te bomo mu igi pelama, tama augwali aiyaba mu elalubaso, tama te Filistia dabe wi tedela palio.

2 Samuel 22:40

Nago te hwįbo bomo enaba mani. Tama nago te boi bidi dabe eno nogoba mawai, tama eno augwali aiyaba elaluai.

Godigo Nogi Ugwaba Sabo Tęąbi Po Wabo Buku Dabe 18:38

Eno te enego augwali enama, tama augwali te ma hodaluainu ebaso, te usu meni yai. Augwali te isilama, tama te eno sągą pąde pila mubo tiwai yai dao.

Godigo Nogi Ugwaba Sabo Tęąbi Po Wabo Buku Dabe 38:20

Eno dwagi yai kolesaga augwaliba ebadi, tiali goli augwaligo enaba dwai kolesaga wei ponoyu yai. Eno te wiegi yai kolesaga wali pobadi, tama tede augwaligo homu koneama, tama enade augwa boi bidi pedelali.