Biblia Todo Logo
Bib sou entènèt

- Piblisite -




1 Samuel 23:22 - Godigo dwagi yai po buku

22 Tiali goli, te bidi dabego te po wali, Devit te geme dualubo sę mu konea pai bidi, tama agai da tibo po me ola mawaibao. Tama tiyu, eno homugo dage te deli sogo ma pelama, te aga bidibo pesage sugi pelama, tama aga suali bidi dabe te nogi koneyu yao,” te po wali.

Gade chapit la Kopi




1 Samuel 23:22
6 Referans Kwoze  

Bidi mebago haniani kolesagago bidi mebago homu kolesaga dolainu ebo dao. Tiali goli, God te dwai kolesaga ebo bidi aga te dwai kolesaga ebogo aga ma dolomainu ebo dao. Te e tiwai dao. Bidigo sųgų sabo wa te sųgų sainu wąį goli, te wa aga digi aga tigide ma agabesai subo dao. Tama augwaligo sainu yali homu te olo buluba taga pabo dao.


Tama Solgo augwaliba te po wai, “Dagego wiegi yai kolesaga eyu, te ena tau sobao. Tama tiyu, eno homugo te Genuai Bidigo dage wiegi yai bugagia ilimainu yaibao.


“Dagego te aga geme dualubo pesage tigidali te bugagia koneama, tama polo aselama, enabolo wagasao. Tama ena dage dali pelama, tama aga tede me bididubaso da, teda eno aga bugagia gegegi paibao. Tama eno aga pobeasa peyu, te tigidali Juda pedai badu pobaso da, teda te eno aga sigi pabo si mu te usu naibao.”


me Hebron, te e tama bulu dabeba te doado bage tolali. Tama agai te doado bage meba te aga dali te aga ami bidi dabe augwali te polobadu bilali te bulu tigidaliba usu nama tolalio.


Te megi da, aga te bulu du genuai tǫ dedagede, ma gasa pedai badu me, te geme dualalubo homu ebao. Tama te megi dago hwįgi pobaso, tama augwaligo te dago ami bidi meba elibaso da, teda te we bidi dabego te sę yali po odoyu, tama augwa te tama po waibao, ‘Te Apsalomgo hani te dwai sę yabo sogoba mu gegali da,’ po wabuo.


Tama kingo te aga sę ebo gavman ofisa bidi augwalibolo e tiwai po tama wali, “Dage pelama, te Elisa mena badu pedai badu bidibo wenama, kegegi pao,” wali. “Tama dagego te ami soldia bidi dabe selama, tama dagego te nogo tulama, kegasa asiąo,” wali. Augwaligo tama kegegi pelama, tama Elisa aga te Dotan hanude bidibo sualio.


Swiv nou:

Piblisite


Piblisite