1 Samuel 23:29 - Godigo dwagi yai po buku

²⁹ Tama Devitgo te pesagede bidali te tagalama, tama pelama, te wiegi yai geme dualaluabo pesage te Engedi dabego tǫba bidigi palio.

1 Samuel 23:29 Referans Kwoze

Tuni Bidi Dabego Po Elalubo Buku Si 20:2

Tama bidi meba augwali king Jehosafat bidibo digi aselama, te po wagasali, “Tegobao, te genuai hani ami bidi dabe augwali sigi ąį Detsi u badu aselama, tama nage dali hwįainogo ebao. Megi da, augwali taun Tamar Hasasonde bidibao,” wali. Tamar te taun Engedigo nogi me dao.

Josua 15:62

Nipsan, me te tǫde tamu elalubo hanu me elaluali, Engedi hanu me elaluali. Te hanu 6 dali, te augwali pąde elalubo dwasianu bulu dabe me, te Juda dabego dobayali.

Esekiel 47:10

Te sųgų sabo sę ebo bidi dabego te sigi ąį Detsi kemi sane badu dolaluyu, sųgų sabo wa te ąįba sąnama, tama sųgų saibao, te bulu Eneklaimdu gagalama, pelama, bulu Engediba usu nigi paibao. Tama augwaligo sųgų sabo sę siliyu, augwa wa dabe ąį kemi sanede muaibao, te wa dabe te kemi sanede omainogo. Te Detsi ąįde elalubo haniani sųgų dabe te Mediterenian tamu ąįde bidibo sųgų tiwai mu bidaibao.

Solomon 1:14

Tama aga te wiegi yai denami ebo plaua dabe tiwai elalubaso, te Engedi wain gi dabe pedalubo tiwai ebo dao.

1 Samuel 24:1

Solgo te Filistia dabe pobeasa pelama, teda aga ma geasa aselama, te Devit ma gegagasali. Tialima, te bidi mebago agabolo te po wali, “Devit te tǫ wa pai bulu te Engedi pąde bidibao,” wali.

1 Samuel 23:28

Tialima, Solgo te po odama, tama aga me, te aga hani bidi dabe dali te Devit taga soyu, tama te Filistia dabe dali hwįgi soai. Tama tialima, augwaligo te bulu nogi polali, Te Wąbi Hwįbo Togolali Masigi Hauwa Elalubo Bulu Da po wai.

1 Samuel 24:22

Tialima, Devitgo bomai po dąų walali. Tama Sol aga buluba ma geasa peyu, tama Devit aga bidi dabe dali te geme dualaluali pesageba ma geasa pai.