1 Samuel 23:17 - Godigo dwagi yai po buku

¹⁷ Jonatango agabolo te tiwai po wali, “Nage wi munu me igio. Eno ayago nage me dologobeo. Nosali nage te Israel king pedalubo side, tama ena te nage tudi badu bidi nigilama bidaibao. Tama eno ayago me te sę yabo koneai dao,” wali.

1 Samuel 23:17 Referans Kwoze

1 Samuel 20:31

Magi baso meni, te bidi bidibo sogo digi, nago te tǫ pedaide king bidi me pedalugobeo. Tama tiyu, nago te bidi polo tagala palama, te aga selasa asao, te eno aga ela muaibao,” wali.

1 Samuel 24:20

Odao, eno mu koneani, te nage Israelde bomai king pedelaibao.

Hibru 13:6

Tama Godigo te po obaso, dago dena homu bomonama tama dago e tiwai po waiyąo, “Genuai Bidi da ena tau sabo bidi dao. Te ena wi me egobeo. Te bidi dabe augwaligo ena dali ebo dwai kolesaga tigidaligo ena dologowe? Menio!”

Godigo Sęba Tagala Palai Bidigo Po 28:16

Te da Rom tomoba sabalobo si, gavman tobolu bidi dabego Pol agaduba bidabo pesage osogo abelama, bidimainu yali. Tiali goli, tigidali sogo enesigi bidi deligo tonaluali, Pol wi pidali weyu tiali.

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Polgo Po Pas Rom Dabeba Asęani 15:24

Tama tialigo da, megi eno homugo te ena te digibulu tǫ pedai nogi Spen, te dagego bulu Rom u badu bulu, teba ena paio. Tama te Spenba pobadi tama tomode ena dagego hanu Romba hasia sabolaibao. Tama dageba te tiwai sabolama, tama ena dwasianu sogo dage dali dwagi yai homu eyu bidama, tama dagego ena tau siyu ena odasa pelama, te Spen bulu pabo tųba tagaligi pagameo.

Godigo Sęba Tagala Palai Bidigo Po 5:39

Tiali goli, te sę Godigo bomogo ebo sę eyu da, teda dagego te sę aiyaba elalubo usu egobeo. Dagego ‘Te bidigo sę naga dao’ wagi sogo da, teda dage God dali hwį egi da,” te bidi Gamaliel agai te po wai.

Dwagi Yai Gesi Po Lukgo Asęani 12:32

Jisasgo po ma wadolama, “Te dage ena dali bilibo bidi dabe, dage te dwasianu hani sipsip tiwai dao. Te dage wi egimio. Magi baso meni. Duga Ayago dagebolo po weyu, te aga dagego king bidibao po olama, Godigo dagebolo te we bidi tonalubo sę mawainu, dwagi yai homu elalubao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Bugagia Bidibo Kolesagade Po Asęai Buku 19:21

Da we bidi dabe dago te sę hauwa yabo homu ebo dao. Tiali digi, te Genuai Bidigo yabo homu yali sę te naga te pedelaibao.

Bugagia Bidibo Kolesagade Po Asęai Buku 14:26

Te Genuai Bidide wi eyu, aga dologoba pelama bidibo bidi da, aga da te boma pai madide bidibao, tama te magi nai me delide wi me isąwaibao, tama aga wai puluba dabe me te bugagia bidaibao.

1 Samuel 24:4

Tialima, te Devitgo aga bidi dabego agabolo weyu, te po wali, “Te dao. Megi te nago wiegi yai sogo dao. Genuai Bidigo nagebolo waliyu, te agai te boi bidi nage mawaibao po wai, tama nago mena sę agade yainogo da, teda nago te sę yao. Megi da, te sę ebo sogo dao. Ae, nage pao.” Tialima, Devit te dua dua peyu, te Sol pąba pelama, tama te Solgo bobage ugwa aiyadu dwasianu pedainu togwa sali, tiali goli Solgo me konebeo.

1 Samuel 24:19

Eno koneani, te bidi me deligo aga boi bidi dolabo sunumi elalubaso da, teda agai te aga olo me tagala palogobeo. Tiali goli, nago te wiegi yai kolesaga megi enaba yaligo, tama tiyu eno homugo te Genuai Bidigo nage wiegi yai bugagia mu ilimainu yaibao.

Godigo Nogi Ugwaba Sabo Tęąbi Po Wabo Buku Dabe 118:6

Genuai Bidi ena dali bidibaso, tama ena wi me egobeo. Te bidi dabego enaba magi sę deli me yainu usu egobeo.

1 Samuel 22:23

Tiali goli, nage wi munu me igio. Nage ena dali bidao. Te mu tama, Solgo te nage me, ena me, da si elainu ebao. Tiali goli, nage ena dali bidibaso da, teda eno nage tonalu, tama nage bugagia bidaibao,” wali.

1 Samuel 24:21

Tama tiyu, eno homugo nago te Genuai Bidigo nogide te bomai po dąų walu, te nage king pedalubo sogo, te nago eno hani munu me eligobe po wao. Tiyu, nago augwali elibaso, tama eno nogi dali, te eno hani dali, tigidali mu silidalio,” Solgo te po wali.

1 Samuel 25:30

Tama Genuai Bidigo te tigidali wiegi yai sę agai nageba po dąų walu te nageba yaibao wali sę tigidali yaibao. Tama agai nage te da Israel dabego king pedalumainu ilaibao.

Aisaia 35:3

Dagego te bomo meni yai bidi dabe dąų waliyu, te haliga wi ebo bidi dabe, me didibili ebo bidi te dąų waliyu yao po wai dao.

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.